Wp/rki/မင်းပြားမြို့
မင်းပြားမြို့ရေ ရခိုင်ပြည်နယ် မြောက်ဦးခရိုင်တွင် ပါဝင်ရေ မင်းပြားမြို့နယ်ရို့ဧ့ ရုံးစိုက်မြို့ဖြစ်ရေ။ မင်းပြားမြို့ရေ စစ်တွေမြို့ဧ့ အရှေ့မြောက်ဘက် ၃၈ မိုင် အကွာတွင် လေးမြို့မြစ်ခွဲတစ်ခုဧ့ လက်ယာဘက်ကမ်းဘေးတွင် တည်ဟိရေ။
မင်းပြားမြို့နယ်ရေ အနောက်ဘက်တွင် ပေါက်တောမြို့နယ်နန့်လည်းကောင်း ၊ မြောက်ဘက်နန့် အနောက်မြောက်ဘက်တွင် မြောက်ဦးမြို့နယ်နန့်လည်းကောင်း ၊ အရှေ့မြောက်ဘက်တွင် ပလက်ဝမြို့နယ် (ချင်းပြည်နယ်) ၊ ကန်ပက်လက်မြို့နယ်(ချင်းပြည်နယ်)ရို့နန့်လည်းကောင်း ၊ အရှေ့ဘက်တွင် စေတုတ္တရာမြို့နယ် (မကွေးတိုင်းဒေသကြီး)နန့်လည်းကောင်း ၊ အရှေ့တောင်ဘက်တွင် အမ်းမြို့နယ်နန့်လည်းကောင်း ၊ တောင်ဘက်တွင် မြေပုံမြို့နယ်ရို့နန့်လည်းကောင်း နယ်နမိတ်ချင်းထိစပ်လျက်ဟိရေ။
မင်းပြားမြို့ဧ့ လူဦးရေမှာ ၂၀၁၄ ခုနှစ် သန်းခေါင်စာရင်းအရ ၁၆၉,၂၀၈ ယောက် ဖြစ်ရေ။ မင်းပြားမြို့နယ်ဧ့ အကျယ်အဝန်း မှာ ၁,၆၂၃ စတုရန်းမိုင်ဖြစ်၍ မြို့နယ်တွင် ကျေးရွာပေါင်း ၁၃၆ ရွာဟိရေ။
မင်းပြားနယ်ရေ မြေဩဇာကောင်းမွန်ထက်သန်ရေ ကျောထောက်နောက်ခံနယ်ဟိရေ။ လယ်ယာစိုက်ပျိုးရီးကိုလုပ်ကိုင်သဖြင့် ဆန်စပါးထွက်ရေ။ ကူးသန်းလားလာရီးတွင် ရေလမ်းကို အားကိုးအားထားပြုရရေ။ စစ်တွေသို့ ရေကြောင်းဖြင့် လားရရေ။ စစ်တွေ-ကျောက်ဖြူလား သင်္ဘောတိရေ မင်းပြားမြို့တွင် ဆိုက်ကပ်ရေ။ မင်းပြားမြို့မှရေ မြောင်းဘွယ်မြို့၊ မြို့ဟောင်းမြို့၊ တိန်ညို၊ သရက်တပင်မြို့တိကို ဖြတ်၍ ကျောက်တော်သို့ ပေါက်ရေ ကားလမ်းဟိရေ။[1]
မင်းပြားမြို့ဧ့နာမည် အဓိပ္ပာယ်မှာ မင်းက ဒီနီရာမှာ မြို့တည်ပါလို့ ပြခတဲ့အတွက်မင်းပြ လို့ခေါ်ထွင် ရာမှ မင်းပြား ဖြစ်လားရခြင်း ဖြစ်ရေ။ မင်းပြားမြို့ရေ ဧရိယာအားဖြင့် မကျယ်ဝန်းကေလည်း ဖွဲ့စည်းထားပုံမှာ အလွန် စည်းစနစ်ကျလှရေ။ မြို့ဧ့အနီအထားရေ အရပ်လေးမျက်နှာ အလိုက်ဘဲ အရှေ့အရပ်ကို ရှေ့လှည့်ပြီးတော့ အရှေ့ အနောက် တောင် မြောက် တည်ဟိနီရေ။ မြို့ရေ အရှေ့အနောက် ဧရိယာ ကျဉ်း၍ တောင်နန့်မြောက်ကို အလျားရှည်ရှည် ဟိနီရေ။
