Jump to content

Wp/rki/ပါဒခြေတော်ရာ

From Wikimedia Incubator
< Wp‎ | rki
Wp > rki > ပါဒခြေတော်ရာ

ပါဒခြီတော်ရာ(ရသေ့တောင်)[edit | edit source]

ပါဒခြီတော်ရာ ဗုဒ္ဓပူဇနိယပွဲတော် ရသေ့တောင်မြို့နယ်တွင် နှစ်စိုင်ကျင်းပပါရေ။ နတ်နဂါးတိနှစ်စိုင်လာရောက်ဖူးမြင်ရေလို့ ဒေသခံတိယုံကြည်ကြပါရေ။

ရခိုင်ပြည်နယ်ဧ့အထင်ရှားဆုံးပွဲတော်တစ်ခုဖြစ်တေ ရသေ့တောင်မြို့ နယ် မုန်စဲကျွန်းဟိ မြတ်ဗုဒ္ဓ၏ပါဒခြီတော်ရာ ဗုဒ္ဓပူဇနိယပူဇော်ပွဲကို ၁၃၇ဝပြည့်နှစ် ပြာသိုလဆန်း ၁၄ရက်မှ လပြည့်နိအထိ (၂၀၀၉ခုနှစ် ဇန်နဝါရီ ၉ရက်မှ ၁ဝရက်ထိ)ကျင်းပခစာ အခုပွဲတော်ရက်တွင်လည်း အယင်ကနှစ်တိပိုင် နတ်နဂါးတိလာရောက်ပူဇော်ရေ ထူးခြားမှုကို ပွဲတော်လာရေလူတိ ကြုံတွိခရပါရေ။

ဒေသခံအများတိစုမှာ ထိုကဲ့သို့ပင်နှစ်တိုင်းပွဲတော်ရက်တိအတွင်း ထူးခြားမှုတိဟိရေ။ ဖြစ်ပေါ်တတ်ရေလို့ ယုံကြည်ထားခြင်းနှင့် ပတ်သက်ပြီး ``နှစ်တိုင်းဒေပိုင် နတ်နဂါးတိ လာဖူးမြော်စာကို ကြုံတွိရစာပိုင်။ ကင်းမလက်မည်းတိလာဖူးစာကိုလည်း တွိရရေ။ ဒေပိုင် မြွိဂေါင်တိမှာ ဖားတိရောက်ပနာ လာဖူးမြော်စာကိုလည်း တွိရပါရေ၊ လူတိကို တစ်ခုအန္တရာယ်လည်းမပြုပါ´´။

ပါဒခြီတော်ရာပွဲတော်တွင် ပြည်တွင်းပြည်ပသာသနာပြု အလိုတော်ပြည့် ကျောင်းတိုက်ဧ့ အဓိပတိ အလိုတော်ပြည့်ဆရာတော် ဘဒ္ဒန္တအရိယဝံသ ဦးစီးဆောင်ရွက်ပနာ သံဝေဇနိယလေးဌာနဖွင့်ပွဲနှင့် ဗုဒ္ဓပါဒ(ခြီတော်ရာ) ဂန္ဓကုဋိကျောင်း တော်ထက်၌ တင်လှူပူဇော်ဖို့ ရွှေထီးတော် ငှက်မြတ်နားတော် စိန်ဖူးတော်တိတင်လှူပွဲကို ကျင်းပရေ။


ထူးဆန်းအံ့ဖွယ်တိ[edit | edit source]

၁။ သမုဒ္ဒရာပင်လယ်မှလာရေ လှိုင်းလုံးတိစာ ပြင်းထန်ရေ လီမုန်တိုင်းကြောင့် အကြီးမသန် လှိုင်းလုံးတိ တိုက်ကေလည်း ခြီတော်ထက်ကို ကျော်လားခြင်း၊

၂။ လီမုန်တိုင်း တိုက်လို့ လှိုင်းလုံးကြီးကေလည်းသော ခြီတော်ရာအနားမှာ ယင်းလှိုင်းတိစာ ရီပန်းတိပိုင် ပါဒခြီတော်ရာကို ဖူးမြော်ခြင်း၊ မကြာမကြာအဆိပ်ပြင်းထန်ရေ အနီရောင်ဟိရေ မြွေကြီးတိ ခြီတော်ရာသို့ လာရောက်ပနာ ပတ်ခြွီလို့ဟိစာကို အထင်အရှားဖူးမြင်နီစာ ကိုတွိရခြင်း၊

၃။ ပင်လယ်မှ စက်လှေတိ သင်္ဘောတိ ဖြတ်လာရေအခါ ရီတိကွဲပနာ လှိုင်းလုံးတိဖြစ်စာပိုင် ခြီတော်ရာအနားမှာ ဖြစ်လာပနာ သုံးနှစ်တစ်ကြိမ် ရီနဂါးတိ မြူးထူးပျော်ပါးစာကို တွိမြင်ရခြင်း၊

၄။ မိမိ၏ခိုင်မြဲစိတ်ကြံ အဓိဋ္ဌာန်နဲ့ယုံကြည်ချက်တစ်ခုကို အဓိဌာန်ပြုကေ အောင်မြင်ခြင်း အစဟိစာတိ ဖြစ်ပါရေ။

မုန်စဲကျွန်းပါဒခြီတော်ရာကို သင်္ဘောနဲ စစ်တွေမှ ရသေ့တောင် (၃နာရီဝန်းကျင်) ရသေ့တောင်မှတဆင့် မုန်စဲကျွန်းသို့ (သင်္ဘောနဲ တစ်နာရီကျော်) လားနိုင်ကြောင်း၊ စစ်တွေ-ရသေ့တောင်ခရီးစိုင်မှာ နိစိုင်ဟိကေလည်း ရသေ့တောင်-မုန်စဲကျွန်းသင်္ဘောမှာ စနီနှင့် တနင်္ဂနွီသာပြီးဆွဲပနာ ထိုရက်တွင် စစ်တွေမှတဆင့် နိချင်းပြန်ဖူးမြော်နိုင်ကြောင်းသိရပါရေ။

ကိုးကား[edit | edit source]