Wp/rki/လွမ်းစေတီ
တည်နီရာ
[edit | edit source]မြောက်ဦးနန်းတော်ကုန်းဧ့ အရှေ့တောင်ဘက် မိုင်ဝက်ခန့်အကွာတွင် တည်ဟိပြီး မျှော်တော်မူစေတီတော်ဧ့ အနောက်ဘက်၊ တဝဂူစေတီဧ့ အရှေ့ဘက်တွင် ဟိပါရေ။
ကုသိုလ်သျှင်
[edit | edit source]ဘုရင်မင်းဖလောင်းလက်ထက် ဇုနှုတ်စစ်သူကြီး နန္ဒသူရရေကောဇာသက္ကရာဇ် (၉၃၃) ခု၊ အေဒီ (၁၅၇၁) ခုနှစ်တွင် တည်ဆောက်လှူဒါန်းခပါရေ။ ထခိုင်းအကျဉ်း ဇုနှုတ်စစ်သူကြီး နန္ဒသူရရေ မိမိဧ့ ချစ်ဇနီးကို လွမ်းဆွတ်သတိရခြင်းဖြင့် တည်ဆောက်လှူဒါန်းခရေ စေတီတော်တစ်ဆူဖြစ်ရေကြောင့် လွမ်းစေတီဟု ခေါ်တွင်ပါရေ။ ယခင်မြောက်ဦးခေတ်က စေတီတော်တည် ဆောက်မှုမပြီးခကြောင်းသိရပါရေ။ ယခုခေတ်တိုင်အောင်ပင် အထင်အရှားမြင် တွေ့ခရပြီး ယခုစေတီတော်အား ထိန်းသိမ်းရေးဆောင်ရွက်ခမှသာ ယခုလိုစေတီတော်ပြီးစီးမှုကို တွေ့မြင်ရခြင်းဖြစ်ပါရေ။
ဗိသုကာလက်ရာ
[edit | edit source]လွမ်းစေတီကို ပေ (၁၀၀) ခန့်မြင့်ရေ တောင်စောင်းပေါ်တွင် ကျောက်အုတ်ဖြင့် တည်ဆောက်ထားပါရေ။ အောက်ခြေကို ကျောက်ဖြင့် တည်ဆောက်ထားပြီး အပေါ်အဆင့်တိကို အုတ်ဖြင့် တည်ဆောက်ထားပါရေ။ အောက်ခြေတစ်မျက်နှာလျှင် (၂၇) ပေခန့်ဟိပြီး အမြင့်လည်း (၂၇) ပေခန့်ဟိပါရေ။ အောက်ခြေမှာ လေးထောင့်ပုံစံဖြစ်ပြီး ပစ္စယာသုံးဆင့်တွင် အပေါ်ကို ငှက်ပျောဖူးအထိ အဝန်းပုံစံဖြင့် တည်ဆောက်ထားပါရေ။ အရှေ့ဘက်သို့ (၄) ပေခန့်ထွက်ပနာ မုခ်ဦးဖွင့်ထားပြီး မုခ်လိုဏ်ဂူထဲတွင် အမြင့် (၄) ပေခန့်ဟိရေ ကျောက်ဆင်းတုတော်တစ်ဆူကို (၂) ပေခန့်မြင့်ရေ ပလ္လင်တော်ပေါ်တွင် ပူဇော်ထားပါရေ။
ကိုးကား
[edit | edit source]မြောက်ဦးဒေသ ရှေးဟောင်းအဆောက်အဦးများ (ရှေးဟောင်းသုတေသနနှင့် အမျိုးသားပြတိုက်ဦးစီးဌာန၊ ယဉ်ကျေးမူဝန်ကြီးဌာန) -၂၀၁၅
