Jump to content

Wp/rki/ဦးမြဝါကျောက်အင်းဆံများ တည်ရှိရာသိမ်

From Wikimedia Incubator
< Wp‎ | rki
Wp > rki > ဦးမြဝါကျောက်အင်းဆံများ တည်ရှိရာသိမ်

တည်နီရာ[edit | edit source]

မြောက်ဦးနန်းတော်ကုန်းဧ့ အရှေ့မြောက်ဘက် (၂) ဖာလုံကျော်ခန့်အကွာ၊ ဦးမြဝါ အရိုးအိုးစေတီဧ့ မြောက်ဘက်၊ ဘုရားပေါင်းတွင်းဧ့ အနောက်တောင်ဘက်တွင် ကပ်လျက်ဟိပါရေ။ 

ကုသိုလ်သျှင်[edit | edit source]

မင်းဆရာ သျှင်မြဝါရေ ကောဇာသက္ကရာဇ် (၈၉၉) ခု၊ အေဒီ (၁၅၃၇) ခုနှစ်တွင် ထုဆစ်ရေးထိုးခရေ အင်းဆံတိဖြစ်ရေဟု သိဟိရပါရေ။ 

သမိုင်းအကျဉ်း[edit | edit source]

မြောက်ဦးမြို့ မြို့သက်ရှည်ရန်အတွက် သျှင်မြဝါရေးထိုးပေးခရေ အင်းဆံတိဖြစ်ရေဟု သိဟိရပါရေ။ သျှင်မြဝါရေးထိုးခရေ အင်းဆံတိဖြစ်ရေကြောင့် သျှင်မြဝါအင်းဆံဟူပနာ ခေါ်တွင်ကြခြင်းဖြစ်ပါရေ။ အင်းဆံ (၂) ချပ်စလုံးမှာ သျှင်မြဝါ သက်ဟိထင်ရှားဟိစဉ်ကပင် ရေးထိုးခရေ အင်းဆံတိဖြစ်ရေဟု သိဟိရပါရေ။ 

ဗိသုကာလက်ရာ[edit | edit source]

သျှင်မြဝါအင်းဆံ (၂) ချပ်စလုံးကို ပေ (၁၀၀ ) ခန့်မြင့်ရေ ဘုရားပေါင်းတောင်ကုန်း အလယ်တွင် သိမ်ဆောက်ပနာ သိမ်ထဲတွင် ဆင်းတုတော်တိနန့်အတူ တွေ့ဟိလေ့လာနိုင်ပါရေ။ ပထမအင်းဆံမှာ အမြင့် ၃ ပေ ၃ လက်မခန့်၊ အကျယ် ၂ ပေ ၅ လက်မ ခန့်ဟိပြီး အထူ ၁၁ လက်မခန့်ဟိပြီး အင်းဆံတိမှာသဲကျောက်မာ အမျိုးအစားဖြစ်ပြီး အင်းကွက်တိထဲတွက် နဂါးနှစ်ကောင်လိမ်ယှက်နီပုံ ရေးထိုးထားရေကိုတွေ့ရပါရေ။ ဒုတိယအင်းဆံမှာ အမြင့် ၂ ပေ ၁၁ လက်မခန့်၊ အကျယ် ၂ ပေ ၄ လက်မ ခန့်ဟိပြီး အထူ ၁ဝ လက်မခန့်ဟိပါရေ။ ဤ အင်းဆံကိုလည်း နဂါးနှစ်ကောင်လိမ် ယှက်ပနာ အင်းကွက်တိကို ရေးထိုးထားပါရေ။ အင်းဆံနှစ်ချပ်ဧ့ လက်ယာဘက်တွင် ဆင်းတုတော် (၃) ဆူ ပူဇော်ထားပါရေ။ အင်းဆံတည်ဟိရာ သိမ်မှာ အလျား ၂၅ ပေ၊ အနံအထူ ၁၀ လက်မခန့်ဟိပါရေ။

ကိုးကား[edit | edit source]

မြောက်ဦးဒေသ ရှေးဟောင်းအဆောက်အဦးများ (ရှေးဟောင်းသုတေသနနှင့် အမျိုးသားပြတိုက်ဦးစီးဌာန၊ ယဉ်ကျေးမူဝန်ကြီးဌာန) -၂၀၁၅