Wp/rki/သက္ကျမာရ်အောင်စေတီတော်
တည်နီရာ
[edit | edit source]- မြောက်ဦးနန်းတော်ကုန်းဧ့ အရှေ့ဘက် မိုင်ဝက်ခန့်အကွာတွင် တည်ဟိပါရေ။ ရတနာမာရ်အောင်စေတီတော်ဧ့ တောင်ဘက်၊ ရွှေဂူတောင်စေတီတော်ဧ့ အရှေ့ဘက်တွင် တည်ဟိပါရေ။
ကုသိုလ်သျှင်
[edit | edit source]ဘုရင်သီရိသုဓမ္မရာဇာရေ ကောဇာ (၉၉၁) ခုဒီ (၁၆၂၉) ခုနှစ်တွင် တည်ထားလှူဒါန်းခပါရေ။
သမိုင်းအကျဉ်း
[edit | edit source]သက္ကူမာရ်အောင်စေတီတော်ကို ဘုရင်သီရိသုဓမ္မရာဇာရေ မာရ်အပေါင်းကို အောင်မြင်တော်မူပြီး မိမိဧ့ မဟာအမျိုးအနွယ်ဖြစ်သည့် သက္ကူသာကီဝင်အမျိုးမှ ဆင်းသက်လာရေ ဂေါတမမြတ်စွာဘုရားအား ရည်မှန်းပနာ အတိသူငါ နောင်လာနောင်သားတိ သိစေခြင်းငှာ ကောဇာသက္ကရာဇ် (၉၉၁) ခု၊ အေဒီ ၁၆၂၉-ခုနှစ်တွင် တည်ထားလှူဒါန်းခပါရေ။ တချို့သမိုင်းတိက သက္ကူမာရ်အောင်စေတီတော်ကြီးဧ့ ဘွဲ့တော်ကို သတ္တုမဉ္ဇူဟူပနာလည်း ခေါ်တွင်ကြောင်းလည်း သိဟိရပါရေ။ မဟာရံတံတိုင်းအတွင်း စေတီတော်တည်ထားရေ ကုန်းတော်တစ်ခုလုံးကို သန့်ပြန့်ရေ မဟာအောင်မြေ၊ မဟာသိမ်တော်ကြီးအဖြစ် သမုတ်ထားရေကိုလည်း သိဟိရပါရေ။ စေတီတော်ဧ့ အရှေ့မျက်နှာစာ အာရုံခံသိမ်ထဲမှ ဆင်းတုတော်ကြီးမှာလည်း ပြည်စိုးကြီးဘုရားမှ အေဒီ (၁၉၁၅) ခုနှစ်တွင်ပြောင်းရွှေ့ပင့်ဆောင်ပူဇော်ထားရေ ဘုရားတစ်ဆူပင်ဖြစ်ပါရေ။ အာရုံခံသိမ်ထဲတွင် ခြေတော်ရာဟောင်းတစ်ခုကိုလည်း ပူဇော်ထားရေကို ဖူးတွေ့ရပါရေ။
ဗိသုကာလက်ရာ
[edit | edit source]သက္ကူမာန်အောင်စေတီတော်ကြီးကို မဟာရံတံတိုင်းတော်ကြီးနှစ်ထပ်နန့် အရံစေတီ (၁၂) ဆူဖြင့် တည်ဆောက်ထားပါရေ။ သက္ကူမာန်အောင်စေတီတော်ကြီးကို အပေါ်မှကြည့်လျှင် အောက်ခံပန္နက်ကြာပွင့် အာနီပုံ ဖိနပ်တော်မှ ထုချွန်စေတီကို တည်ထားသဖြင့် “နွံတည်းဟူရေ လောကီဘုံမှ ဗုဒ္ဓတည်းဟူရေကြာပွင့်” ပွင့်လာဟန်ကို သရုပ်ဖော်ထားခြင်းဖြစ်ပါရေ။ စေတီတော်ဧ့ လုံးပတ်မှာ (၂၄၀) ခန့်ဟိပြီး ဉာဏ်တော်အမြင့် (၁၁၄) ခန့်ဟိပါရေ။ စေတီတော်ကြီး ထီးတော်ကို မူလက ကျောက်ထီးတော် တင်လှူခရေဟု သိဟိရပါရေ။ စေတီတော်သပိတ်မှောက်တွင် ပန်းဆွဲတိဖြင့် တန်ဆာဆင်ထားပါရေ။ ခေါင်းလောင်းမှောက်အောက်ခြေတိတွင်လည်း ကြာပွင့်ဖတ်ကလေးတိဖြင့် အဆင့်ဆင့် အလှဆင်ထားပါရေ။ ပစ္စယံအဆင့်တိတွင်လည်း လေးမျက်နှာစလုံး၌ မုခ်တံကဲတိပါဟိပါရေ။ မုခ်တံကဲတိကို ရခိုင်ရိုးရာ စိတ္တလင်္ကာရ အနုလက်ရာပန်းတိဖြင့် တန်ဆာဆင်ထားပြီး စေတီတော်ကို ခိုနန်းချိုး စိန်တောင်တိဖြင့်လည်း ထုဆစ်ထားရေကို တွေ့ဟိရပါရေ။ စေတီတော်ဧ့ အနောက်ဘက်ဝင်လမ်း လက်ဝဲလက်ယာတွင် ဝိသကြုံနတ်နန့် ပဉ္စသိင်္ခနတ်သားတို့အပြင် တာနောယက္ခ၊ ပီဠိယက္ခ ဘီလူးကြီးတို့က စေတီတော်ကြီးကို ပူဇော်နီဟန်၊ စောင့်ရှောက်နီဟန်တိ ထုဆစ်ထားပါရေ။ စေတီတော်ကြီးမှာ အနုစိတ်လက်ရာမြောက်ပနာ မြောက်ဦးခေတ်လယ် စံထားထိုက်ရေ လက်ရာကောင်း စေတီတော်တစ်ဆူပင် ဖြစ်ပါရေ။
ကိုးကား
[edit | edit source]မြောက်ဦးဒေသ ရှေးဟောင်းအဆောက်အဦးများ (ရှေးဟောင်းသုတေသနနှင့် အမျိုးသားပြတိုက်ဦးစီးဌာန၊ ယဉ်ကျေးမူဝန်ကြီးဌာန) -၂၀၁၅
