Wp/rki/ထင်တော်မူစေတီ
တည်နီရာ[edit | edit source]
မြောက်ဦးနန်းတော်ကုန်းဧ့ အရှေ့ဘက် (၃) ဖာလုံခန့်အကွာတွင် တည်ဟိပါရေ။ သမာရ်အောင်စေတီတော်ဧ့ အနောက်တောင်ဘက်၊ ချင်းပျံတွင်းဂျိုင်ဧ့ အရှေ့ဘက်တွင် ကျရောက်ပါရေ။
ကုသိုလ်သျှင်[edit | edit source]
ကောဇာသက္ကရာဇ် (၁၀၀၃) ခု၊ အေဒီ (၁၆၄၁) ခုနှစ်တွင် ဘုရင်နရပတိကြီးမှ တည်ထားလှူဒါန်းခပါရေ။
သမိုင်းအကျဉ်း[edit | edit source]
ဘုရင်မင်းဗာကြီး တည်ထားလှူဒါန်းခရေ နံရိုးတော်၊ ရင်ရိုးတော်ဓာတ်စေတီတော် (၂) ဆူရေ လက်ဆည်ကန်အနီး လူနီအိမ်ကြားတွင် ကျရောက်နီသဖြင့် ဘုရင်နရပတိကြီးက သံဃာတော်တိနန့် ဆွေးနွေး တိုင်ပင်ကာ နန်းတော်ဦးအရှေ့ဘက် တောင်ကုန်းတိထက်တွင် ဘုရင်နရပတိကြီးဧ့ နန်းတက်စေတီတိအဖြစ်ပြောင်းရွှေ့လှူဒါန်း တည်ဆောက်ခပါရေ။ အမတ်ဘဝက ငါရေမလွဲဧကန် နောင်အချိန်တွင် မင်းဖြစ်အံ့ဟု ထင်မြင်ခပြီး မင်းအဖြစ်သို့ ရောက်လေရေ်ထင်မြင်သည့်အတိုင်း မှန်ကန်သဖြင့် ထင်တော်မူစေတီကို တည်ထားခရာ ထင်တော်မူစေတီဟု ခေါ်တွင်ပါရေ။ နံရိုးတော်ဓာတ်မှာ ယခုထင်တော်မူစေတီတော်ဖြစ်ပြီး (၁၀-၅-၂၀၀၇) ရက်နီ့တွင် ဝန်ကြီးချုပ်ဗိုလ်ချုပ်ကြီး စိုးဝင်းမိသားစုမှ ထပ်မံပြုပြင် တည်ထားလှူဒါန်းခပါရေ။
ဗိသုကာလက်ရာ[edit | edit source]
ထင်တော်မူစေတီမှာ ပေ (၁၅၀) ကျော်ခန့်မြင့်ရေ တောင်ကုန်းပေါ်တွင် အုတ်ဖြင့်တည်ဆောက်ထားရေ စေတီတော်တစ်ဆူပင်ဖြစ်ပါရေ။ အောက်ခြေ လေးမျက်နှာဖြစ်ပြီး အနားတစ်မျက်နှာ (၃၆) ပေခန့်ဟိပါရေ။ စေတီအမြင့်လည်း (၃၉) ပေခန့်ဟိပါရေ။ အရှေ့ဘက်တွင် မုခ်ဦးဖွင့်ထားပါရေ။ စေတီတော်လိုဏ်ဂူတော်ထဲတွင် ပလ္လင်တော်ဖြင့် ကျောက်ဆင်းတုတော်တစ်ဆူပူဇော်ထားပါရေ။ စေတီတော်ကို လေးမျက်နှာ၊ ရှစ်မျက်နှာ၊ အဝန်းပုံစံသုံးမျိုးဖြင့် ဆင့်ပနာ တည်ဆောက်ထားပါရေ။
ကိုးကား[edit | edit source]
မြောက်ဦးဒေသ ရှေးဟောင်းအဆောက်အဦးများ (ရှေးဟောင်းသုတေသနနှင့် အမျိုးသားပြတိုက်ဦးစီးဌာန၊ ယဉ်ကျေးမူဝန်ကြီးဌာန) -၂၀၁၅
