Wp/rki/ရတနာစံရွေးစေတီတော်
တည်နီရာ [edit | edit source]
မြောက်ဦးနန်းတော်ကုန်းဧ့ အရှေ့မြောက်ဘက် မိုင်ဝက်ကျော်ကျော်ခန့်အကွာတွင် တည်ဟိပါရေ။ ရတနာ မှန်ကင်းစေတီဧ့ အနောက်ဘက်၊ ရတနာစံဦးစေတီဧ့ မြောက်ဘက်တွင်ကျရောက်ပါရေ။
ကုသိုလ်သျှင်[edit | edit source]
ဘုရင်ဘစောဖြူမင်းက ကောဇာသက္ကရာဇ် (၈၃၂) ခု၊ အေဒီ (၁၄၇၀) ခုနှစ်တွင်တည်ထားလှူဒါန်းခပါရေ။
သမိုင်းအကျဉ်း[edit | edit source]
ရတနာစံရွေးစေတီတော်ကို မြောက်ဦးခေတ်၊ ခေတ်ဦးတွင် ဘုရင်ဘစောဖြူ တည်ထားလှူဒါန်းခပြီး နောက် မြောက်ဦးခေတ် ပျက်သုဉ်းရေအထိ စေတီတော်မှာ ပျက်စီးနီခရာ (၉-၉-၂၀၀၀) ခုနှစ်တွင် မဟာဂန္ထဝါစက ပဏ္ဍိတ မဟာသဒမ္မဇောတိကဓဇ ဒေါက်တာဘဒ္ဒအရိယဝံသ အလိုတော်ပြည့် ဆရာတော်နန့် ဗိုလ်ချုပ်ကြီးခင်ညွန့်တို့ကို ဦးထိပ်ထားလျက် သားဗိုလ်မှူးဇော်နိုင်ဦး၊ ဇနီးဒေါက်တာခင်သန္တာမြင့်တို့မှ ထပ်မံတည်ဆောက်လှူဒါန်းခပါရေ။ ရတနာသုံးပါးတွင် ဘုရားရတနာကို စံအဖြစ်ရွေးချယ်သတ်မှတ်ရည်စူးပနာ လှူဒါန်းခရေကြောင့် ရတနာစံ ရွေးစေတီဟု ခေါ်တွင်ခြင်းဖြစ်ပါရေ။ မင်းခရီ (ခ) အလီခင်မင်းလွန်လေလျှင် သားဖြစ်သူဘစောဖြူ (ခ) ကလီမာယျာ ကောဇာ (၈၂၁-၈၄၄)/အေဒီ (၁၄၅၉-၁၄၈၂)ရေ မဟာနွယ်တို့ဧ့ ဓမ္မတာတော်အတိုင်း မြောက်ဦးခေတ်တတိယမြောက်ဘုရင်အဖြစ် နန်းတက်တော်မူလေရေ။ ၄င်းတည်ထားလှူဒါန်းခရေ အဆိုပါ စေတီတော်ဧ့ပုံစံမှာ ဗောဓိရွှေဂူစေတီပုံစံနန့် ဆင်တူရေ။ ဤမင်းရေ လေးအတတ်၌ အလွန်ကျွမ်းကျင်ပြီး ခွန်အားအစွမ်းနန့်လည်း ပြည့်စုံကာ ကျွန်ကောင်း၊ အမတ်ကောင်းတိစွာဟိလေရေ။ သီဟိုဠ် (သီရိလင်္ကာ) မှ ပိဋကတ်သုံးပုံ အစုံဆက်လာပြီး စစ်တကောင်းမြို့ ကိုလည်း ပြန်လည်တိုက်လို့သိမ်းယူခရေ။ ==ဗိသုကာလက်ရာ== တောင်ကုန်းပေါ်တွင် ကျောက်အတိဖြင့် တည်ဆောက်ထားရေ စေတီတော်ဖြစ်ပြီး စေတီတော်အောက်ခြေပန္နက်မှာ အဝိုင်းပုံဖြစ်ပါရေ။ အချင်း (၃၄) ပေခန့်ဟိပြီး အမြင့်လည်း (၃၄) ပေခန့်ဟိပါရေ။ လိုဏ်ဂူတော်တွင် ဆင်းတုတော် ကြီးတစ်ဆူ ပူဇော်ထားပြီး ဆင်းတုတော်ကြီးအား အရှေ့ဘက်သို့ မုခ်ဦးဖွင့်ပနာ တည်ဆောက်ထားပါရေ။ စေတီတော် တည်ဆောက်မှုမှာ ခန့်ညားထည်ဝါလှရေ စေတီတော်ကြီးတစ်ဆူပင်ဖြစ်ပါရေ။
ကိုးကား[edit | edit source]
မြောက်ဦးဒေသ ရှေးဟောင်းအဆောက်အဦးများ (ရှေးဟောင်းသုတေသနနှင့် အမျိုးသားပြတိုက်ဦးစီးဌာန၊ ယဉ်ကျေးမူဝန်ကြီးဌာန) -၂၀၁၅
