Wp/rki/နန်းတော်ဦးအဆောင်
တည်နီရာ[edit | edit source]
မြောက်ဦးနန်းတော်ကုန်းဧ့ အရှေ့ဘက် (၁) ဖာလုံခန့်အကွာ၊ ရွှေဂူတောင် တောင်တန်းဧ့ တောင်ဘက်အဆုံးထိပ်၊ ရွှေဂူတောင် ပိဋကတ်တိုက်အရှေ့မြောက်ဘက်တွင် တည်ဟိပါရေ။ ကုသိုလ်သျှင် ကောဇာ (၇၉၂) ခု၊ အေဒီ (၁၄၃၀) ခုနှစ်တွင် ဘုရင်မင်းစောမွန်မှ တည်ဆောက်ခပါရေ။
သမိုင်းအကျဉ်း[edit | edit source]
မြောက်ဦးခေတ်အစောပိုင်းတွင် ဘုရင်မင်းစောမွန် တည်ဆောက်ခပြီး ခေတ်အဆက်ဆက် အသုံးပြုခရေ အဆောင်တော် (၁) ခုဖြစ်ရေဟု သိဟိရပါရေ။ မြောက်ဦးခေတ် ပျက်သုဉ်းပြီးနောက် မြို့ဝန်တိနီထိုင်ခကတ်ပြီး အင်္ဂလိပ်ခေတ်တွင်လည်း အင်္ဂလိပ်တိနီထိုင်ခရေ နန်းတော်ဦးဆောင် အဆောက်အဦတစ်ခုပင် ဖြစ်ပါရေ။
ဗိသုကာလက်ရာ[edit | edit source]
ရွှေတောင် တောင်တန်းဧ့ တောင်ဘက်အဆုံး ပေ (၁၀၀) နီးပါးခန့် အမြင့်တွင် တည်ဆောက်ထားရေ အဆောက်အဦတစ်ခုပင်ဖြစ်ပါရေ။ လက်ဟိအခြေအနီ၌ အမြင့် (၅) ပေခန့်ဟိရေ တံတိုင်း (၄) ဘက်နန့် အုတ်ခုံသာ တွေ့ဟိနိုင်ပါတော့ရေ။ တံတိုင်း ၄ ဘက်ဧ့ တောင်မြောက်၊ အရှေ့အနောက်အကျယ်မှာ ပေ (၁၀၀) ခန့်စီဟိပါရေ။ တံတိုင်း (၄) ဘက်စလုံး၌ စောင်းတန်းလှေကား လေးစင်းတွေ့ဟိရပါရေ။ တောင်အောက်သို့ အဆင်းအတက်လုပ်ရေ လှေကားတိပင်ဖြစ်ရေ။ လက်ဟိအခြေအနီ၌ အရှေ့ဘက်လှေကားကို မတွိဟိနိုင်ပါယာ။ လှေကားတိအကျယ်မှာ (၁၂) ပေ ခန့်စီဟိရေကို တွေ့ဟိရပါရေ။ အနောက်ဘက်လှေကားမှာ အရှည်ဆုံးဖြစ်ပြီး ကျောက်အုတ်တိဖြင့် တည်ဆောက်ထားရေ။
ကိုးကား[edit | edit source]
မြောက်ဦးဒေသ ရှေးဟောင်းအဆောက်အဦးများ (ရှေးဟောင်းသုတေသနနှင့် အမျိုးသားပြတိုက်ဦးစီးဌာန၊ ယဉ်ကျေးမူဝန်ကြီးဌာန) -၂၀၁၅
