Jump to content

Wp/rki/ဦးမြဝါ အသက်စွန့်ခဲ့သည့် အထိမ်းမှတ်နေရာ

From Wikimedia Incubator
< Wp‎ | rki
Wp > rki > ဦးမြဝါ အသက်စွန့်ခဲ့သည့် အထိမ်းမှတ်နေရာ

တည်နီရာ[edit | edit source]

“မြောက်ဦးနန်းတော်ကုန်းဧ့ အရှေ့မြောက်ဘက် (၂) ဖာလုံကျော်ခန့်အကွာ၊ ဦးမြဝါစေတီတော် ကြီးဧ့ တောင်ဘက်တောင်ခြေ၊ ဦးမြဝါ အရိုးအိုးစေတီတော်ဧ့ အရှေ့ဘက် တောင်အောက်တောင်ခြေတွင် ဟိ ပါရေ။ |

ကုသိုလ်သျှင်[edit | edit source]

သျှင်မြဝါရေ ကောဇာသက္ကရာဇ် (၈၉၉) ခု၊ အေဒီ (၁၅၃၇) ခုနှစ်တွင် မိမိဧ့အသက်ကို စတေးခရာ နီရာပင်ဖြစ်ပါရေ။ | 

သမိုင်းအကျဉ်း[edit | edit source]

မြောက်ဦးမြို့ မြို့သက်ရှည်စေရန်အတွက် သျှင်မြဝါတွက်ချက်ထားသည့် အချိန်ကျရောက်သည့်အခါ ကြာသပတေးသားကို စတေးရမည်ဖြစ်နီပါရေ။ သို့သော်လည် အခြားလူတိဧ့ အသက်ကို မသတ်လိုရေကတစ်ကြောင်း၊ စတေးမည့်အချိန်တွင် လူစားရှာရန် အချိန်မရရေကတစ်ကြောင်း အကြောင်းအမျိုးမျိုးကြောင့် သျှင်မြဝါမှာ မိမိဧ့ ဝမ်းဗိုက်ကိုဓားဖြင့်ခွဲပြီး အူကိုမြို့မျှော်တိုင်၌ရစ်ပတ်ကာ ၎င်းသေဆုံးရေနီရာတွင်ပင် မီးသဂြိုလ်ကြရန် မှာကြားထားခပါရေ။ သို့သော်လည်း မင်းဗာဘုရင်မှာ မင်းဆရာဖြစ်နီရေ ပညာဟိ ဦးမြဝါကို ခွေးလိုဝက်လို မသဂြိုလ်လိုရေကြောင့် မီးသဂြိုလ်ပြီး တောင်ပေါ်တွင် ဂူသွင်းထားခပါရေ။ ဤနီရာမှာ ဦးမြဝါ သီဆုံးခရေနီရာဖြစ်ပနာ ဦးမြဝါ အသက်စွန့်ခရေ အထိမ်းအမှတ်နီရာအဖြစ်သာ ဖော်ပြပါရေ။ ၎င်း အသက်စွန့်ခရေနီရာတွင် ဦးမြဝါရေးထိုးခရေ အင်းချပ်နှစ်ချပ်လည်း ဟိ နီပါသေးရေ။ 

ဗိသုကာလက်ရာ[edit | edit source]

ဦးမြဝါ အသက်စွန့်ရေနီရာကို မြေညီပြင်တွင် တွေ့ဟိ ရပါရေ။ လက်ဟိ အခြေအနီတွင် ဦးမြဝါအသက်စွန့် | ခရေ မြေနီရာ၌ အလျား (၁၆) ပေ၊ အနံ (၁၃) ပေ ခန့် ကျယ်ဝန်းရေ အုတ်ကာ၊ သွပ်မိုး အဆောက်အဦတစ်ခုတည်ဆောက်ထားပါရေ။ ထိုအဆောက်အဦထဲတွင် ဦးမြဝါရုပ်ထုနန့်အတူ အင်းချပ်ကျောက်ပြား (၂) ချပ်ကို စိုက်ထူထားပါရေ။ ဦးမြဝါရုပ်တုမှာ အမြင့် ၃ ပေ ၇ လက်မခန့်၊ ပခုံးစွန်းနှစ်ဖက်အကျယ် ၁ ပေ ၈ လက်မခန့်၊ ဒူးစွန်းနှစ်ဖက်အကျယ် ၂ ပေ ၇ လက်မခန့် ဟိ ပါရေ။ ဦးမြဝါရုပ်တု လက်ယာဘက်မှ အင်းချပ်မှာ အမြင့် ၃ ပေ ( ၃ လက်မခန့်၊ အကျယ် ၂ ပေ ၅ လက်မ ခန့်နန့် အထူ ၆ ခန့်ဟိ ပါရေ။ ဦးမြဝါရုပ်တုလက်ဝဲဘက်မှ အင်းချပ်မှာလည်းအမြင့် ၂ ပေ ခန့်၊ အကျယ် ၂ ပေ ခန့်နန့် အထူ ၇ လက်မခန့်ဟိ ပါရေ။

ကိုးကား[edit | edit source]

မြောက်ဦးဒေသ ရှေးဟောင်းအဆောက်အဦးများ (ရှေးဟောင်းသုတေသနနှင့် အမျိုးသားပြတိုက်ဦးစီးဌာန၊ ယဉ်ကျေးမူဝန်ကြီးဌာန) -၂၀၁၅