Wp/rki/သက္ကုမင်္ဂလာစေတီတော်
တည်နီရာ[edit | edit source]
မြောက်ဦးနန်းတော်ကုန်းဧ့ အနောက်မြောက်ဘက်နှစ်မိုင်ခန့်အကွာတွင် တည်ဟိပြီး ရတနာစေတီတော်ဧ့အနောက်ဘက်၊ သဇင်တန်တောင်တန်းဧ့ မြောက်ဘက်တောင်ခြေတွင် ဟိပါရေ။
ကုသိုလ်သျှင်[edit | edit source]
ဘုရင်မင်းစောလှရေ ကောဇာသက္ကရာဇ် (၉၁၇) ခု၊အေဒီ (၁၅၅၅) ခုနှစ်တွင် တည်ဆောက်လှူဒါန်းခပါရေ။
သမိုင်းအကျဉ်း[edit | edit source]
ဘုရင်မင်းစောလှရေ သက္ကူမင်္ဂလာစေတီတော်ကိုတည်ဆောက်လှူဒါန်းခပြီးနောက် မြောက်ဦးခေတ် | ပျက်သုဉ်းရေအထိ ထပ်မံလှူဒါန်းသူ မတွေ့ဟိရပါ။ မြောက်ဦးခေတ်ပျက်သုဉ်းပြီးနောက်ပိုင်းတွင် သိုက်ဆရာတိဖောက်ထွင်းလိုက်ပနာ စေတီတော်မှာ ပြိုကျပျက်စီးခကာ ခရစ်သက္ကရာဇ် (၂၀၀၈) ခု၊ အောက်တိုဘာလတွင် မြောက်ဦး အလက(၃) ကျောင်းအုပ်ဆရာကြီး ဦးစိန်မောင်၊ ဇနီးဒေါ်ခင်ဝင်းရွှေ (ကျောက်ဖြူ) 'တို့က သွပ်မိုးပနာ ထပ်မံပြုပြင်လှူဒါန်းခပါရေ။ စေတီတော်တစ်ဆူလုံး ပြီးမြောက်အောင်မလှူဒါန်းနိုင်ခပါ။
ဗိသုကာလက်ရာ[edit | edit source]
သမင်္ဂလာစေတီတော်ကို ကျောက်အတိဖြင့် တည်ဆောက်ထားပါရေ။ စေတီတော်မပျက်စီးဘဲ ကျန်ဟိနီသည့် အနီအထားမှာ အမြင့် (၄) ပေကျော်ခန့်သာဟိပါတော့ရေ။ ထိုစေတီတော်အစိတ်အပိုင်းပေါ်တွင် ပလ္လင်ပျက်နန့် (၃)ပေကျော်ခန့်ဟိရေ ကျောက်ဆင်းတုတော်တစ်ဆူကို ဖူးတွေ့ရပါရေ။ စေတီတော်မှာ (၈) မျက်နှာဖြစ်ပြီး စေတီတော်အောက်ခြေအချင်းမှာ (၁၈) ပေခန့်ဟိပါရေ။ အနားတစ်ဖက် (၇) ပေခန့်ဟိပါဧ့။ စေတီတော်မှာ လိုဏ်ဂူတော်ပါဟိရေ်လည်း မုခ်ထွက်အရှည်မပါဟိပါ။ မုခ်ဦးနန့် ဝင်လမ်းသာတွေ့ဟိရပါရေ။ ပစ္စယံအဆင့်မှ ကြာပွင့်ဖတ်လက်ရာတိကိုလည်း တွေ့ဟိရပါဧ့။ စေတီတော်အောက်ခြေအစိတ်အပိုင်းမှာ ရတနာ စေတီတော်နန့် ပုံစံချင်းခပ်ဆင်ဆင်တူရေကို တွေ့ဟိရပါရေ။
ကိုးကား[edit | edit source]
မြောက်ဦးဒေသ ရှေးဟောင်းအဆောက်အဦးများ (ရှေးဟောင်းသုတေသနနှင့် အမျိုးသားပြတိုက်ဦးစီးဌာန၊ ယဉ်ကျေးမူဝန်ကြီးဌာန) -၂၀၁၅
