Wp/rki/မြင်တော်မူစေတီ
တည်နီရာ
[edit | edit source]မြောက်ဦးနန်းတော်ကုန်းဧ့ အရှေ့ဘက် (၂) ဖာလုံခန့် အကွာအဝီးတွင် တည်ဟိပါရေ။ ဆွမ်းချက်ကုန်းစေတီတော်ဧ့ တောင်ဘက်ထင်တော်မူစေတီတော်ဧ့ အနောက်တောင်ဘက် တွင် ကျရောက်ပါရေ။
ကုသိုလ်သျှင်
[edit | edit source]ကောဇာသက္ကရာဇ် (၁၀၀၃)ခု၊အေဒီ (၁၆၄၁)ခု နှစ်တွင် ဘုရင်နရပတိကြီးကို တည်ထားလှူဒါန်းခပါရေ။
သမိုင်းအကျဉ်း
[edit | edit source]ဘုရင်မင်းဗာကြီးတည်ထားလှူဒါန်းခရေ နံရိုးတော်၊ ရင်ရိုးတော်ဓာတ်စေတီတော်(၂)ဆူရေ လက်ဆည်ကန် အနီး လူနီအိမ်ကြားတွင် ကျရောက်နီသဖြင့် ဘုရင်နရပတိကြီးက သံဃာတော်တိနန့် ဆွေးနွေးတိုင်ပင်ကာ နန်းတော်ဦး အရှေ့ဘက်တောင်ကုန်းတိပေါ်တွင် ဘုရင်နရပတိကြီးဧ့ နန်းတက်စေတီတိအဖြစ် ပြောင်းရွှေ့ကျွန်းတည်ဆောက်ခပါ ရေ။ အမတ်ဘဝက ငါရေမလွဲဧကန် နောင်အချိန်တွင် မင်းဖြစ်အံ့ဟု ထင်မြင်ခပြီး မင်းအဖြစ်သို့ ရောက်လေရေ် ထင်မြင်သည့်အတိုင်း မှန်ကန်သဖြင့် မြင်တော်မူစေတီကို တည်ထားခရာ မြင်တော်မူစေတီဟု ခေါ်တွင်ပါရေ။ ရင်ရိုးတော်ဓာတ်မှာ ယခုမြင်တော်မူစေတီတော်ဖြစ်ပြီး (၁၀-၅-၂၀၀၇)ရက်နီ့တွင် ဝန်ကြီးချုပ်ဗိုလ်ချုပ်ကြီး စိုးဝင်းမိသားစုမှ ထပ်မံပြုပြင် တည်ထားလှူဒါန်းခပါရေ။
ဗိသုကာလက်ရာ
[edit | edit source]မြင်တော်မူစေတီမှာ ပေ(၁၀၀)ခန့်မြင့်ရေ တောင်ကုန်းပေါ်တွင် အုတ်ဖြင့် တည်ဆောက်ထားရေစေတီတော် တစ်ဆူပင်ဖြစ်ပါရေ။ စေတီတော်မှာ လုံးပိတ်ဖြစ်ပြီး အောက်ခြေအချင်း (၂၂) ပေကျော်ခန့်ဟိပါရေ။ စေတီတော်အမြင့်မှာ (၃၀) ပေခန့်မြင့်ပါရေ။ စေတီတော်ကို ပုံစံ(၂)မျိုးဖြင့်တည်ဆောက်ထားပါရေ။ အောက်ခြေလေးမျက်နှာနန့် ပန်းတင်ခုံ တွင် ခိုနန်းမျိုးတိပါဟိပြီး အပေါ်ပိုင်းကို အဝန်းဖြင့် တည်ဆောက် ထားရေကိုတွေ့ဟိရပါရေ။ မူလက ကျောက်ထီးတော်ဖြင့် ပူဇော်ထားခဟန်တူပါရေ။ စေတီတော်ပတ်ဝန်းကျင်တွင် ကျောက်ထီးတော်အပိုင်းအစတိကို တွေ့ဟိရပါရေ။
ကိုးကား
[edit | edit source]မြောက်ဦးဒေသ ရှေးဟောင်းအဆောက်အဦးများ (ရှေးဟောင်းသုတေသနနှင့် အမျိုးသားပြတိုက်ဦးစီးဌာန၊ ယဉ်ကျေးမူဝန်ကြီးဌာန) -၂၀၁၅
