Wp/rki/ရွှေကြာသိမ်စေတီ(၂)
တည်နီရာ
[edit | edit source]မြောက်ဦးနန်းတော်ကုန်းဧ့ မြောက်ဘက် တစ်မိုင်ခန့်အကွာတွင် တည်ဟိပါရေ။ လောင်ပွန်းပြောက်စေတီတော်ဧ့ အရှေ့ဘက်၊ အနော်မာဘုရားဧ့ အနောက်တောင်ဘက်တွင် တည်ဟိပါရေ။
ကုသိုလ်သျှင်
[edit | edit source]ဘစောဖြူမင်းဧ့သမီးတော် မင်းသမီးစောရွှေကြာရေ ကောဇာသက္ကရာဇ် (၈၃၃) ခု၊ အေဒီ (၁၄၇၁) ခုနှစ်တွင် တည်ထားလှူဒါန်းခပါရေ။
သမိုင်းအကျဉ်း
[edit | edit source]နန်းတော်ကို ကောတရားကို နန်းတော်တော်စောရွှေကြာကို ပညာဟိစာဆို အုပ်ချုပ်ခပြီးနောက် ထို လေရေ။ အနောက်နန်အရုဏ္ဏကကျွန်း(ဖရုံကာလေရေ။ ထိုဧချင် မြောက်ဦးရွှေနန်းတော်ကို ကောဇာသက္ကရာဇ် (၈၂၁) ခုနှစ်တွင် ဘုရင်ဘစောဖြူမင်းရေ ထီးနန်းဆက်ခံ အုပ်ချုပ်ခပြီးနောက် ထိုမင်းဧ့ အနောက်နန်းမိဖုရားကို နန်းတော်ဧ့အနောက်ဘက် မှောက်တော်တံခါးအနီးတွင် အဆောင်တော်နန့် ထားဟိခလေရေ။ အနောက်နန်းမိဖုရားမှ သမီးတော်စောရွှေကြာကို ဖွားမြင်ခလေရေ။ စောရွှေကြာမင်းသမီးကို ပုခက်တင်မင်္ဂလာအခမ်းအနား၌ သီဆိုရန် ဘရုဂန္ထကကျွန်း(ဖရုံကာကျွန်း)ဖူဒကျွန်းသားပညာဟိစာဆို အမတ်မင်းညိုက ဧချင်း (ရခိုင်အခေါ်) ယိုင်းသာခြင်းကို ရေးသွင်းပြီး ဆက်သခလေရေ။ ထိုဧချင်းကို ရခိုင်မင်းသမီးဧချင်းဟု စာပေလောကတွင် ဂနီ့တိုင် ထင်ရှားနီပါရေ။ မင်းသမီးစောရွှေကြာရေ မိမိနီထိုင်ခရေ အိမ်တော်ရာတွင် ဘုရားတစ်ဆူ၊ ဂူတစ်လုံး၊ လောင်ပွန်းပြောက်အရှေ့ဘက်တွင် စေတီတော်တစ်ဆူနန့် မင်္ဂလာတံတိုင်း အနီးတွင်တစ်ဆူ စုစုပေါင်း (၃) ဆူကို တည်ထားလှူဒါန်းခပါရေ။ လောင်ပွန်းပြောက်အရှေ့ဘက်မှ ရွှေကြာသိမ်ကို ရွှေကြာသိမ် (၂) ဟု သတ်မှတ်ခေါ်ဝေါ်ကြပါရေ။ မင်းသမီးစောရွှေကြာကို အစွဲပြုပနာ ရွှေကြာသိမ်စေတီဟု ခေါ်တွင်ကြခြင်း ဖြစ်ပါရေ။
ဗိသုကာလက်ရာ
[edit | edit source]စေတီတော်ကိုတောင်ခြေတွင် တံတိုင်းလေးဖက်ကာရံပနာ တည်ထားပါရေ။ လှေကားသုံးဖက်တွေ့ဟိရပါဧ့။ စေတီတော်ကို အောက်ခြေရှစ်မျက်နှာတည်ဆောက်ထားပါရေ။ စေတီတော်ဧ့ အောက်ခြေအချင်း (၃၄) ပေခန့်ဟိပြီး တစ်မျက်နှာ လျှင် (၁၅) ပေခန့်ဟိပါရေ။ အမြင့် (၃၆) ပေခန့်ဟိပါလိမ့်မည်။ စေတီတော် အောက်ခြေထောင့်တိတွင် မနုဿီဟရုပ်ကလေးတိ ထွင်းထုထားပါရေ။ ပန်းတင်ခုံနန့် ပစ္စယံအဆင့်ပေါင်း ခုနစ်ဆင့်တွေ့ဟိရပါရေ။ အောက်ပန်းတင်ခုံအဆင့်သာ ရှစ်မျက်နှာတွေ့ဟိရပြီး ကျန်ပစ္စယံခြောက်ဆင့်လုံးကို ခိုနန်းချိုးတိဖြင့် တည်ဆောက်ထား ပါရေ။ ရွှေကြာသိမ်အမည်နန့် လိုက်ဖက်အောင် ပစ္စယံအဆင့်တိတွင် ကြာဖတ်တိဖြင့် ပတ်လည်တန်ဆာဆင် ထားပါရေ။ ပစ္စယံအဆုံးအပေါ်လေးမျက်နှာတွင် စေတီငယ်လေးဆူတင်လှူထားပြီး ထောင့်တိတွင် ရခိုင်စိတ္တ လင်္ကာရအနုလက်ရာပန်းခက်တိဖြင့် အလှဆင်ထားပါရေ။ ကြေးဝန်းအဆင့်တိတွင်လည်း ကြာဖတ်တိဖြင့် အလှဆင်ထားပါရေ။ သပိတ်မှောက်တွင် ပန်းဆွဲတိဖြင့်တန်ဆာဆင်ထားပြီး ကြာဆုံနန့် ထီးတော်အဆင့်ဆင့်ကိုလည်း ကြာမှောက် ကြာလှန်အဆင့်ဆင့်ဖြင့် အနုစိတ်တန်ဆာဆင်ထားပါရေ။ ရွှေကြာသိမ်စေတီ (၂) မှာ ရခိုင်စိတ္တင်္ကာရ အနုလက်ရာတိဖြင့် ထုံမွှမ်းတန်ဆာဆင်ထားရေ စေတီတော်တစ်ဆူဖြစ်ပါရေ။
ကိုးကား
[edit | edit source]မြောက်ဦးဒေသ ရှေးဟောင်းအဆောက်အဦးများ (ရှေးဟောင်းသုတေသနနှင့် အမျိုးသားပြတိုက်ဦးစီးဌာန၊ ယဉ်ကျေးမူဝန်ကြီးဌာန) -၂၀၁၅
