Wp/rki/သကျသီဟဘုရား
တည်နီရာ[edit | edit source]
မြောက်ဦးနန်းတော်ကုန်းဧ့အရှေ့ဘက် (၂) ဖာလုံကျော်ခန့် အကွာ၊ နန်းတော်ဦးဆောင်ဧ့အရှေ့ဘက်၊ ထင်တော်မူစေတီဧ့တောင်ဘက်၊ သမာရ်အောင်စေတီတော်ဧ့အနောက်ဘက်တွင် တည်ဟိပါရေ။
ကုသိုလ်သျှင်[edit | edit source]
ကောဇာ (၁၀၀၃) ခု၊ အေဒီ (၁၆၄၁) ခုနှစ်တွင် ဘုရင်နရပတိကြီးမှ တည်ဆောက်လှူဒါန်းခပါ ရေ။
သမိုင်းအကျဉ်း[edit | edit source]
တတိယမြောက်ဦးခေတ်တွင် ဘုရင်နရပတိကြီး လှူဒါန်းခရေ ဆင်းတုတော်တစ်ဆူဖြစ်ပြီး ခရစ်သက္ကရာဇ် (၂၀၀၇) ခုနှစ်တွင် ထားဝယ်မြို့မှ ဦးငွေဝင် ဇနီးဒေါ်မြသိန်းတို့ မိသားစုမှ ထပ်မံမွမ်းမံခရေ ဆင်းတုတော်တစ်ဆူပင် ဖြစ်ပါရေ။
ဗိသုကာလက်ရာ[edit | edit source]
ဆင်းတုတော်မှာ ဓမ္မခဏ်နန့်တစ်ဆက်တည်း ကျောက်တစ်လုံးတည်းဖြင့် ထုဆစ်ထားရေ ဆင်းတုတော်တစ်ဆူ ပင်ဖြစ်ပါရေ။ ဆင်းတုတော်မှာ အလွန်သပ္ပာယ်ပြီး ကြည်ညိုဖွယ်ကောင်းရေ ဆင်းတုတော်ကြီးတစ်ဆူပင် ဖြစ်ပါရေ။ ဆင်းတုတော်ဧ့ဉာဏ်တော်အမြင့်မှာ (၁၀) ပေခန့်၊ ပခုံးစွန်းနှစ်ဖက်အကျယ် (၅) ပေခန့်၊ ဒူးစွန်းနှစ်ဖက်အကျယ် ၈ ပေ ခန့်ဟိပါရေ။ ဦးငွေဝင် ဇနီးဒေါ်မြသိန်း မိသားစုတို့မှာ အလျား ၂၃ ပေခန့်၊ အနံ ၁၆ ပေခန့်ဟိရေ အုတ်ကာ၊ သွပ်မိုး၊ ကျောင်းဆောင်တစ်ဆောင်ဖြင့် ထိန်းသိမ်းလှူဒါန်းထားပါရေ။
ကိုးကား[edit | edit source]
မြောက်ဦးဒေသ ရှေးဟောင်းအဆောက်အဦးများ (ရှေးဟောင်းသုတေသနနှင့် အမျိုးသားပြတိုက်ဦးစီးဌာန၊ ယဉ်ကျေးမူဝန်ကြီးဌာန) -၂၀၁၅
