Wp/rki/ရခိုင်ပြည်နယ်
ရခိုင်ပြည်နယ်
အာရကန် | |
|---|---|
| မြန်မာ transcription(s) | |
| • ရခိုင် | ရခိုင်ပြည်နယ် |
 Flag | |
| Lua error in Module:Wp/rki/Location_map at line 537: Unable to find the specified location map definition: "Module:Wp/rki/Location map/data/World" does not exist. | |
| Coordinates: 19°30′N 94°0′E / 19.500°N 94.000°ECoordinates: 19°30′N 94°0′E / 19.500°N 94.000°E | |
| နိုင်ငံ |  Myanmar |
| ဒေသ | အနောက်ကမ်းရိုးတန်း |
| မြို့တော် | စစ်တွေမြို့ |
| Government | |
| • ဝန်ကြီးချုပ် | ဦးထိန်လင်း |
| • အစိုးရ | ရခိုင်ပြည်နယ် အစိုးရအဖွဲ့ |
| • ဥပဒေပြုလွှတ်တော် | ရခိုင်ပြည်နယ် လွှတ်တော် |
| • တရားလွှတ်တော် | ရခိုင်ပြည်နယ် တရားလွှတ်တော် |
| Area | ၃၆,၇၇၈.၀ km2 (၁၄,၂၀၀.၁ sq mi) |
| • Rank | ၈ |
| လူဦးရေ (၂၀၁၄) | |
| • Total | ၃၁၈၈၈၀၇[1] |
| • Rank | ၈ |
| Demographics | |
| • လူမျိုးများ | ရခိုင်၊ ကမန်၊ မြို၊ ခမီမြန်မာနှင့် ချင်း၊မရာမာကြီးနှင့်အခြား |
| • ကိုးကွယ်မှု | ဗုဒ္ဓဘာသာ၊ အစ္စလာမ်ဘာသာ၊ ဟိန္ဒူဘာသာ နှင့် အခြား |
| Time zone | UTC+06:30 (မြန်မာစံတော်ချိန်) |
| Website | rakhinestate.gov.mm |
ရခိုင်ပြည်နယ်စော် ရခိုင်ရိုးမတောင်တန်းနိန့် ဘင်္ဂလားပင်လယ်အော်အကြား ကမ်းမြှောင်ဒေသမှာ ဟိပါရေ။ ရှေး ရခိုင်လူမျိုးတိ၏ ယာဉ်ကျေးမှု အမွေအနှစ်များ ပေါများရေဒေသလည်း ဖြစ်ပါရေ။ မြန်မာနိုင်ငံ၏ အနောက်ပိုင်းဟိကနာဧရာဝတီတိုင်း၊ ပဲခူးတိုင်း၊ မကွေးတိုင်း၊ ချင်းပြည်နယ်၊ဘင်္ဂလားဒေ့ရှ်နိုင်ငံနိန့် ဘင်္ဂလားပင်လယ်အော်တိနိန့် ဝန်းရံထားပါရေ။ မြောက်လတ္တီကျူဒ် ၁၇ ဒီဂရီ ၃၀မိနစ် နိန့် ၂၁ဒီဂရီ ၃၀မိနစ်ကြား၊ အရှေ့လောင်ဂျီကျူဒ် ၉၂ဒီဂရီ ၁၀မိနစ် နိန့် ၉၄ဒီဂရီ ၂၀မိနစ်ကြား၌ ဟိပါရေ။ ဧရိယာ စုစုပေါင်း ၁၄၂၀ဝ စတုရန်းမိုင်ကျယ်ပါရေ။ ၂၀၁၀ ပြည့်နစ် ထုတ်ပြန်ရေ အစိုးရစာရင်းအရ လူဦးရေ လေးသန်းနီးပါး (၃ ၈၃၆ ၀၀၀) ဟိနီပါရာ။
