Wp/rki/ကျောက်တော်မြို့နယ်

ကျောက်တော်မြို့နယ်ရေ ရခိုင်ပြည်နယ် မြောက်ဘက်အဆုံးတွင်ဟိပြီး ကုလားတန်မြစ် အထက်ပိုင်းကမ်းနှစ်ဖက်ကို အခြေခံရေ။ မြောက်ဘက်တွင် ချင်းပြည် နယ်၊ ပလက်ဝမြို့နယ်၊ အရှေ့နန့်တောင်ဘက်တွင် မြောက်ဦးမြို့နယ်၊ တောင်ဘက်နန့် အနောက်ဘက်တွင် ပုဏ္ဏားကျွန်းမြို့နယ်၊ အနောက်ဘက်တွင် ဘူးသီးတောင်မြို့နယ် ရို့နန့် ဆက်စပ်နီရေ။

ကျောက်တော်မြို့ဧ့ အရှေ့ဘက် ၅ မိုင်အကွာ မဟာမုနိကုန်းတော်ကို အမှီပြုပနာ ဓညဝတီခေတ် ဖြစ်ထွန်းခရေ။ ယခု ကြွင်းကျန်ရေ မြို့ရိုး၊ ကျုံး၊ နန်းတော်ရာတိ တူးဖော်ဆဲဖြစ်ရေ။ BC ၅၅၄ တွင် ဓညဝတီ နန်းရာမြောက်ကုန်းတွင် မဟာမုနိဆင်းတု တော်ကို သွန်းလောင်းပူဇော်ခရေဟု လက်ခံလာခကတ်ရေ။ ထိုမဟာမုနိကုန်းတော် ရေ ရခိုင်ပြည် ခေတ်လေးခေတ်လုံးတွင် ဘာသာရီးအရ အထွတ်အမြတ်ထားရာ ဖြစ်ခရေ။ ရခိုင်ပြည် စစ်ရှုံးပြီး ၁၇၈၅ ခုနှစ်တွင် ဉာဏ်တော် ၁၂ ပေ ၇ လက်မဟိရေ ဆင်းတုတော်အား အမရပူရသို့ ပင့်ဆောင်ခြင်း ခံခရရေ။

မြို့နယ်ဧ့ မြောက်ဘက်၊ အရှေ့ဘက်၊ အနောက်ဘက်ရို့တွင် တောထူထပ် ရေ။ အမြင့်ဆုံးတောင်မှာ ၂၄၈၀ ပေဟိသည့် အာကာတောင်ဖြစ်ရေ။ အလယ်ပိုင်း တွင် သေလာဂီရိကျောက်တော်တောင်နန့် တောင်ကုန်းငယ် ၉၉ တောင်ဟိရေအရပ် ဟိရေ။ နယ်မြေဧ့ ထက်ဝက်နီးပါးရေ သစ်တောဧရိယာတိဖြစ်ရေ။ မြို့ဧ့မြောက် ဘက်တွင် ပီချောင်း၊ အရှေ့ဘက်ခြမ်းတွင် သရီချောင်း၊ ရမ်းချောင်း၊ အနောက်ဘက်ခြမ်း တွင် ယိုးချောင်းရို့ရေ မြောက်မှတောင်သို့ စီးဆင်းနီပြီး မြေသြဇာကောင်းသည့် မြေနု လွင်ပြင်တိ ဖြစ်ထွန်းရေ။ မြို့နယ်ရေ တောင်မြောက် ၃၅ မိုင်၊ အရှေ့အနောက် ၃၉ မိုင်ကျယ်ပြီး ဧရိယာ ၆၇၅.၅၅ စတုရန်းမိုင် ကျယ်ဝန်းရေ။ ကျောက်တော်မြို့နယ်တွင် ရပ်ကွက် ၅ ခု၊ ကျေးရွာ အုပ်စု ၇၉ စု၊ ကျေးရွာ ၂၈၅ ရွာ၊ လူဦးရေ စုစုပေါင်း ၂၁၁၅၇၄ ဦး နီထိုင်ရေ။ အိမ်ခြေ ၃၇၃၁၁ အိမ်၊ အိမ်ထောင်စု ၃၉၂၃၇ စုဟိပြီး မြို့ပေါ်လူဦးရေ ၁၇၇၃၃ ဦးဖြစ်ရေ။ မြို့နယ်ဧ့ လေးပုံတစ်ပုံခန့်သာ စိုက်ပျိုးနိုင်ရေ။ ဆန်စပါးကို အဓိကစိုက်ပျိုး ကတ်ရေ။ လယ်မြေ ၈၃၅၁၄ ဧက၊ ယာမြေ ၄၃၃၄ ဧက၊ ဥယျာဉ်မြေ ၁၆၅၄ ဧက၊ ဓနိမြေ ၆ဝ ဧကနန့် တောင်ယာ ၇၂၀ ဧကဟိရေ။ မြေပဲရေ ဒုတိယသီးနှံဖြစ်ရေ။ ၂ဝ၁၆ မတ်လ ၃ဝ ရက်နိ့တွင် ဖွင့်လှစ်သည့် ပြိုင်းချောင်းဆည်၊ ၂၀၀၉ ဖေဖော်ဝါရီ ၂၁ ရက်နိ့ ဖွင့်လှစ်ရေ ဇီးချောင်းဆည်ရို့ရေ ရေသွင်းစိုက်ပျိုးရီးကို အထောက် အကူ ပြုရေ။ ရိက္ခာဖူလုံမှု ၁၆၈,၂၄% ဟိရေ။ ကြိုးဝိုင်းသစ်တော ၃၆၈၄၂ ဧက၊ ကြိုးပြင်ကာကွယ်တော ၁၀၉၁၁၇ ဧကဟိရေ။

