Jump to content

Wp/rki/သံတွဲခရိုင်

From Wikimedia Incubator
< Wp‎ | rki
Wp > rki > သံတွဲခရိုင်

သံတွဲခရိုင်ရေ မြန်မာနိုင်ငံ၊ ရခိုင်ပြည်နယ်အတွင်းတွင် တည်ဟိသော ခရိုင်ဖြစ်ရေ။ ခရိုင်မြို့တော်မှာ သံတွဲမြို့ဖြစ်ရေ။

ပထဝီဝင်[edit | edit source]

မြောက်ဘက်၌ မအီမြစ်ရေ ကျောက်ဖြူခရိုင်နန့် ခြားနားလျက်၎င်း၊ တောင်ဘက်၌ ဂွမြစ်ရေ ပုသိမ်ခရိုင်နန့် ခြားနားလျက်၎င်း ဟိဧ့။ အရှေ့ဘက်တွင် ရခိုင်ရိုးမတောင်က ပိုင်းခြားလျက် သရက်ခရိုင်၊ ပြည်ခရိုင်နန့် ဟင်္သာတခရိုင်ရို့ဟိရေ။ အနောက်ဘက်တွက်ကား ဘင်္ဂလားပင်လယ်အော်ဟိဧ့။ သံတွဲခရိုင်တွင်း၌ ကျရောက်သော ရခိုင်ကမ်းရိုးတန်းရေ စစ်တွေခရိုင်နန့် ကျောက်ဖြူခရိုင်အတွင်းဟိ ကမ်းရိုးတန်းကဲ့သို့ အကောက်အကွေ့ နန့် ကျွန်းစုတိစွာမဟိချေ။ သို့ရာတွင်တောင်ထူထပ်၍ ရိုးမတောင်မှ တောင်စွယ်တိရေ ကမ်းရိုးတန်းဘက်သို့ ထိုးထွက်နီရေ။ ခရိုင်မြောက်ပိုင်းဟိ တောင်ထွတ်တိရေ ပေ ၅ဝဝဝခန့် အထိမြင့်ဧ့။

လမ်းပန်းဆက်သွယ်ရီး[edit | edit source]

သံတွဲခရိုင်အတွင်းတွင် ရိုးမတောင်ကိုဖြတ်ကျော်သည့် တောင်ကုတ် တောင်ကြားလမ်းဟိ၍ ပြည်မြို့၊ ရွှေတောင်မြို့တိနန့် အဆက်အသွယ်ကောင်းမွန်ရေ။ တောင်ကုတ်တောင်ကြားလမ်းရေ တောင်ကုတ်မြို့မှနီ၍ ပြည်ခရိုင်၊ ပန်းတောင်းမြို့အထိ ပေါက်ရောက်၍ လှည်းနန့်ကားတိလားလာနိုင်လေရေ။ သံတွဲခရိုင်တွင် မအီ၊ တန်းလွဲ၊ တောင်ကုတ်၊ သံတွဲ၊ ကျိန်တလီနန့် ဂွမြစ်တိဟိရေ။ ဂွမြစ်ဝမှာ မီးသင်္ဘောငယ်တိ ကျောက်စွဲစခန်းချရန် အလွန်ကောင်းသော နီရာတစ်ခုဖြစ်ဧ့။ ခရိုင်နယ်မြေတစ်ခုလုံး လိုလိုပင် အမြဲစိမ်းလန်းသောသစ်တောတိ၊ ဝါးတောတိဖြင့် ဖုံးအုပ်နီ၍ လယ်ယာလုပ်ကိုင်ရန် နီရာအလွန်ကျဉ်းမြောင်းရေ။

စီးပွားရီး[edit | edit source]

သံတွဲခရိုင်ဧ့ရာသီဥတုမှာ အခြားရခိုင်တိုင်းဟိ ခရိုင်တိနန့်မတူဘဲ ကျန်းမာရီးအလွန်ညီညွတ်ဧ့။ ခရိုင်တွင်း စိုက်ပျိုးလုပ်ကိုင်ကတ်သော သီးနှံတိမှာ ဆန်စပါး၊ ကြံ၊ ဝါဂွမ်း၊ ဆေး၊ ဟင်းသီးဟင်းရွက်နန့် ဓနိတိဖြစ်၍ ပိုက်ဆံလျှော်ပင်တိလည်း အနည်းငယ်စိုက်ပျိုးရေ။ ဆန်စပါးမှာအဓိကသီးနှံဖြစ်ဧ့။ ငပိ၊ ငါးခြောက်လုပ်ငန်းလည်း တွင်ကျယ်ရေ။ သံတွဲခရိုင်ရေ ၄၁၅၇ စတုရန်းမိုင်ခန့် ကျယ်ဝန်း၍ ၂၀၁၄ ခုနှစ်၊ သန်းခေါင်စာရင်းအရ လူဦးရေ ၃၅၇,၈၄၀ ယောက်ဟိရေ။[1] ဗုဒ္ဓအယူဝါဒီရခိုင်နန့် မြန်မာလူမျိုးတိမှာ လူတိစုတိဖြစ်ကတ်ဧ့။ သံတွဲခရိုင်ကို ခရိုင်ခွဲနယ်တိမခွဲပဲ သံတွဲမြို့နယ်၊ တောင်ကုတ်မြို့နယ်နန့် ဂွမြို့နယ်ဆိုပနာ မြို့နယ်သုံးခုခွဲ၍ အုပ်ချုပ်ခလေရေ။

သံတွဲခရိုင်ဧ့ ခရိုင်ရုံးစိုက်မြို့မှာ သံတွဲမြို့ဖြစ်ခ၍ အစိုးရဌာနအသီးသီးရို့ဧ့ ခရိုင်ရုံးတိကို သံတွဲမြို့တွင် စိုက်ခလေရေ။ ထိုမှတစ်ပါး ဆေးရုံ၊ ဈေးနန့် စာသင်ကျောင်းတိလည်း ဟိလေရေ။[2]

ပါဝင်သောမြို့နန့် မြို့နယ်တိ[edit | edit source]

 သံတွဲမြို့နယ်

 ဂွမြို့နယ်

သံတွဲမြို့နယ်

ဂွမြို့နယ်

၂၀၂၂ခုနှစ် ဧပြီလ (၃၀)ရက်နိ့တွင် သံတွဲခရိုင်အတွင်းမှ တောင်ကုတ်မြို့နယ် အား တောင်ကုတ်ခရိုင်အတွင်းသို့ ပြောင်းလဲဖွဲ့စည်းခရေ။[3]

ကိုးကား[edit | edit source]

  1. သန်းခေါင်စာရင်း အစီရင်ခံစာ။ ၂၀၁၄ ခုနှစ် လူဦးရေနှင့် အိမ်ထောင်စု သန်းခေါင်စာရင်း အစီရင်ခံစာ။ အတွဲ-၂။ နေပြည်တော်: လူဝင်မှုကြီးကြပ်ရေးနှင့် ပြည်သူ့အင်အား ဝန်ကြီးဌာန။ မေ ၂၀၁၅။ pp. ၆၀။
  2. မြန်မာ့စွယ်စုံကျမ်း၊ အတွဲ(၁၃)
  3. ရခိုင်ပြည်နယ်အတွင်းရှိ ခရိုင်အမည်များ တိုးချဲ့ပြင်ဆင်ဖွဲ့စည်းခြင်း။