သမိုင်းကြောင်း
[edit | edit source]ရှေးအခါက ရခိုင်ဘုရင်တိ အုပ်စိုးရာ တိုင်းပြည်နိုင်ငံ ဖြစ်ခဧ။ အေဒီ ၁၅ ရာစုမှ ၁၇ ရာစုအတွင်း ရှေးရခိုင်ဘုရင်တိစွာ ဘင်္ဂလားဒေ့ရှ်နိုင်ငံ စစ်တကောင်းဒေသနန့် အိန္ဒိယနိုင်ငံ တြိပူရဒေသရို့ကို လက်အောက်ခံ အဖြစ် သိမ်းသွင်းနိုင်ခရေ။ ရခိုင်ဘုရင်တိ တန်ခိုး အထွတ်အထိပ်သို့ ရောက်ဟိစဉ် ရခိုင်ဘုရင့်နိုင်ငံဧ အကျယ်အဝန်းစွာ ယခု ဘင်္ဂလားဒေ့ရှ်နိုင်ငံ၊ ဒါကာမြို့တော်မှ မော်လမြိုင် ပင်လယ် ကမ်းရိုးတန်း တစ်လျှောက် ကျယ်ပြန့်ခရေ။ ရခိုင်လူမျိုးရို့ဧ မူရင်း ရခိုင်ပြည် စွာ ဘင်္ဂလားနယ်စပ် နတ်မြစ်ဝမှ မော်တင်စွန်း (ယခု ဧရာဝတီတိုင်းနယ်မြေ) အထိ ရှည်လျားရေ ရခိုင်ကမ်းရိုးတန်းဒေသ ဖြစ်ရေ။
ရခိုင်ပြည်နယ်အလံ
[edit | edit source]
- ရခိုင်ပြည်နယ်အလံကို ရှေးခေတ်ကပင် အသုံးပြုခရေ အောင်လံဧ အခြေခံအမှတ်အသားကို မူတည်ခရေ၊၊
- အောင်လံအတိုင်းအတာမှာ ခေတ်အဆက်ဆက်က အသုံးပြုခရေ အောင်လံ၊ ကောင်းရှည်ရေအတွက်နန့် အခုခေတ်ကိုက်ညီအောင် အသုံးပြုနိုင်ဖို့အတွက် မူလအတိုင်းအတာကိုမှီပြီး အချိုးအစားအလိုက် ပြုပြင်ခကတ်ရေ။ မူလအတိုင်းအတာ အချိုးအစားမှာ အလျား ကိုးတောင် အနံ ခြောက်တောင် ဖြစ်ရေ။
- အောင်လံဧ အရောင်အဆင်းကို မူလရောင်စုံအတိုင်း အတည်ပြုခကတ်ရေ။ မူလရောင်စဉ် အဆင်းမှာ ဖြူရောင်ထက်ဝက်နန့် အနီရောင်ထက်ဝက်ဖြစ်ရေ။ အပေါ်ပိုင်းထက်ဝက်မှာ အဖြူရောင်ဖြစ်ပြီး အောက်ပိုင်းထက်ဝက်မှာ အနီရောင်ဖြစ်ရေ။
- အဓိပ္ပာယ်ဖွင့်ဆိုချက်မှာ အပေါ်ပိုင်းအဖြူရောင်စွာ ရခိုင်အမျိုးသားရို့ဧ ဖြူစင်ရီးစိတ်ဓာတ်ဟိခြင်း၊ အမျိုးသီလနှစ်ဌာနကို စောင့်ထိန်းခြင်း၊ ဖြူစင်ဖြောင့်မတ်ရီး စိတ်ဟိခြင်းနန့် ဖြူစင်တည်ကြည်စောင့်ထိန်းအပ်ရီး ကိုယ်ကျင့်တရားဟိခြင်းတိ ဖြစ်ရေ။ အနီရောင်ဧ သဘောမှာ ရဲရင့်တည်ကြည်ရီး သတ္တိနန့် ခိုင်ခံ့တည်ကြည်ရီး ဇာတိသွေး၊ ဇာတိမာန် ဟိခြင်းတိကို ဖော်ဆောင်ရေ။
