Jump to content

Wp/rki/ငပလီမြို့

From Wikimedia Incubator
< Wp‎ | rki
Wp > rki > ငပလီမြို့

ဒေသသမိုင်းအကျဉ်း[edit | edit source]

ရှေးယခင်က ... သံတွဲမြို့တွင် အရီးပိုင်မင်း ရုံးစိုက်ခရာ သံတွဲအရီးပိုင်မင်း မစ္စတာစကော့ဒ် ဆိုသူမှ ပြင်သစ်နိုင်ငံတွင် တည်ဟိ ရေ နီပဲကမ်းခြေနန့်တူရေကြောင့် ငပဲနီဟု အမည်ပီးခေါ်ဝေါ်ခခြင်း ရှေးယခင်က ယခုကမ်းခြေအနီးတွင် နီထိုင်ခကတ်ရေ တံငါရေအတိစုမှ ငပါးနီငါးတိအုပ်စုလိုက် နီထိုင်ကျက်စားရေကို ဖမ်းဆီးရမိရေကြောင့် ငပဲနီမှတဆင့် ငပလီရွာဟု ခေါ်ဝေါ်လာခပါရေ။ ငပလီရေ မြို့မဖြစ်မီ ကမ်းခြေဒေသတစ်ခုဖြစ်ပြီး နိုင်ငံခြားသားတိ အပန်းဖြေအနားယူသည့် ကမ်းရိုးတမ်းဒေသဖြစ်သည့်အတွက် ... ဟိုတယ်တိကို ... အခြေခံကာဖွဲ့စည်း ထားခြင်းဖြစ်ပါရေ။ ယခင်က သံတွဲခရိုင်၊ သံတွဲမြို့နယ်တွင် တည်ဟိခပြီး (၁၄.၂.၂၀၁၄) ရက်စွဲပါ အမိန့်ကြော်ငြာစာအမှတ် (၁၃၇/၂၀၁၄)ဖြင့် ဂေါ့ရပ်ကွက်၊ ဇီးဖြူကုန်းရပ်ကွက်၊ လင်းသာရပ်ကွက်၊ မြပြင်ရပ်ကွက်၊ . ဂျိတ္တောရပ်ကွက် ရို့စုစည်း၍ ရပ်ကွက်(၅)ရပ်ကွက်ဖြင့် ငပလီမြို့အဖြစ် ဖွဲ့စည်းခပါရေ။

တည်နီရာအကျယ်အဝန်း[edit | edit source]

ငပလီမြို့ရေ မြောက်လတ္တီတွဒ် ၁၈ ဒီဂရီ ၂၁ မိနစ် နန့် ၁၈ ဒီဂရီ ၃၁ မိနစ်၊ ၄၃ စက္ကန့်အကြား အရှေ့လောင်ဂျီတွဒ် ၉၄ ဒီဂရီ ၁၅ မိနစ်နန့် ၉၄ဒီဂရီ ၂၂ မိနစ်၊ ၃၀ စက္ကန့် အကြားတွင် တည်ဟိပါရေ။ အရှေ့မှ အနောက်သို့ (၁.၅)မိုင်နန့် တောင်မှမြောက်သို့ (၁၀.၅၆) မိုင် ရှည်းလျား ပါရေ။

နယ်နိမိတ်[edit | edit source]

ငပလီမြို့ဧ့ အရှေ့ဘက်တွင် သံတွဲမြို့နယ်၊ တောင်ဘက်တွင် သံတွဲ မြို့နယ်နန့် ထိစပ်လျက်ဟိပါရေ။ အနောက်ဘက်တွင် ဘင်္ဂလား ပင်လယ်အော်နန့် ထိစပ်လျက်ဟိပြီး မြောက်ဘက်တွင် သံတွဲ မြို့နယ်ရို့နန့် နယ်နိမိတ်ထိစပ်လျက်ဟိပါရေ။

ရေဆင်း[edit | edit source]

ငပလီမြို့တွင် မြစ် / ချောင်း တိပေါတိသည့် ဒေသတစ်ခုဖြစ်ပြီး မြစ်/ ချောင်းတိရေ တောင်မှမြောက်သို့ စီးဆင်းလျှက်ဟိပါရေ။ ဒေသအတွင်းဟိ ရေအရင်းအမြစ်အတိစုမှာ ရေချိုဖြစ်၍ စိုက်ပျိုးရီး၊ သောက်သုံးရေ စရေဖြင့်အသုံးပြုနိုင်ပါရေ။

ပင်လယ်ရေမျက်နှာပြင်အထက်အမြင့် ငပလီမြို့ဧ့ပင်လယ်ရေမျက်နှာပြင်အမြင့်မှာ(၁၅)ပေဖြစ်ပါရေ။

ရာသီဥတု[edit | edit source]

ငပလီမြို့ရေ ပူအိုက်စိုစွတ်ရေရာသီဥတုဟိပြီး အမြင့်ဆုံး အပူချိန်(၃၂.၆-C)နန့်အနိမ့်ဆုံးအပူချိန်မှာ (၂၀.၇·C) ဖြစ်ပါရေ။

သဘာဝပေါက်ပင်တိမှာ[edit | edit source]

ပျဉ်းကတိုး၊ ပိတောက်၊ သစ်ရာ၊ တောင်စကား၊ ကရှစ်၊ မဓမ၊ ကနစို၊ ကညင်၊ ကညောင်း၊ ပျဉ်းမ၊ မျောက်ချော၊ မော်ရုံ၊ နွယ်ပင်၊ ဝါးပင် အပင်တိပေါက်ရောက်ပါရေ။ [1]

ကိုးကား[edit | edit source]

  1. https://www.myanmar.gov.mm/documents/20143/0/%E1%80%84%E1%80%95%E1%80%9C%E1%80%AE%E1%81%BF%E1%80%99%E1%80%AD%E1%80%B3%E1%82%95%E1%80%B1%E1%80%92%E1%80%9E%E1%80%86%E1%80%AD%E1%80%AF%E1%80%84%E1%80%B9%E1%80%9B%E1%80%AC%E1%80%A1%E1%80%81%E1%80%BA%E1%80%80%E1%80%B9%E1%80%A1%E1%80%9C%E1%80%80%E1%80%B9.pdf/69cbff0d-5bcc-273b-c148-ba3da3ea9a5b?t=1540801689090