Wp/rki/ရတနာသိင်္ဂစေတီတော်
တည်နီရာ [edit | edit source]
- မြောက်ဦးနန်းတော်ကုန်းဧ့ အရှေ့မြောက်ဘက်(၃) ဖာလုံခန့် အကွာတွင်တည်ဟိပါရေ။ ရွှေဂူတောင်စေတီတော်ဧ့ အရှေ့မြောက်ဘက်၊ ရွှေဂူတောင်စေတီတော်ဧ့ အရှေ့မြောက်ဘက်၊ ဇုန်ဇတ်လက်ျာပျံချီစေတီတော်ဧ့ အနောက်တောင်ဘက်တွင် ကျရောက်ပါရေ။
ကုသိုလ်သျှင်[edit | edit source]
ဘုရင် မင်းဒေါလျာစောမွန်မှ ကောဇာသက္ကရာဇ် (၈၄၄) ခု၊ အေဒီ (၁၄၈၂) ခုနှစ်တွင် တည်ဆောက်လှူဒါန်း ခပါရေ။
သမိုင်းအကျဉ်း[edit | edit source]
ဘုရင် မင်းဒေါလျာစောမွန်ကီရေ မဟာနွယ်တို့ဧ့ ဓမ္မတာတော်အတိုင်း၊ ကျောက်အတိဖြင့်ပြီးရေ ရတနာ သိင်္ဂစေတီတော်ကြီးကို နန်းတော်ဧ့ အရှေ့မြောက်တောင့် ဟိမဝန္တာတောင်မှ အနောက်ဘက်သို့ ထိုးထွက်နီရေတောင်စွယ်တွင် တည်ထားကိုးကွယ်လှူဒါန်းခပါရေ။ လက်ဟိ ဟိမဝန္တာတောင်ကို ဇုန်ဒတ်တောင်ဟု ခေါ်တွင် ကြပါရေ။ ။
ဗိသုကာလက်ရာ[edit | edit source]
ရတနာသိင်္ဂစေတီတော်ကို ဇုန်ဒတ်တောင်ဧ့ အနောက်ဘက်သို့ ထိုးထွက်နီရေ ပေ ၈၀ ကျော်ခန့်ဟိရေ တောင်ကုန်းပေါ်တွင် ကျောက်အတိဖြင့် တည်ဆောက်ထားပါရေ။ စေတီတော်မှာ အောက်ခြေလေးမျက်နှာဖြစ်ပြီး အချင်း ၃၁ ပေခန့်ဟိပါရေ။ လက်ဟိအခြေအနီ၌ အမြင့်ပေ ၂ဝ ကျော်ခန့်သာဟိပါတော့ရေ။ အလယ်လိုဏ်ဂူတော်တွင် ဆင်းတုတော်ကြီးတစ်ဆူ အရှေ့ဘက်သို့ မျက်နှာမူမုခ်ဖွင့်ပနာ ပူဇော်ထားပါရေ။ အဝင်မုခ်အထွက်တွင်လည်း မုခ်ငယ်တစ်ခုဆင့်ပနာ ဆင်းတုတော်တစ်ဆူ ပူဇော်ထားပါရေ။ စေတီတော်ကို ဒုတိယအကြိမ် ပြုပြင်ထားခသည့် အနီအထားကို တွေ့ဟိရပါရေ။ မူလက ပစ္စယံအဆင့်တိတွင် မုခ်ကလေးတိ ဖွင့်ခလိမ့်မည်ဟု ယူဆရပါ ရေ။ စေတီအောက်ခြေရင်ပြင်ပတ်ဝန်းကျင်တွင်လည်း မုခ်တံကဲ ဘုရင်အပိုင်းအစတိပြန့်ကြဲစွာ တွေ့ဟိရပါရေ။ မူလက စေတီတော်ကို ရခိုင်စိတ္တလင်္ကာရ အနုလက်ရာတိဖြင့် ခန့်ငြားလှပစွာ တည်ဆောက်ခလိမ့်မည်ဟု ခန့်မှန်းရပါရေ။
ကိုးကား[edit | edit source]
မြောက်ဦးဒေသ ရှေးဟောင်းအဆောက်အဦးများ (ရှေးဟောင်းသုတေသနနှင့် အမျိုးသားပြတိုက်ဦးစီးဌာန၊ ယဉ်ကျေးမူဝန်ကြီးဌာန) -၂၀၁၅
