Wp/rki/ကိုးနဝင်းစေတီတော်
| ကိုးနဝင်းစေတီတော် | |
| တည်နီရာ | မြောက်ဦးမြို့၊ ရခိုင်ပြည် |
| ကုသိုလ်သျှင် | ခေတ္တသင် |
| တည်ထားခုနှစ် | ကောဇာ ( ၁၈ဝ ) ခု၊အေဒီ(၈၁၈)ခုနှစ် |
တည်နီရာ
[edit | edit source]မြောက်ဦးနန်းတော်ကုန်းဧ့တောင်ဘက် တစ်မိုင်ကျော်ခန့်အကွာ၊ မင်္ဂလဓာတ်ရွှေဂူစေတီတော်ဧ့ အရှေ့ဘက်၊ လက်ဆည်ကန်ဧ့ အနောက်ဘက်တွင် တည်ဟိပါရေ။
ကုသိုလ်သျှင်
[edit | edit source]ဘုရင်ခေတ္တသင်မင်းရေ ကောဇာ ( ၁၈ဝ ) ခု၊အေဒီ(၈၁၈)ခုနှစ်တွင် တည်ထားလှူဒါန်းခပါရေ။
သမိုင်းအကျဉ်း
[edit | edit source]ဝေသာလီမြို့တော်ပျက်သုဉ်းပြီးနောက် စူဠစန္ဒာမင်းဧ့ တူတော်ခေတ္တသင်မင်းရေ ပဉ္စာမြို့ကို တည်ထောင် စိုးစံခရေ။ ထိုမင်းလက်ထက် ရဟန္တာအသျှင်သစ္စဗန္ဓဝမထေရ်ရေ ပဉ္စာမြို့အနီး လိုဏ်ဂူတစ်ခုတွင်ဝါဆိုပနာ တရားအားထုတ်ခပါရေ။ ယခုအခါ ထိုဂူကို ငှက်ခေါင်းဂူဟုခေါ်ပြီးဂနီ့တိုင်တွေ့ဟိနိုင်ပြီး လက်ဟိအခြေအနီ၌ ထိုဂူမှာ မြေတိပြိုကျပနာ မြေဇာတိဂူထဲသို့ဖို့နီရေကိုတွေ့နီရပါရေ။ ထိုအသျှင်သူမြတ်ရေ ပရိနိဗ္ဗာန်စံချိန် ရောက်ရေအခါ မြောက်ဦးမြို့၊ စံကားတောင်တန်းဟိ သီရိပဗ္ဗတတောင်တွင် သီတင်းသုံးပြီး ထိုတောင်၌ပင် ပရိနိဗ္ဗာန်စံခလေရေ။ လေးမြို့ခေတ်ဦးပိုင်း ပဉ္စာမင်းဆက် ခေတ္တသင်မင်းရေ သီရိပဗ္ဗတတောင်၌ပင် ရဟန္တာ အသျှင်သစ္စဗန္ဓဝမထေရ်မြတ်ဧ့ဓါတ်တော် မွေတော်တိကို ဌာပနာထည့်ပြီး ကိုးနဝင်းစေတီတော်ကို တည်ထားလှူဒါန်းခပါရေ။ နဝင်းကျေတည်ခပနာ ကိုးနဝင်းစေတီ ဟုခေါ်ခြင်းဖြစ်ပါရေ။
ဗိသုကာလက်ရာ
[edit | edit source]ကိုးနဝင်းစေတီတော်ကို သီရိပဗ္ဗတတောင်ကုန်းတွင် ပင်မရှစ်မြှောင့်စေတီတော်ကြီးတစ်ဆူနန့် အရပ်ရှစ်မျက်နှာသို့ မျက်နှာမူထားရေ ဓါတ်လုံးပုံ၊ အရံစေတီငယ် (၈) ဆူ၊ စုစုပေါင်း (၉) ဆူကို နဝင်းကျေ တည်ထားခပါရေ။ စေတီတော် ပတ်လည်ဟိ ဂူငယ်တိတွင် မတူရေမုဒြာပေါင်းစုံ ဆင်းတုတော်တိကို ထုဆစ်ပူဇော်ထားပါရေ။ ဒေကိုးနဝင်းစေတီတော်ရေ လေးမြို့ခေတ်ပုံစံစေတီတော်တစ်ဆူပင်ဖြစ်ပါရေ။
ကိုးကား
[edit | edit source]မြောက်ဦးဒေသ ရှေးဟောင်းအဆောက်အဦးများ (ရှေးဟောင်းသုတေသနနှင့် အမျိုးသားပြတိုက်ဦးစီးဌာန၊ ယဉ်ကျေးမူဝန်ကြီးဌာန) -၂၀၁၅
