Jump to content

Wp/rki/ရတနာပုံစေတီ

From Wikimedia Incubator
< Wp‎ | rki
Wp > rki > ရတနာပုံစေတီ
ရတနာပုံစေတီ

တည်နီရာ [edit | edit source]

အံတော်သိမ်ပုထိုးတော်ဧ့ မြောက်ဘက်အနီး

မြောက်လတ္တီတွဒ် - ၂ဝ ဒီဂရီ ၅၁ မိနစ်နန့် အရှေ့လောင်ဂျီတွဒ် - ၉၃ ဒီဂရီ ၀၃ မိနစ်တွင် တည်ဟိရေ။ 

ကုသိုလ်ရှင်[edit | edit source]

ဘုရင်မင်းခမောင်းနန့် မိဖုရားကြီးရှင်ထွေးတိမှ ကောဇာ - ၉၇၄ အေဒီ - ၁၆၁၂ ခုနှစ်တွင် တည်ထားခရေ။ 

သမိုင်းအကျဉ်း[edit | edit source]

ရတနာသုံးပါးကို ရည်စူးပနာလည်းကောင်း၊ ဘုရင်နန့် မိဖုရားတို့ပိုင်ဆိုင်သည့် ရွှေငွေရတနာတိကို ပုံအောပြီးပနာလည်းကောင်း တည်ထားကိုးကွယ်ခသဖြင့် ရတနာပုံစေတီဟု ခေါ်တွင်ခြင်းဖြစ်ရေ။ 

ဗိသုကာလက်ရာ[edit | edit source]

ပင်မစေတီကြီးတစ်ဆူလုံးကို သဲကျောက်တိဖြင့် တည်ဆောက်ထားပြီး အဝိုင်းပုံသဏ္ဍာန် ပုအိုင့်အိုင့်ဟိရေ သပိတ်မှောက်ပုံကို ပစ္စယံသုံးဆင့်ထက်တွင် တင်ထားရေ။ အဝန်းမှာ (၃၄၄)ပေဟိပြီး ညဏ်တော်အမြင့်မှာ (၁၀၀) ပေဟိရေ။ ရင်ပြင်တော်မှာ အဌဂံပုံစံမျိုးဖြစ်ပြီး ရင်ပြင်မှရေတိကိုထုတ်ရန် ဆင်နှာမောင်းသဏ္ဍာန် ရေပြွန်တိအား တံတိုင်းတိတွင် တပ်ဆင်ထားရေ။ ယခင်က အာရုံခံရင်ပြင်ဧ့ အရှေ့ဘက်သိမ်တော်ရာတွင် ကြွေရည်သုတ်ကျောက်ချပ်တိကို ခင်းထားခရေ။ မြောက်ဦးခေတ်တွင်တည်ထားခရေ ထူပါ စေတီတိထဲတွင် အကြီးဆုံးစေတီဖြစ်ရေ။ အိန္ဒိယဟိဆန်ချီထူပါ နန့် စစ်ကိုင်းကောင်းမှုတော်ထူပါတို့နန့် ပုံစံတူရေ။ စေတီကြီးဧ့ ပတ်လည်တွင် အရံအုတ်စေတီငယ် (၂၄) လုံးတည်ဟိပါရေ။ ယခင်က သပတ်မှောက်ဧ့အပေါ်ပိုင်းတစ်ခုလုံးမှာ ပြိုကျပြီးခရေ ကြီးမားသည့်ကျောက် တုံးအရာအချိုင့်ကြီးတိတည်ဟိရေကြောင့် ဖြစ်ရေ။ အဆိုပါအပေါ်ပိုင်းပြိုကျပျက်စီးနီရေမှာ နှစ်ပေါင်းတိစွာ ဟိပါရေ။ စေတီတော်ကြီးရေရှည်တည်တံ့စေရန် သပိတ်မှောက်ဧ့အပေါ်ပိုင်းအား ရှေးဟောင်းသုတေသနနန့် အမျိုးသားပြတိုက်ဦးစီးဌာနက ၁၉၉၉-၂၀၀၀ဘဏ္ဍာရေးနှစ်၊ ၂၀၀၀-၂၀၀၁ဘဏ္ဍာရေးနှစ်၊ ၂၀၀၁-၂၀၀၂ဘဏ္ဍာ ရေးနှစ်တိတွင် ထိန်းသိမ်းခပါရေ။ ရတနာပုံစေတီမဟာရံတံတိုင်းအား ၂၀၀၃-၂၀၀၄ ဘဏ္ဍာရေးနှစ်တွင် ထိန်းသိမ်းခပါရေ။

ကိုးကား[edit | edit source]

မြောက်ဦးဒေသ ရှေးဟောင်းအဆောက်အဦးများ (ရှေးဟောင်းသုတေသနနှင့် အမျိုးသားပြတိုက်ဦးစီးဌာန၊ ယဉ်ကျေးမူဝန်ကြီးဌာန) -၂၀၁၅