Wp/rki/ဘုရားပေါင်းတွင်း
တည်နီရာ
[edit | edit source]မြောက်ဦးနန်းတော်ကုန်းဧ့ အရှေ့မြောက်ဘက် (၂) ဖာလုံကျော်ခန့်အကွာ ၊ ဦးမြဝါ အင်းဆံတိ တည်ဟိရာသိမ်ဧ့ အရှေ့မြောက်ဘက်ကပ်လျက်၊ ဦးမြဝါစေတီတော်ကြီးဧ့ အနောက်ဘက်တွင် တည်ဟိပါရေ။
ကုသိုလ်သျှင်
[edit | edit source]ဘုရင်မင်းစောမွန်လက်ထက် ကောဇာ (၇၉၂) ခု၊ အေဒီ (၁၄၃၀) ခုနှစ်ကပင် ဟိနီသည့်ဘုရားပေါင်းတွင်းပင် ဖြစ်ပါရေ။
သမိုင်းအကျဉ်း
[edit | edit source]ရှေးအခါက မြောက်ဦးမြို့ ပတ်ဝန်းကျင်၌ ဘုရားစေတီပုထိုးတစ်ဆူ တည်ဆောက်သည့်အခါတိုင်း ပုံစံငယ် ဘုရား တစ်ဆူစီကို ဤတွင်းသို့ ပေးပို့ကာ မှတ်တမ်းတင်ရခြင်းဓလေ့ဟိရေ။ ထိုပုံစံဘုရားတိ စုပေါင်းထည့်သိုထားရေ နီရာဖြစ်ပနာ ဘုရားပေါင်းတွင်းဟု ခေါ်တွင်ကြခြင်းဖြစ်ပါရေ။ ဘုရားစစ်တမ်းပြုစုထားရာ နီရာတစ်ခု လည်းဖြစ်ပါရေ။ ပါလီမန်ခေတ်က ဤတွင်းကို သိုက်ဆရာတိတူးဖော်ပနာ ရဲအဖွဲ့ဝင်တိနန့် ရခိုင်မြန်မာ ပဏ္ဍိတ်ဆရာကြီး ဦးဦးသာထွန်းတို့က သိုက်ဆရာတိကို လိုက်လံဖမ်းဆီးခရရေဟု သိဟိရပါရေ။
ဗိသုကာလက်ရာ
[edit | edit source]ဘုရားပေါင်းတွင်းကို ပေ (၁၀၀) ခန့်မြင့်ရေ ဘုရားပေါင်းတောင်ပေါ်တွင် တွေ့ဟိရပါရေ။ လက်ဟိ အခြေအနီ၌ တွင်းဝတွင် ကျောက်ဆင်းတုငယ် အကျိုးအပဲ့ပေါင်း မြောက်တိစွာကို ဖူးတွေ့နိုင်ပါရေ။ တွင်း အနီအထားမှာ ၈ မျက်နှာ ပုံစံသာတွေ့ဟိရပြီး တွင်းအချင်း (၁၀) ပေခန့်ဟိပါရေ။ တွင်းနံရံအထူကို အုတ်တိဖြင့် စီထားရေကို တွေ့ဟိရပါဧ့။ နံရံအနားတစ်ဖက်လျှင် ၄ ပေ ကျော်ခန့်ဟိပါလိမ့်မည်။ ဤတွင်းကို လက်ဟိအခြေအနီ၌ သစ်သားတိုင်ဖြင့် သွပ်မိုးထားရေ အဆောင်ငယ်လေးတစ်ခုဖြင့် ထိန်းသိမ်းထားသည့်ကို တွေ့ဟိရပါရေ။
ကိုးကား
[edit | edit source]မြောက်ဦးဒေသ ရှေးဟောင်းအဆောက်အဦးများ (ရှေးဟောင်းသုတေသနနှင့် အမျိုးသားပြတိုက်ဦးစီးဌာန၊ ယဉ်ကျေးမူဝန်ကြီးဌာန) -၂၀၁၅