ရခိုင်ပြည်နယ်တံဆိပ်
[edit | edit source]ရခိုင်လူမျိုးတိ သုံးစွဲခရေ ဝေသာလီခေတ် ရခိုင်ဒင်္ဂါးဧ ပန်းဖက်ပုံကို အခြေခံဖော်ပြထားရေ။ ဝေသာလီခေတ် ရခိုင်ဒင်္ဂါးကို သတ်မှတ်ဖော်ပြရခြင်းမှာ ရခိုင်လူမျိုးတိဧ ပေါ်လွင်ထင်ရှားရီး၊ အနုပညာ ဓနဥစ္စာ ကြွယ်ဝခြင်းနန့် ရှေးပဝေသဏီကပင် ယဉ်ကျေးမှုထွန်းကားခခြင်းကို ရည်ညွှန်းဖော်ထုတ်လို၍ ဖြစ်ရေ။ ထိုဝေသာလီခေတ် ဒင်္ဂါးကို သဇင်ပန်းခွေ နှစ်ခက်ဖြင့် ခြံရံထားရေ။ ရခိုင်ပြည်နယ် တံဆိပ်ဧ အပေါ်ထိပ်တွင် ကြယ်ဖြူတစ်ပွင့်၊ အောက်ဘက်တွင် "ရခိုင်ပြည်နယ်"ဟု ရီးသားဖော်ပြထားပြီး သဇင်ပန်းခွေနှစ်ခက်ဖြင့် ခြံရံထားရေ။
တည်နီရာနန့် အကျယ်အဝန်း
[edit | edit source]ရခိုင်ပြည်နယ်စွာ ရခိုင်ရိုးမတောင်တန်းနန့် ဘင်္ဂလားပင်လယ်အော်အကြား ကမ်းမြှောင်ဒေသတွင်တည်ဟိရေ။ ရှေးရခိုင်လူမျိုးရို့ဧ ယဉ်ကျေးမှု အမွေအနှစ်တိ ပေါများရေ ဒေသလည်းဖြစ်ရေ။ မြန်မာနိုင်ငံဧ အနောက်ပိုင်းတွင်တည်ဟိ ဧရာဝတီတိုင်း၊ ပဲခူးတိုင်း၊ မကွေးတိုင်း၊ ချင်းပြည်နယ်၊ ဘင်္ဂလားဒေ့ရှ်နိုင်ငံနန့် ဘင်္ဂလားပင်လယ်အော်ရို့ဖြင့် ဝန်းရံထားရေ။ မြောက်လတ္တီတွဒ် ၁၇ ဒီဂရီ ၃၀မိနစ် နန့် ၂၁ ဒီဂရီ ၃၀မိနစ်ကြား၊ အရှေ့လောင်ဂျီတွဒ် ၉၂ ဒီဂရီ ၁၀မိနစ် နန့် ၉၄ ဒီဂရီ ၂၀မိနစ်ကြားတွင် တည်ဟိရေ။ ဧရိယာ စုစုပေါင်း ၁၄,၂၀ဝ စတုရန်းမိုင်ကျယ်ဝန်းရေ။
ပထဝီဝင်အနီအထား
[edit | edit source]မြေမျက်နှာသွင်ပြင်
[edit | edit source]ရခိုင်ရိုးမတောင်တန်းစွာ ပေ၃၀၀၀မြင့်ကာ ကမ်းရိုးတန်းနန့်အပြိုင် သွယ်တန်းလာပြီး တောင်ဘက်သို့ နိမ့်ဆင်းလားရေ။ စွန်တောင်စွာ ရခိုင်ပြည်နယ်တွင် အမြင့်ဆုံးတောင်ထိပ်ဖြစ်ရေ။ နတ်မြစ်၊ မယူမြစ်၊ကုလားတန်မြစ်၊ လေးမြို့မြစ်ရို့ စီးဆင်းနီရေ။ ဖရုံကာကျွန်း၊ ရမ်းဗြဲကျွန်း၊ မာန်အောင်ကျွန်းတိနန့် ကျွန်းငယ်တိစွာ တည်ဟိရေ။
ရာသီဥတု
