Wp/rki/လက်ဝဲပိစိတော်စေတီ
တည်နီရာ[edit | edit source]
မြောက်ဦးနန်းတော်ကုန်းဧ့ အရှေ့ဘက် တစ်မိုင်ကျော်ခန့်အကွာတွင် တည်ဟိပြီး ကိုးသောင်းပုထိုးတော် တောင်ဘက်မင်းခေါင် ရွှေတူစေတီတော်ဧ့ အရှေ့ဘက်တွင် တည်ဟိပါရေ။
ကုသိုလ်သျှင်[edit | edit source]
ဘုရင်ကောလိယရေ ကောဇာသက္ကရာဇ် (၄၈၅) ခု၊ အေဒီ (၁၁၂၃) ခုနှစ်တွင် တည်ဆောက်လှူဒါန်းခ ပါရေ။
သမိုင်းအကျဉ်း[edit | edit source]
လက်ဝဲပီစိတော်စေတီကို ဓညဝတီပြည့်သျှင် သူရိယစက္ကမင်းကြီး စတင်လှူဒါန်းခရေ စေတီတော်တစ်ဆူ ဖြစ်ပြီး မြက်စွာဘုရားဗျာဒိတ်ဝင် ရခိုင်ပြည်အနှံ့ ဓါတ်တော် (၂၈၄) ဆူအနက် တစ်ဆူအပါအဝင်ဖြစ်ပါရေ။ ပုရိန် ခေတ် ကောလိယဘုရင်က ဒုတိယအကြိမ် ထပ်မံတည်ဆောက်ခပြီး တတိယအကြိမ်အဖြစ် မြောက်ဦးခေတ်ဘုရင် မင်းဖလောင်းက စေတီတော်အားလိုဏ်ပတ်ဖြင့် တည်ဆောက်လှူဒါန်းခပါရေ။ လက်ဟိအခြေအနီတွင် လေးမြို့ခေတ် လက်ရာ ဆင်းတုတော်နန့် မြောက်ဦးခေတ်လက်ရာဆင်းတုတော် ခေတ် (၂) ခေတ်လက်ရာကို တနီရာတည်းတွင် ဖူးတွေ့နိုင်ပါရေ။ မြတ်စွာဘုရားဧ့ လက်ဝဲပီစိတ်ဓါတ် (ဝှေးစေ့တော်ဓါတ်) ကို ဌာပနာပနာ တည်ထားလှူဒါန်း ခရေကြောင့် လက်ဝဲပီစိတော်စေတီဟု ခေါ်တွင်ခြင်းဖြစ်ပါရေ။
ဗိသုကာလက်ရာ[edit | edit source]
လက်ဝဲပီစိတော်စေတီကို ပေ (၁၀၀) ခန့်မြင့်ရေ သီလာဂီရိပဗ္ဗတတောင်ထိပ်တွင် ကျောက်ဖြင့် တည်ဆောက်ထားရေ စေတီတစ်ဆူပင် ဖြစ်ပါရေ။ အပေါ်တွင် လေးမြို့ခေတ် ကျောက်ဆင်းတုတော်တစ်ဆူ ဖူးတွေ့နိုင်ပြီးအောက်လိုဏ်ပတ်လမ်းတွင် မြောက်ဦးခေတ်ဆင်းတုတော်ကြီးလေးဆူကို ဖူးတွေ့နိုင်ပါရေ။ ပုထိုးတော်မှာ မုခ်လေးမျက်နှာပါဟိပြီး ထောင့်လေးထောင့်ဖော်ထားပါရေ။ ပုထိုးတော်အောက်ခြေအကျယ် မုခ်ထွက်ပါ (၆၀) ပေခန့်ဟိပြီး၊ အမြင့်ပေ (၄၀) ကျော်ခန့်ဟိမည်ဟု ခန့်မှန်းရပါရေ။
ကိုးကား[edit | edit source]
မြောက်ဦးဒေသ ရှေးဟောင်းအဆောက်အဦးများ (ရှေးဟောင်းသုတေသနနှင့် အမျိုးသားပြတိုက်ဦးစီးဌာန၊ ယဉ်ကျေးမူဝန်ကြီးဌာန) -၂၀၁၅
