Wp/rki/လောကမာရ်အောင်စေတီတော်
တည်နီရာ
[edit | edit source]“မြောက်ဦးနန်းတော်ကုန်းဧ့ အနောက်မြောက်ဘက်ခပ်ယွန်းယွန်း တစ်မိုင်ခန့်အကွာ၊ ကျောက်ရဇ်ကေ ချောင်းဧ့အရှေ့ဘက် ကိုးတန်စေ့တောင်ဧ့ အနောက်ဘက်တွင် တည်ဟိပါရေ။
ကုသိုလ်သျှင်
[edit | edit source]ဘုရင်စန္ဒသုဓမ္မရာဇာရေ ကောဇာ (၁၀၁၄)ခု၊ အေဒီ (၁၆၅၂) ခုနှစ်တွင် တည်ထားလှူဒါန်းခ ပါရေ။
သမိုင်းအကျဉ်း
[edit | edit source]လောကမာရ်အောင်စေတီတော်ကို ဘုရင်စန္ဒသုဓမ္မရာဇာရေ ဇိနမာရ်အောင်စေတီ၊ ရတနာ့မာရ်အောင် တို့နန့်အတူ တပြိုင်တည်း တည်ဆောက်ခသော စေတီတော်တစ်ဆူပင်ဖြစ်ပါရေ။ သတ္တလောက၊ သင်္ခါရလောက၊ သြကာသလောကတည်းဟူသော လောကကြီးသုံးပါးကို အောင်မြင်တော်မူသော မြတ်စွာဘုရားအားရည်စူးပနာ တည်ထားကိုးကွယ်ခသဖြင့် လောကမာရ်အောင်စေတီတော်ဟု ခေါ်တွင်ပေရေ။ အချို့က လော်ကမူဘုရားဟူပနာလည်း ခေါ်ကြပါဧ့။ စေတီတော်ကို တည်နီစဉ်ကာလတွင် စေတီတော်တည်ဆောက်ပနာ မပြီးမချင်း နတ်ကောင်းနတ်မြတ်တိက ကုသိုလ်ပါဝင်လှူဒါန်း နီကြရေ။ မည်ကဲ့သို့ အလှူပါဝင်ကြသနည်းဆိုသော် ညစဉ်ညတိုင်း အထက်ကောင်းကင်မှ အုတ်အော်သောင်းနင်း သာယာနာပျော်ဖွယ်သော တူရိယာအသံတို့နန့် သာဓုခေါ်သံတို့ကို ကြားနီကြရကုန်ဧ့။ မိုးလင်းလျှင်လည်း စေတီတော်ဧ့ ရင်ပြင်တွင်လက်သီးဆုတ်ခန့်ပမာဏဟိသော ရွှေမှိုပွင့်တို့ကိုပွင့်အာပနာ လှူဒါန်း ထားရေကိုလည်းသိဟိရပါရေ။ အေဒီ (၁၆၇၆) ခုနှစ်တွင်လည်း ဥက္ကာဗလမင်းက ဤစေတီတော်ရင်ပြင်ပေါ်တွင် ပဉ္စင်း (၁၀၀၀) ရဟန်းခံပွဲကျင်းပခရေဟု သိဟိရပါရေ။
ဗိသုကာလက်ရာ
[edit | edit source]လောကမာရ်အောင်စေတီတော်မှာ ပြေပြစ်သပ္ပါယ်လှသော ထုချွန်ပုံစေတီတော်တစ်ဆူဖြစ်ပါရေ။ အောက်ခြေတွင်လေးမြှောင့်နန့် လေးမျက်နှာပန္နက်ပုံဖြစ်ပြီး အောက်ဆုံးပန်းတင်ခုံထောင့်လေးထောင့်၌ ဦးခေါင်းတစ်ခု ခန္ဓာကိုယ်နှစ်ခုပါဟိသော ပူးရုပ် (၄)ရုပ်နန့် လေးမျက်နှာတွင်လည်း ဦးခေါင်းတစ်လုံး၊ ခန္ဓာကိုယ်တစ်ခုဖြင့် တစ်မျက်နှာလျှင် နှစ်ရုပ်ကျစီ (၈) ရုပ်တို့ကို အသီးသီးထုဆစ်ထားပါရေ။ ဒုတိယပစ္စယံမှ စတုတ္တပစ္စယံအဆင့်ထိ ပစ္စယံသုံးဆင့်ဧ့ထောင့်တိတွင် ထောင့်တစ်ထောင့်၊ အဆင့်တစ်ဆင့်စီ၌ စေတီငယ်တစ်ဆူစီဖြင့် စုစုပေါင်း (၁၂) ဆူကို အရံစေတီငယ်တိအဖြစ် တင်ဆောင်ပူဇော်ထားပါရေ။ ပစ္စယံအဆင့်တိဧ့ လေးမျက်နှာတွင် မုခ်ထွက်တံကဲတိကို လက်ရာမြောက်စွာ ရခိုင်စိတ္တလင်္ကာရ အနုလက်ရာပန်းလက်ရာတိဖြင့် ဖန်တီးထုဆစ်ထားပါရေ။ စေတီတော်ဧ့ အမြင့်မှာ ပေ (၁၀၀) ခန့်ဟိပါရေ။ အရှေ့ဘက်မျက်နှာတွင် ဂန္ဓကုဋီတိုက်ပါဟိပြီး ကျောက်တစ်လုံးတည်းကို ထုဆစ်ထားသော (၁၂) ပေခန့်မြင့်သည့် ဆင်းတုတော်ကြီးတစ်ဆူကို ပူဇော်ထားပါရေ။ ဆင်းတုတော်ကြီးရှေ့ အာရုံခံသိမ်တော်ကြီးထဲတွင် ဝသုန္ဒရီ ရေစက်ချတွင်းတစ်တွင်းကို အခြားဘုရားတိနန့်မတူဘဲ ထူးခြားစွာတွေ့ဟိရပါရေ။ ဘုရင်မှအလှူတော်ပြီးပနာ အဆိုပါတွင်းထဲသို့ ရေစက်ချလျှင် ဂန္ဓကုဋီတိုက်အတွင်းဟိ ဆင်းတုတော်ကြီးဧ့ အောက်သို့ရောက်သွားကြောင်းကိုလည်း သိဟိရပါရေ။ စေတီတော်ကုန်းတော်တစ်ခုလုံးကို သိမ်သမုတ်ပြီး တံတိုင်းနှစ်ထပ်ကာရံထား | ပါရေ။ စေတီတော်ကြီးမှာ ဖွဲ့စည်းတည်ဆောက်ပုံ အားကောင်းပြီး အနုစိတ်လက်ရာမြောက်သော စေတီတော်ကြီးတစ်ဆူပင်ဖြစ်ပါရေ။
ကိုးကား
[edit | edit source]မြောက်ဦးဒေသ ရှေးဟောင်းအဆောက်အဦးများ (ရှေးဟောင်းသုတေသနနှင့် အမျိုးသားပြတိုက်ဦးစီးဌာန၊ ယဉ်ကျေးမူဝန်ကြီးဌာန) -၂၀၁၅