မြို့ဧ့အရှေ့ ဘက်တွင် မြို့မဈေးကြီးဟိရေ။ မြို့ဧ့ အနောက်ဘက်ဆုံးတွင် ရိုးမတောင်စွယ်တန်းတစ်ခုမှာ တောင်နန့်မြောက် သွယ်တန်းလျက်ဟိရေ။ ထိုတောင်တန်းရေ ဘုရားလောင်းကျီးမင်း ဘဝဖြစ်စဉ်က ကျင်လည်ခရေတောင်ဖြစ်သဖြင့် ကျီးတောင် ဟု ခေါ်တွင်ရာမှ ကျိန်းတောင် ဖြစ်လားလေရေ။ ကျိန်းတောင်ပေါ်တွင် စေတီ၊ ပုထိုးတွေ၊ ဗုဒ္ဓဝင်ပြခန်းတိနန့် ကြည်ညိုဖွယ်ဟိပြီး နှစ်စဉ် ဘုရားပွဲ ကျင်းပလေ့ဟိရေ။ တောင်ခြေရင်းတွင် ဘုန်းကြီးကျောင်းတိ စီတန်းပြီး ဟိနီရေ။ တောင်ခြေတွင် တစ်မြို့လုံးဧ့ အသက်သွေးကြော ပမာအရီးကြီးလှရေ မင်းကန်လို့ ခေါ်သည့် သောက်ရေကန်ကြီး တည်ဟိရေ။
ထူးခြားချက်[edit | edit source]
မင်းပြားမြို့ရဲ့ ထူးခြားချက်တစ်ခုက မြို့ပေါ်ကို မြင်းမဝင်ရ၊ မြင်း မတက်ရဖြစ်ရေ။ မြို့တော်သျှင်မ သဘောမကျဟု ဆိုရေ။ မြင်းတက်ကေ မြင်းဝင်ကေ မီးလောင်တတ်ရေဟု အယူစွဲဟိကတ်ရေ။
ကိုးကား[edit | edit source]
သန်းခေါင်စာရင်း အစီရင်ခံစာ(၂၀၁၄ ခုနှစ် လူဦးရေနှင့် အိမ်ထောင်စု သန်းခေါင်စာရင်း အစီရင်ခံစာ။ အတွဲ-၂။ နေပြည်တော်: လူဝင်မှုကြီးကြပ်ရေးနှင့် ပြည်သူ့အင်အား ဝန်ကြီးဌာန။ မေ ၂၀၁၅။ pp. ၆၀။)
မြို့တော်: စစ်တွေမြို့ မြို့နယ်ပေါင်း : (၁၇) မြို့နယ် | ||
| ခရိုင်ရုံးစိုက်ရာမြို့များ |  | |
| စစ်တွေခရိုင် (၄) မြို့နယ် | ||
| မောင်တောခရိုင် (၂) မြို့နယ် | ||
| ကျောက်ဖြူခရိုင် (၂) မြို့နယ် | ||
| သံတွဲခရိုင် (၂) မြို့နယ် | ||
| အမ်းခရိုင် (၁) မြို့နယ် | ||
| တောင်ကုတ်ခရိုင် (၂) မြို့နယ် | ||
| မြောက်ဦးခရိုင် (၄) မြို့နယ် | ||
| မြို့များ |
| |
- ↑ မြန်မာ့စွယ်စုံကျမ်း၊ အတွဲ(၉)