Wp/rki/ရွှေဂူတောင်ပိဋကတ်တိုက်
တည်နီရာ
[edit | edit source]မြောက်ဦးနန်းတော်ကုန်းဧ့အရှေ့ဘက် (၁) ဖာလုံခန့်အကွာ၊ နန်းတော်ဦးဆောင်ဧ့အနောက်ဘက်၊ ဘီလူးကန်ဧ့အနောက်တွင် တည်ဟိရောက်ပါရေ။ ။
ကုသိုလ်သျှင်
[edit | edit source]ဘုရင်မင်းစောမွန် ကောဇာ (၇၉၂) ခု၊ အေဒီ (၁၄၃၀) ခုနှစ်တွင် လှူဒါန်းခပါရေ။ ။
သမိုင်းအကျဉ်း
[edit | edit source]ဘုရင်မင်းစောမွန် တည်ဆောက်လှူဒါန်းခရေ နန်းတွင်းပိဋကတ်တိုက်တစ်လုံးဖြစ်ရေဟု သိဟိရပါရေ။ မြောက်ဦးခေတ်၌ တည်ဆောက်ခရေ ပိဋကတ်တိုက်တိထဲတွင် အကြီးဆုံး ပိဋကတ်တိုက်ပင်ဖြစ်ပါရေ။ နန်းတွင်းသူ နန်းတွင်းသားတိအသုံးပြုရေ ပိဋကတ်တိုက်ဖြစ်ရေဟု သိဟိရပါရေ။
ဗိသုကာလက်ရာ
[edit | edit source]ရွှေဂူတောင်ပိဋကတ်တိုက်ကို မြေညီပြင်တွင် ကျောက်၊ အုတ် တို့ဖြင့်ရောပနာ တည်ဆောက်ထားပါရေ။ အလျား၊ အနံ (၄၈) ပေစီခန့်ဟိပြီး၊ အမြင့် ၂၁ ပေခန့်သာ ကျန်ဟိပါတော့ရေ။ အဆောက်အဦကို လိုဏ်ပတ်လမ်း နှစ်ထပ်ဖြင့် တည်ဆောက်ဖွဲ့စည်းထားပါရေ။ အလယ်လိုဏ်ဂူကို အောက်ခံကျောက်ဖြင့် တည်ဆောက်ထားပြီး အပေါ်သို့ အုတ်ဖြင့် တည်ဆောက်ထားပါရေ။ အလယ်လိုဏ်ဂူတွင် အရှေ့ဘက်မှ ဝင်ပေါက် (၁) ပေါက်သာတွေ့ဟိရပြီး အနောက်ဘက်တွင်အပေါင်းလက္ခဏာသဏ္ဌာန် အလင်း(၂)ပေါက်နန့်တောင်မြောက်နံရံတိတွင် အလင်းပေါက်(၁) စီကို တွေ့ဟိရပါရေ။ ပိဋကတ်တိုက်ရှေ့မျက်နှာတွင်ဝင်ပေါက် (၃) ပေါက်ပါဟိပြီး အလယ်ပေါက်မှာ ပိုကျယ်ရေကို တွေ့ဟိရပါရေ။ တောင်၊ မြောက်၊ အနောက်ဘက်အပြင်နံရံတို့တွင် အလင်းပေါက် (၃) ပေါက် ဖောက်ထား ပြီး အလယ်ပေါက်မှာ ပိုကျယ်ရေကို တွေ့ဟိရပါရေ။ ဤပိဋကတ်တိုက်မှာ စိတ်ဝင်စားဖွယ်ကောင်းရေ ပိဋကတ်တိုက်တစ်လုံးပင် ဖြစ်ပါရေ။ ယခင်ကပိဋကတ်တိုက်တစ်ခုလုံးအပေါ်ပိုင်းခေါင်မိုးနန့်နံရံတိပြိုကျထား မှုကြောင့် လိုဏ်အတွင်းဝင်၍မရအောင်ပိတ်နီပြီး၂၀၁၂-၂၀၁၃ဘဏ္ဍာရေးနှစ်တွင် ခွင့်ပြုရံပုံငွေဖြင့် အတွင်းလိုဏ်၊ အပြင်လိုဏ်တိတွင် ပိတ်နီရေပြိုကျအပိုင်းတိအား တူးဖော်ခပြီး ထွက်ပေါ်လာရေနံရံတိအား ရေရှည်တည်တံ့စေရန် ရှေးဟောင်းသုတေသန နည်းပညာတိဖြင့် ထိန်းသိမ်းခပါရေ။
ကိုးကား
[edit | edit source]မြောက်ဦးဒေသ ရှေးဟောင်းအဆောက်အဦးများ (ရှေးဟောင်းသုတေသနနှင့် အမျိုးသားပြတိုက်ဦးစီးဌာန၊ ယဉ်ကျေးမူဝန်ကြီးဌာန) -၂၀၁၅