[edit | edit source]ရခိုင်ပြည်နယ်စွာ ကမ်းရိုးတန်းဒေသဖြစ်ရေကြောင့် မုတ်သုံရာသီဥတုမျိုးဟိရေ။ အပူအအေးပြောင်းလဲမှုမပြင်းထန်ပေ။ ပျှမ်းမျှအပူချိန်မှာ အပူဆုံးဖြစ်သည့် မေလတွင် ၈၄° ဖာရင်ဟိုက် နန့် အအေးဆုံးဖြစ်သည့် ဇန်နဝါရီလ ၇၀° ဖာရင်ဟိုက် ဖြစ်ကတ်ရေ။ ပင်လယ်ကမ်းရိုးတန်းဒေသဖြစ်ခြင်း၊ ရခိုင်ရိုးမတောင်တန်းက မုတ်သုံမိုးတိ ရွာသွန်းစေခြင်းရို့ကြောင့် မိုးများသည့် ဒေသဖြစ်ရေ။ နှစ်စဉ်ပျှမ်းမျှ မိုးရေချိန်တိမှာ သံတွဲမြို့တွင် ၂၂၁ လက်မ၊ ကျောက်ဖြုမြို့တွင် ၁၈၆ လက်မ၊ စစ်တွေမြို့တွင် ၂၀၃ လက်မ အသီးသီးဟိကတ်ရေ။ ထို့ပြင် ဘင်္ဂလားပင်လယ်အော်အတွင်း ဖြစ်ပေါ်လိဟိသည့် မုန်တိုင်းတိဒဏ်များအဖြစ် နီအိမ်တိ ပျက်စီးခြင်း နန့် ရေကြီးခြင်းရို့ကိုလည်း မကြာခဏ ခံစားရတတ်ရေ။ မုန်တိုင်းအများစုမှာ မိုးဦးနန့် မိုးနှောင်းကာလတိတွင် သာဖြစ်ပေါ်လိဟိပြီး တခါတရံတွင်သာ မိုးလယ်ကာလတိတွင် တိုက်ခတ်လိဟိရေ။
အုပ်ချုပ်ရီး
[edit | edit source]မြို့တော်
[edit | edit source]ရခိုင်ပြည်နယ်ဧ မြို့တော်မှာ စစ်တွေမြို့ဖြစ်ရေ။
အုပ်ချုပ်ရီး
[edit | edit source]၂၀၁၁ခုနှစ်မှစတင်၍ ဝန်ကြီးချုပ်အမှူးပြုရေ ပြည်နယ်အစိုးရအဖွဲ့မှ အုပ်ချုပ်ရေ။
ဥပဒေပြုရီး
[edit | edit source]၂၀၁၁ခုနှစ်မှစတင်ကာ ပြည်နယ်လွှတ်တော်ကို ရွေးကောက်ခံကိုယ်စားလှယ်တိ၊ တပ်မတော်သားလွှတ်တော်ကိုယ်စားလှယ်တိဖြင့် ဖွဲ့စည်းကာ စတင်ကျင်းပခရေ။
တရားစီရင်ရီး
[edit | edit source]ရခိုင်ပြည်နယ် တရားလွှတ်တော်ကို တရားသူကြီးချုပ် (၁)ဦး၊ တရားသူကြီး (၂)ဦးဖြင့် ဖွဲ့စည်းထားရေ။ ပြည်နယ်တရားလွှတ်တော်အောက်တွင် ခရိုင်တရားရုံး (၅)ရုံး၊ မြို့နယ်တရားရုံး (၁၇)ရုံးဟိရေ။
ခရိုင်၊ မြို့နယ်၊ မြို့၊ ရပ်ကွက်၊ ကျေးရွာအုပ်စု၊ ကျေးရွာတိ
[edit | edit source]ခရိုင်တိ
[edit | edit source]
မြို့နယ်တိ
[edit | edit source]ရခိုင်ပြည်နယ်တွင် ခရိုင် (၇)ခု၊ မြို့နယ် (၁၇) မြို့နယ်၊ မြို့ (၂၆) မြို့၊ ရပ်ကွက် (၁၇၀)၊ ကျေးရွာအုပ်စု (၁၀၃၅)။ ရွာပေါင်း (၃၇၃၈) ဟိရေ။ [2]
လူဦးရေ