ကျောက်တော်မှ ချင်းပြည်နယ် ပလက်ဝမြို့သို့ ကုလားတန်မြစ်ကြောင်းမှ လား နိုင်သည့်ပြင် ယခုအခါ ကားလမ်းကြမ်း ဖောက်လုပ်ထားပြီးဖြစ်ပနာ ကုန်စည်ကူးသန်း ရောင်းဝယ်မှု ထွန်းကားရေ။ စစ်တွေ-အမ်း ကားလမ်းရေ ကျောက်တော်မြို့နယ် အတွင်း ၂၄ မိုင်ဖြတ်သန်းလားရေ။ ပုဏ္ဏားကျွန်းနန့်ကျောက်တော် ရထားလမ်းအား ၂၀၁၁ မှစပနာ ပြေးဆွဲရေ။ ကျေးရွာအတိစုမှာ ရေလမ်းကိုသာ အားထားရရေ။

ကျောက်တော်မြို့နယ်တွင် ခုတင် ၅၀ ဆံ့ ဆေးရုံ ၁ ရုံ၊ ၁၆ ခုတင်ဆံ့ တိုက်နယ် ဆေးရုံ ၂ ရုံ၊ ကျေးလက်ကျန်းမာရီးဌာန ၆ ခု၊ ကျေးလက်ကျန်းမာရီးဌာနခွဲ ၃၃ ခု၊ မိခင်နန့်ကလေး စောင့်ရှောက်ရီးဌာန ၁ ခုဟိရေ။ ပညာရီးနန့်ပတ်သက်ပနာ အထက်တန်းကျောင်း ၆ ကျောင်း၊ အထက်တန်း ကျောင်း ခွဲ ၄ ကျောင်း၊ အလယ်တန်းကျောင်း ၄ ကျောင်း၊ အလယ်တန်းကျောင်းခွဲ ၁ဝ ကျောင်း၊ မူလွန် ၁၆ ကျောင်း၊ မူလတန်းကျောင်း ၁၆၁ ကျောင်း၊ မူခွဲကျောင်း ၅ ကျောင်း နန့် ဘုန်းတော်ကြီး ပညာသင်ကျောင်း ၁၀ ကျောင်းဟိရေ။ ကျောက်တော် အထက်တန်း ကျောင်းကို ၁၉၄၉ ခုနှစ်တွင် စတင်ဖွင့်လှစ်ရေ။

ကျောက်တော်မြို့ လုံခြုံရီးနန့်ပတ်သက်ပနာ မြို့မ၊ တင်းမ၊ သရက်တစ်ပင်၊ အပေါက်ဝနန့် ကန်စောက်ရို့တွင် ရဲစခန်းတိဟိရေ။ မြို့မနန့်အပေါက်ဝ နယ်မြေရဲစခန်း ရို့ရေ ပထမသတင်းပီးတိုင်တန်းချက်လက်ခံသည့် စခန်းတိ ဖြစ်ရေ။ ကျောက်တော် မြို့နယ်အတွင်း တပ်မတော်မှ စကခ ၅ နန့် တပ်ရင်းတပ်ဖွဲ့တိ ဟိရေ။ မြို့တွင်းရေပီးရီးနန့် ပတ်သက်ပြီး စည်ပင်အဖွဲ့ပိုင် ရေကန် ၂၈ ကန်ဟိရေ။ ရေသုံးစွဲခြင်းနန့် ပတ်သက်ပြီး ရေကန်ကြီးတိနန့် မြစ်ရေကို အားထားနီရဆဲဖြစ်ရေ။ မြို့နယ်အတွင်း ရခိုင်လူမျိုးအတိစုဖြစ်ပြီး ခမီလူမျိုးက ဒုတိယအတိဆုံးဖြစ်ရေ။ ဘင်္ဂါလီ အတော်အတန်ဟိရေ။ ဗုဒ္ဓဘာသာဝင် ၁၇၃ဝဝ၅ ဦး၊ ခရစ်ယာန်ဘာသာဝင် ၆၉၃၂ ဦး၊ ဟိန္ဒူ ၄၇၇ ဦး၊ အစ္စလာမ်ဘာသာဝင် ၄၁၃၃၆ ဦးဟိရေဟုဆိုရေ။

