Wp/rki/အနောက်မြတန်ဆောင်းစေတီတော်
တည်နီရာ[edit | edit source]
" မြောက်ဦးနန်းတော်ကုန်းဧ့ မြောက်ဘက်တစ်မိုင်နီးပါးခန့်အကွာတွင် တည်ဟိပါရေ။ လေးမျက်နှာပုထိုးတော် ကြီးဧ့ အနီာက်မြောက်ဘက်၊ အရှေ့မြတန်ဆောင်းဧ့အနီာက်ဘက်တွင် တည်ဟိပါရေ။
ကုသိုလ်သျှင်[edit | edit source]
| မြောက်ဦးမြို့တည် နန်းတည်ဘုရင် မင်းစောမွန်ရေ ခုနှစ်တွင် တည်ထားလှူဒါန်းခပါရေ။
ကောဇာသက္ကရာဇ် (၇၉၂)ခု၊ အေဒီ (၁၄၃၀)
သမိုင်းအကျဉ်း[edit | edit source]
မြောက်ဦးမြို့တည် နန်းတည်ရေနန့်တပြိုင်နက် မြို့တည်ဘုရားတိကိုလည်း ဘုရင်မင်းစောမွန်တည်ထား လှူဒါန်းခပါရေ။ ထိုမြို့တည် ဘုရားတိထဲတွင် ဤအနီာက်မြတန်ဆောင်း စေတီတော်လည်း တစ်ဆူအပါအဝင်ဖြစ်ပါ ရေ။ လေးမျက်နှာပုထိုးတော်ကြီးဧ့ အနီာက်မြောက်ဘက် ပေ (၄၀)ခန့်မြင့်သော တောင်ကုန်းပေါ်တွင် တည် ဆောက်ထားပါရေ။ အနီာက်မြတန်ဆောင်း မြောက်ဘက်တောင်ခြေနန့် မုတ်ဆိတ်တော်တောင်ခြေအကြားရေ မြတန်ဆောင်း ကျောင်းတော်ရာဟောင်းနီရာပင်ဖြစ်ပါရေ။ လက်ဟိအုတ်ရိုးတန်းကုန်း အနည်းငယ်တွေ့ဟိရပါသေးရေ။ ဤမြတန်ဆောင်းကျောင်းတိုက်တွင် လေးမြို့ခေတ်၊ လောင်းကြက်မြို့မှပြောင်းရွှေ့လာသော ရဟန်းသံဃာတော် အသျှင်သူမြတ်တိ သီတင်းသုံးနီထိုင်သော ကျောင်းတိုက်လည်းဖြစ်ရေဟု သိဟိရပါရေ။ ဤမြတန်ဆောင်းမှ ရဟန်းသံဃာဆရာတော်တိရေ ဘုရင်မင်းလှရာဇာလက်ထက်က တစ်ကြိမ်၊ ဒီ (၁၆၀၆)ခုနှစ် မင်းရာဇာကြီးလက် ထက်က တစ်ကြိမ်၊ နှစ်ကြိမ်တိုင်တိုင် သီဟိုဠ်နိုင်ငံသို့ သာသနာပြုကြွရောက်ခကြရေဟု သိဟိရပါရေ။ မြောက်ဦး ခေတ်တွင် အစောဆုံးတည်ထားလှူဒါန်းခသော စေတီတော်တစ်ဆူ ပင်ဖြစ်ပါရေ။
ဗိသုကာလက်ရာ[edit | edit source]
အနီာက်မြတန်ဆောင်းစေတီတော်မှာ တောင်ကုန်းပေါ်တွင် ကျောက်ဖြင့်တည်ဆောက်ထားသော စေတီတော် တစ်ဆူပင်ဖြစ်ပါရေ။ မူလတည်ဆောက်ခစဉ်က အရှေ့မြတန်ဆောင်းပုံစံနန့် အတူတူပင် တစ်ချိန်တည်း တည်ဆောက် ခသော စေတီတော်ကြီးတစ်ဆူပင် ဖြစ်ပါရေ။ မဟာရံတံတိုင်း လေးဘက်ခတ်ထားပြီး မဟာရံတံတိုင်းအတွင်း ထောင့်လေးထောင့်တွင် မူလကအရှေ့မြတန်ဆောင်းကဲ့သို့ အရံစေတီငယ်လေးဆူဟိခပါရေ။ ဤအနီာက် မြတန်းဆောင်းစေတီတော်ရေ အမြင့် (၅ဝ)ပေခန့်နန့် အချင်း (၅၀)ပေခန့်ဟိပါရေ။ စေတီအောက်ခြေလုံးပတ် (၁၂ဝ)ပေခန့်ဟိပါရေ။ စေတီတော်ကြီးမှာအရှေ့ဘက်တွင် မုခ်ဦးဖွင့်ထားပြီး အလယ်လိုဏ်ဂူတော်တွင်ကျောက်ဆင်းတုတော်ကြီးတစ်ဆူကို ပလ္လင်တော်ဖြင့် ပူဇော်ထားပါရေ။ မူလက ဤဆင်းတုတော်ကြီးကို ရွှေသား စစ်စစ်ဖြင့် ရွှေချခပါရေ။ ယခု ပြန်လည်ပြုပြင်စဉ်အခါက ဆင်းတုတော်တွင် ရွှေရောင်အနည်းငယ်နန့် သစ်စေးတိ ကျန်ဟိနီရေကို တွေ့ဟိရပါရေ။ စေတီတော်ကြီး မုခ်ဦးတွင်လည်း ရခိုင်စိတ္တလင်္ကာရ အနုလက်ရာတိဖြင့် ထုဆစ်ထုံမွှမ်းထားပါရေ။ မဟာရံတံတိုင်းအတွင်းတွင် ရင်ပြင်တော်တစ်ခုလုံးကို မူလက စဉ့်ကြမ်းခင်းတိဖြင့် ခင်းခရေဟု သိဟိရပါရေ။ စေတီတော်ကြီးကို ခရစ်သက္ကရာဇ် (၂၀၀၂)ခုနှစ်တွင် အလိုတော်ပြည့်ဆရာတော် မဟာဝါစကပဏ္ဍိတ မဟာသဒ္ဓမ္မဇောတိကဓဇ ဒေါက်တာဘဒ္ဓအရိယဝံသကို ဦးထိပ်ထားလျက် အနီာက်ပိုင်း တိုင်းစစ်ဌာနချုပ် တိုင်းမှူးဗိုလ်ချုပ်မောင်ဦးမှ ထပ်မံပြုပြင်လှူဒါန်းခပါရေ။
ကိုးကား[edit | edit source]
မြောက်ဦးဒေသ ရှေးဟောင်းအဆောက်အဦးများ (ရှေးဟောင်းသုတေသနနှင့် အမျိုးသားပြတိုက်ဦးစီးဌာန၊ ယဉ်ကျေးမူဝန်ကြီးဌာန) -၂၀၁၅