[edit | edit source]၂၀၁၄ သန်းခေါင်စာရင်းအရ ရခိုင်ပြည်နယ်တွင် လူဦးရေ ၃.၁သန်း နီထိုင်ကတ်ရေ။ ရခိုင်ပြည်နယ်တွင် မဦးရေစွာ ကျားဦးရေထက် အနည်းငယ် ပိုများရေ။ လူဦးရေသိပ်စွားဆမှာ တစ်စတုရန်းကီလိုမီတာတွင် ၈၆.၇ဦးဖြစ်ရေ။ ရခိုင်ပြည်နယ်တွင် လူ၁၀၀ကေ ၈၃ဦးစွာ ကျေးလက်တွင် နီထိုင်ကတ်ရေ။
ဘာသာတရား
[edit | edit source]ရခိုင်ပြည်နယ်တွင်အကြီးဆုံးဘာသာတရားစွာထေရဝါဒဗုဒ္ဓဘာသာဖြစ်ပြီးရခိုင်ပြည်နယ်လူဦးရေဧ၆၃.၃၂%ကိုးကွယ်ရေ။အစ္စလာမ်ဘာသာမှာဒုတိယလူဦးရေအများဆုံးဘာသာဖြစ်ပြီး၃၄.၁၈%ကိုးကွယ်ကတ်ရေ။ထို့ပြင်ခရစ်ယာန်၁.၄%၊ဟိန္ဒူဝ.၅%၊နတ်ကိုးကွယ်ဝ.၁%၊ဘာသာမဲ့သို့မဟုတ် အခြားဝ.၀%ရို့ကိုလည်းကိုးကွယ်ကတ်ရေ။ရခိုင်ပြည်နယ်တွင်အစ္စလာမ်ဘာသာကိုကမန်လူမျိုးတိနန့်ဘင်္ဂါလီလူမျိုးတိကအဓိကကိုးကွယ်ကတ်ရေ။
လမ်းပန်းဆက်သွယ်ရီး
[edit | edit source]ရခိုင်ပြည်နယ်ဧကုန်းလမ်းဆက်သွယ်ရီးမှာလွန်စွာ ဖွံ့ဖြိုးတိုးတက်မှုနောက်ကျရေ။ ကုန်းလမ်းဆက်သွယ်ရီးမှာ ဖွံ့ဖြိုးတိုးတက်မှုနောက်ကျ၍ လီကြောင်းလမ်းနန့် ရေလမ်းရို့ကိုသာ အဓိကအားထားကတ်ရရေ။ စစ်တွေ၊ သံတွဲ၊ ကျောက်ဖြူ၊ အမ်း နန့် မာန်အောင် ရို့တွင် လီယာဉ်ကွင်းဟိရေ။ စစ်တွေ-ရန်ကုန် ကားလမ်းမှာနှစ်လမ်းလားကွန်ဂရစ်လမ်းကျဉ်းဖြစ်ပြီးမိုးရာသီရောက်ကေကားဘီးတိချော်ရေ၊ ကျောက်ဖြူ-ရန်ကုန် ကားလမ်းမှာလည်းထိုနည်းတူဖြစ်ရေ။ လမ်းပန်းဆက်သွယ်ရီးစွာ တစ်နှစ်ထက်တစ်နှစ် အနည်းငယ်စီ တိုးတက်လာလျက် ဟိစွာဆိုကေလည်း တခြားပြည်နယ် တိုင်းဒေသကြီးနဲ့ယှဉ်ကေ ဖွံ့ဖြိုးတိုးတက်မှုလွန်စွာနောက်ကျနီဆဲဖြစ်ရေ။
စာပီ၊ယဉ်ကျေးမှုနန့် ရိုးရာဓလိ
[edit | edit source]စာပီ
[edit | edit source]ရခိုင် စာပီစွာ ဓညဝတီခေတ် (အေဒီ တစ်ရာစု) ခန့်ကပင် စတင် ထွန်းကားခကြောင်း၊ အထောက်အထားတွိ့ရရေ။ ဓညဝတီ မြို့ဟောင်းအနီးမှ တောင်ပေါက်ကြီးကျောက်စာတွင် အရေကခေတ်က အသုံးပြုခရေ ဗြဟ္မီအရီးအသားဖြင့် ရီးထိုးထားစွာကိုတွိ့ရရေ။ ထို့အပြင် ဗြဟ္မီအက္ခရာ အရီးသား စာတန်းပါ ဗိုက်ပူဘုရား ကျောက်စာစွာလည်း ဓညဝတီခေတ် ရခိုင်စာပီ ထွန်းကားမှုဧ သက်သေ ပင် ဖြစ်ရေ။ ဝေသာလီခေတ် (အေဒီ လေးရာစုမှ ဆယ်ရာစု) တွင် ရခိုင်စာပီ ထွန်းကားမှုစွာ ကျယ်ပြန့်ခရေ။ အေဒီ ခြောက်ရာစု ဂုပ္ပတ အက္ခရာ ဖြင့် ရီးထိုးထားရေ ယေဓမ္မာ ရခိုင်ကျောက်စာများစွာကို ဒေခေတ်တွင် တွိ့ရရေ။ ဝေသာလီခေတ်ဧ အထင်ရှားဆုံး ကျောက်စာမှာ အေဒီ ၇၂၉ တွင် ရီးထိုးရေ အာနန္ဒစန္ဒြမင်း ကျောက်စာဖြစ်ရေ။ ထိုကျောက်စာတွင် ရခိုင် မင်းဆက်တိကို ဂါထာ ၆၅ ဂါထာဖြင့် ရီးထိုးထားရေ။ ယင်းပိုင် မင်းစဉ်မင်းဆက်တိကို အစအဆုံးမှတ်တမ်း တင်ထားသည့် ကျောက်စာမျိုးမှာ မြန်မာပြည်တွင်သာမက အိန္ဒိယပြည်တွင်ပါ အစောဆုံးဟု သိရရေ။ ဝေသာလီခေတ်တွင် ကျောက်စာတိသာမက မော်ကွန်းလင်္ကာ၊ သွျှန်းလိုက်ရတု၊ စသည့် ရတုကဗျာတိ ထွန်းကားခရေ။ အမတ်ကြီး မေဓပညာရီးသားသည့် မေဓပညာ မော်ကွန်းလင်္ကာမှာ ဝေသာလီခေတ် လက်ရာဟု ထင်ရှားရေ။ လေးမြို့ခေတ် (အေဒီ ၁၁ ရာစု ၁၅ ရာစု) တွင် ကျောက်စာအရီးအသားများများနန့် အတူ ကဗျာစာပီတိလည်း ထွန်းကားရေ။ ဗျည်း ၃၃ လုံးလင်္ကာမှာ လေးမြို့ခေတ်တွင် ပေါ်ထွန်းခခြင်းဖြစ်ပြီး၊ မြန်မာစာပီတွင် ထင်ရှားသည့် လောကသာရပျို့ကို ရခိုင်သူမြတ်က လေးမြို့ခေတ်တွင် ရီးသားခခြင်း ဖြစ်ရေ။ လေးမြို့ခေတ် ရခိုင်ကျောက်စာတိအနက် လောင်းကြက်တောင်မော် ကျောက်စာနန့် မဟာထီး မီးကျောင်းရုပ် ကျောက်စာရို့မှာ ထင်ရှားရေ။ လောင်းကြက်တောင်မောင် ကျောက်စာစွာ အလျား ပေ ၃၀ ဟိပြီး မြန်မာပြည်တွင် အကြီးဆုံး ကျောက်စာ ဖြစ်ရေ။ မြောက်ဦးခေတ်တွင် ရီးစပ်သီကုံးခရေ ဘဒူမင်းညိုဧ ရခိုင်မင်းသမီးဧချင်း၊ နန်းတွင်းမိညိုဧ ကိုယ်ရည်သွေးရတုနန့် စာဆို ဥက္ကာပျံဧ ၁၂ လ ရာသီ ရတုရို့မှာ ထင်ရှားရေ။
မြောက်ဦးခေတ် ရခိုင်စာဆိုတော် ဥက္ကာပျံဧ-
- အောက်အာကာဗွီ၊ ဝါယောထွီ၍
- ရီထက်ကားမြီ၊ မြီထက်လီနန့်
- ပထဝီဟု၊ ထူထု နှစ်သိန်း၊
- လေးရေင်းကိန်းထက်၊ ရံသိန်းစကြာဝဠာ
- ညီစွာဝန်းလည်၊ ကျောက်တိတည်ကား