ဘာသာရီး အဆောက်အအုံအနီနန့် မဟာမုနိဆင်းတုတော်နန့် ကျောက်တော် တောင်စေတီရို့ ထင်ရှားရေ။ ဘုရားပွဲတိကိုဧပြီလကုန် မေလဆန်းတွင် ကျင်းပပြီး ပြိုင်လောင်းပွဲတိ၊ ကျင်ပွဲတိ ထည့်သွင်းကျင်းပကတ်ရေ။ ရေပက်လောင်းခြင်းလည်း ပြုလုပ်ကတ်ပြီး ရခိုင်ရို့ဧ့ ဒုတိယသင်္ကြန်ဟု ခေါ်ဆိုကတ်ရေ။ မဟာမုနိနန့် ဓညဝတီ မြို့ဟောင်းရို့ကြောင့် ခရီးလားလုပ်ငန်းဟိရေ။

ကျောက်တော်မြို့နယ် ဟိ ရွာများ

• သလူချောင်း

• စပါးဆိပ်

• သံမျှာ

• မီးဝ

• မွန်ထောင့်

• လောင်းရှည်

• ကျင်ကြီး

• တောင်မူဇီ

• သပေါက္ကံ

• ဝဲကြီးဒေါင့်

• အောင်ယ

• မတင်မှိုင်းချောင်း

• တင်းမ

• မာလာ

• မင်းသားတောင်

• မဲတောင်သာစည်

• မျောက်တောင်

• တောင်ဘွေ

• ရတနာပုံ

• နဂရာ

• သံထောင်

• ရှင်ကြမ်း

• ထောက်လေမင်တန်

• ငါးဆောင်ဘက်

• တောင်ထောင်ဟယား

• ပီထု

• တောင်ထောင်

• ဝကင်း

• လမ်းမတော်

• ခေါင်းတုတ်

• အလယ်ကျွန်း

• ပေါက်တော

• စပါးဆိပ်

• ကျောက်တလုံး

• သရက်တပင်

• သစ်တပုံ

• ညောင်ချောင်း

• ရွာမပြင်

• ကျားနင်းကန်

• သဝင်ကိုင်း

• လက်ဆောင်ကောက်

• ပိုက်ရေ

• ကြောင်စွယ်ဖြူ

• ရှောက်ချောင်း

• င/ထပေါင်း

• ဘုရားပေါင်း

• ကွမ်းအုံချောင်း

• သင်္ဂနက်

• ကာဒီ

• အောက်လာ

• ကံစောက်

• တောင်မင်းကုလား

• ဆောင်းဒူ

• ခမောင်းတော

• ပန်းဖဲချောင်း

• ပြိန်းချောင်း

• ပြောင်းဆိပ်

• ခွဆုံ

• အုန်းပတီး

• အောင်ဇေယျ

• ဘရဝါ

• ဗိုလ်မင်း

• ဒုက္ကံချောင်း

• အပေါက်ဝ

• ရွာသစ်ကေ

• ကျောက်ဖြူ

• ကသစ်တော

• ပလောင်

• ဆင်အိုးချိုင်

• စိန်ခြုံ

• စဖိုသား

• ယွန်းချောင်း

• လမုတပင်

• ဂုပ္ပီထောင့်

• အခစား

• အုပ်ကြွပ်

• ဝင်းဇားထောင့်

• နဂူမေ

• ဇင်းခါးချေ

• လက်ခုတ်ပင်ရင်း

• ဂေါရောမနီ

• မြို့

• ပိန္နဲချောင်း • ဝက်မှိုင်း • ကျောက်တန်း • သဝင်ကိုင်း • စိုင့်အောင် • ရွှေလှိုင် • မနီခေါင် • သာဒါကြီး/ဆိပ် • ဗျာလာ[၂] • နီပူခံကျေးရွာ