Wp/rki/သာရပဗ္ဗတစေတီတော်
တည်နီရာ
[edit | edit source]မြောက်ဦးနန်းတော်ကုန်းဧ့ မြောက်ဘက် (၁) မိုင်ခန့်အကွာတွင် တည်ဟိပါရေ။ မုတ်ဆိတ်တော်စေတီတော်ဧ့ အရှေ့ဘက်၊ လောင်ပွန်းပြောက်စေတီဧ့ အနီာက်ဘက်တွင် ကျရောက်ပါရေ။
ကုသိုလ်သျှင်
[edit | edit source]ဝေသာလီခေတ် မဟာတိုင်းစဝ်းမင်းကြီးမှ အေဒီ (၃၂၇)ခုနှစ်တွင် စတင်လှူဒါန်းခပါရေ။
သမိုင်းအကျဉ်း
[edit | edit source]သာရပဗ္ဗတစေတီတော်ကြီးကို ဝေသာလီခေတ် မဟာတိုင်းစခြားမင်းကြီးက စတင်လှူဒါန်းတည်ဆောက်ခသည့် အပြင် မြောက်ဦးခေတ်တွင်လည်း ဘုရင်နရနုစောမွန်လက်ထက်တွင် (၁)ကြိမ်၊ ဘုရင်မင်းဗာကြီးလက်ထက်တွင် (၁)ကြိမ်၊ ဘုရင် နရပတိကြီးလက်ထက်တွင် (၁)ကြိမ် စုစုပေါင်း (၃)ကြိမ်ပြန်လည်တည်ဆောက်လှူဒါန်းထား ရေကို တွေ့ဟိရပါရေ။
ဗိသုကာလက်ရာ
[edit | edit source]သာရပဗ္ဗတစေတီတော်ကို ပေ (၁၅ဝ)ခန့်မြင့်သော သာရပဗ္ဗတတောင်ထိပ်တွင် ကျောက်အုပ်တို့ဖြင့် တည်ဆောက်ထားပါရေ။ မဟာရံတံတိုင်းလေးဘက် ကာရံထားပါရေ။ အရှေ့ဘက်တွင် ဝင်ပေါက်တစ်ပေါက်ဟိရေ။ တံတိုင်းအလျား (၁၃၄)ပေခန့်၊ အနံ (၈၄)ပေခန့်ဟိပါရေ။ စေတီတော်အောက်ခြေအချင်း (၅၄)ပေခန့်ဟိပါရေ။ လက်ဟိကျန်ဟိနီသော အမြင့်အနီအထားမှာ ပေ (၂ဝ)ပတ်ဝန်းကျင်ခန့် ဟိပါရေ။ စေတီတော် ပစ္စယံနှစ်ဆင့်ကို ကျောက်ဖြင့် ပြုလုပ်ထားရေ။ ပထမပစ္စယံတွင် ဆင်ရုပ်နန့် ရှေးခေတ်ရခိုင်ရိုးရာ စိတ္တလင်္ကာရအနုလက်ရာတိကို ထုဆစ်ထားပါရေ။ ဒုတိယပစ္စယံတွင် ခြင်္သေ့ရုပ်၊ ဆင်ရုပ်တိကိုလည်း ထွင်းထုထားပါရေ။ စေတီတော် တတိယအဆင့်မှာ လေးဘက်မတ်စောက်စောက် မဟာဗောဓိစေတီ ပုံစံမျိုးဖြစ်ရေ။ အုတ်ဖြင့် တည်ဆောက်ထားပါရေ။ အပေါ်ပိုင်းမှာပြိုပျက်ခပြီး အဆိုပါ ပြိုပျက်ခပြီးသော စေတီပတ်ပတ်လည်အား ပန်းကွက်၊ ပန်းခက်၊ ပန်းနွယ် ရုပ်လုံးရုပ်ကြွတိဖြင့် ယခင်ကထုဆစ်တန်ဆာဆင်ခပါရေ။ အဆိုပါ ရုပ်လုံးရုပ်ကြွတိကို စေတီတော် ပရဝဏ် အတွင်းတွင် စေတီတော်မှပြုတ်ကျနီသော ကျောက်ဆစ်လက်ရာတိအဖြစ် ပြန့်ကြဲနီရေ။ စေတီတော်အရှေ့ဘက် မျက်နှာစာတွင် အုတ်နံရံဖြင့် ပြုလုပ်ထားသော သိမ်ငယ်တစ်ခုဟိရေ။ ယင်းသိမ်ငယ်အတွင်းတွင် ကျောက်ဆင်းတုတော် တစ်ဆူဟိရေ။ ဉာဏ်တော် (၅)ပေကျော်ခန့် ဟိရေ။ ပလ္လင်တွင် ကြာမှောက်ကြာလှန်တိပါဟိရေ။ ရခိုင်ရိုးရာ စိတ္တလင်္ကာရ အနုလက်ရာဖြင့် ကျောက်ဆစ်လက်ရာ ထွင်းထုထားသော ခြင်္သေ့ရုပ်၊ ဆင်ရုပ်တိ၊ သမင်ရုပ်တိနန့် အခြားနတ်ရုပ်တိကိုလည်း တွေ့ဟိရပါရေ။ စေတီတော်အား တည်ဆောက်မှုတိနန့် စေတီတော်တွင် တပ်ဆင်ထားသော ကျောက်ဆစ်အနုပညာလက်ရာတိအား လေ့လာသုတေသနပြုခြင်းအားဖြင့် အဆိုပါစေတီတော်မှာ ဝေသာလီ ခေတ်နန့် မြောက်ဦးခေတ်တိတွင် အသီးသီးတည်ဆောက်ထားကြောင်းကို လေ့လာသိဟိရပါရေ။
ကိုးကား
[edit | edit source]မြောက်ဦးဒေသ ရှေးဟောင်းအဆောက်အဦးများ (ရှေးဟောင်းသုတေသနနှင့် အမျိုးသားပြတိုက်ဦးစီးဌာန၊ ယဉ်ကျေးမူဝန်ကြီးဌာန) -၂၀၁၅