ဟူသည့် မိုးဖွဲ့ရတုစွာ ရခိုင်ဘာသာစကား၊ ရခိုင်သံ၊ ရခိုင်ကာရန် ဖြင့် ရီးဖွဲ့ထားသည့် ရခိုင်စာပီ ဧ အကောင်းဆုံး သာဓက ပြယုဂ် ဖြစ်ရေ။
ယဉ်ကျေးမှု
[edit | edit source]ရိုးရာဓလိ
[edit | edit source]ပညာရီး
[edit | edit source]တက္ကသိုလ်နန့် ကောလိပ်တိ
[edit | edit source]- စစ်တွေတက္ကသိုလ်
- စစ်တွေနည်းပညာတက္ကသိုလ်
- ကွန်ပျူတာတက္ကသိုလ်(စစ်တွေ)
- ကျောက်ဖြူပညာရီးကောလိပ်
- နည်းပညာကောလိပ်(သံတွဲ)
- တောင်ကုတ်တက္ကသိုလ်
- နည်းပညာကောလိပ်(ကျောက်ဖြူ)
- နည်းပညာကောလိပ်(တောင်ကုတ်)ဆောက်လုပ်ဆဲ
စီးပွားရီး
[edit | edit source]ဒေသထွက်ကုန်တိ
[edit | edit source]ရခိုင်ကမ်းလွန်တွင် သဘာဝ ဓာတ်ငွေ့ထွက်ပြီး Shell၊ Total၊ Daewoo၊ Woodside အစဟိစွာ နိုင်ငံခြားကုမ္ပဏီတိက လုပ်ကိုင်လျက်ဟိရေ။ [3] ရခိုင်ပြည်နယ်စွာ မြန်မာတနိုင်ငံလုံးဧ စွမ်းအင်တူဖော်ထုတ်လုပ်မှုမှရဟိရေ အခွန်ဘဏ္ဍငွေဧ အရင်းအမြစ်ဖြစ်ကေလည်း ဆင်းရဲမွဲတေမှု နှုန်း ၄၁.၆ ရာခိုင်နှုန်းဖြင့် မြန်မာနိုင်ငံဧဒုတိယအဆင်းရဲဆုံးပြည်နယ်ဖြစ်ရေ။[4]
ဆန်စပါးစိုက်ပျိုးရီး၊ ပင်လယ်ငါးဖမ်းလုပ်ငန်း နန့် ဝါး၊ ဓနိ အစဟိသည့် သစ်တောထွက်ပစ္စည်းရောင်းဝယ်ရီးလုပ်ငန်းတိဟိရေ။ ဒေသထွက်ကုန်တိကို အိမ်နီးချင်း ဘင်္ဂလားဒေ့ရှ် နိုင်ငံ နန့် မြန်မာနိုင်ငံအနှံ တင်ပို့ရောင်းချရေ။
တွင်းထွက်
[edit | edit source]ရခိုင်ကမ်းလွန်တွင် နာမည်ကျော် မြန်မာ့သဘာဝဓာတ်ငွေ့သိုက်တိ ဟိရေ။ ရမ်းဗြဲကျွန်းနန့် မိုးစည်ကျွန်းရို့တွင် ရေနံအနည်းငယ်ထွက်ရေ။ တောင်ကုတ်မြို့နယ် နီပူတောင်မှ စကျင်ကျောက် ထွက်ရေ။
စိတ်ဝင်စားဖွယ် နီရာတိ
[edit | edit source]- မြောက်ဦးနန်းတော်ရာ နန့် ဘုရားပုထိုးတိ
- ငပလီကမ်းခြေ အပန်းဖြေစခန်း နန့် ကမ်းသာယာကမ်းခြေ
- ဦးရာဇ်တော်ဓာတ်စေတီ
- ဓညဝတီမြို့ဟောင်းနန့် ကျောက်တော်မဟာမုနိဘုရား
- ဝေသာလီဘုရားကြီး နန့် ဝေသာလီမြို့ဟောင်း
- ဗျူးပွိုင့်ကမ်းခြေအပန်းဖြေစခန်း(စစ်တွေ)
- မြေပုံမြို့နယ် အငူကမ်းခြေ
- မြေငူကျွန်းဟိဆံတော်ရှင်စေတီနဲ့ကမ်းခြေ
- လေးချမ်းတောင်(မီးပြတိုက်)
- ငှက်ခေါင်းတောင်
- ပန်းနံ့သာကျွန်း
- မအီစက်တော်ရာ
- ပုဏ္ဏားကျွန်းမြို့ဟိဂူဝဘုရား
- ပေါက်တောမြို့ဟိဘုရားကြီး၊တောင်းဖူး၊တောင်ညို
ရခိုင်ပြည်နယ်ဟိ ကျွန်းတိ
[edit | edit source]- ဖရုံကာကျွန်းတိ
- ရမ်းဗြဲကျွန်း
- မာန်အောင်ကျွန်း
- ပန်းထော်ကျွန်း
- စကုကျွန်း
- ပဒင်းကျွန်း
- မကျည်းကျွန်း
- ခရိုင်ကျွန်း
ကိုးကား
[edit | edit source]- ↑ Census Report. The 2014 Myanmar Population and Housing Census. Vol. 2. Naypyitaw: Ministry of Immigration and Population. May 2015. p. 17.
- ↑ နေပြည်တော် တိုင်းဒေသကြီး နန့် ပြည်နယ်တိဟိ ခရိုင်၊ မြို့နယ်၊ မြို့၊ ရပ်ကွက်၊ ကျေးရွာအုပ်စု၊ ကျေးရွာ ဦးရေ စာရင်းချုပ် (၁၆. ၂. ၂၀၁၆)
- ↑ "မော်ကွန်းတင်ပြီးမိတ္တူ". Archived from the original on 11 March 2021. Retrieved 6 September 2020.
- ↑ "မော်ကွန်းတင်ပြီးမိတ္တူ". Archived from the original on 19 February 2021. Retrieved 6 September 2020.
- ↑ ရခိုင်ပြည်နယ် ဖြစ်စဉ်သမိုင်း
- ↑ D.P.S. MYANMAR GUIDE MAP. 2000.
- ↑ http://mizzimaburmese.com/article/9015း
မြို့တော်: စစ်တွေမြို့ မြို့နယ်ပေါင်း : (၁၇) မြို့နယ် | ||
| ခရိုင်ရုံးစိုက်ရာမြို့များ |  | |
| စစ်တွေခရိုင် (၄) မြို့နယ် | ||
| မောင်တောခရိုင် (၂) မြို့နယ် | ||
| ကျောက်ဖြူခရိုင် (၂) မြို့နယ် | ||
| သံတွဲခရိုင် (၂) မြို့နယ် | ||
| အမ်းခရိုင် (၁) မြို့နယ် | ||
| တောင်ကုတ်ခရိုင် (၂) မြို့နယ် | ||
| မြောက်ဦးခရိုင် (၄) မြို့နယ် | ||
| မြို့များ |
| |
| ခေတ် | |
|---|---|
| ရခိုင်မင်းဆက် | |
| ရခိုင်ရှေးဟောင်းမြို့ | |
| ရခိုင်မျိုးနွယ်စု | |
| ကျွန်း | |
| မြစ် နန့် ကမ်းခြေ | |
| ပွဲတော် | |
| ရခိုင်တူရိယာ | |
| အက | |
| အစားအစာ | |