Wp/rki/မောင်တောခရိုင်
မောင်တောခရိုင် | |
|---|---|
|
| |
| Lua error in Module:Wp/rki/Location_map at line 422: No value was provided for longitude. | |
| နိုင်ငံ |  Burma |
| ပြည်နယ် | ရခိုင်ပြည်နယ် |
| မြို့နယ်ပေါင်း | ၂ |
| မြို့တော် | မောင်တောမြို့ |
| Population Template:Nbsp(၂၀၁၄) | ၉၆၃၃၀ |
| Time zone | UTC+6:30 (မြန်မာစံတော်ချိန်) |
မောင်တောခရိုင်ရေ ရခိုင်ပြည်နယ် မြောက်ပိုင်း၌ တည်ဟိပြီး မြန်မာနိုင်ငံ အနောက်ဘက်စွန်းတွင် တည်ဟိရေ ခရိုင်ဖြစ်ရေ။ ပါဝင်ရေ မြို့နယ်တိမှာ မောင်တောမြို့နယ်နန့် ဘူးသီးတောင်မြို့နယ် ရို့ဖြစ်ကတ်ရေ။
ခရိုင်ရုံးစိုက်ရာမြို့မှာ မောင်တောမြို့ဖြစ်ပြီး ယခင်က ဘူးသီးတောင်မြို့တွင် ခရိုင်ရုံးစိုက်ခဖူးရေ။ ဒေသတွင်း အရီးပါရေ အခြားမြို့၊ ရွာတိမှာ တောင်ပြိုလက်ဝဲမြို့၊ ခမောင်းဆိပ်မြို့၊ မြင်းလွှတ်မြို့၊ တောင်ပြိုလက်ယာရွာ၊ အလယ်သံကျော်၊ တောင်ဘဇား၊ ဘောလိဘဇား စရေရို့ဖြစ်ကတ်ရေ။
ပါဝင်ရေမြို့နယ်တိ
[edit | edit source]မောင်တောခရိုင်တွင် ပါဝင်သည့် မြို့နယ်တိနန့် မြို့တိမှာ အောက်ပါအတိုင်းဖြစ်ရေ။[1]
နယ်နမိတ်
[edit | edit source]မောင်တောခရိုင်ရေ အရှေ့ဘက်နန့်တောင်ဘက်တွင် စစ်တွေခရိုင်၊ အနောက်ဘက်တွင် ဘင်္ဂလားဒေ့ရှ်နိုင်ငံ ကော့ဘဇားခရိုင်၊ မြောက်ဘက်တွင် ဘင်္ဂလားဒေ့ရှ်နိုင်ငံ ဘန်ဒါဘင်ခရိုင်ရို့ဖြင့် ထိစပ်လျက်ဟိရေ။ မောင်တောခရိုင်နန့် ကော့ဘဇားခရိုင်ကြားမှ စီးဆင်း၍ ဘင်္ဂလားပင်လယ်အော် အတွင်းသို့ စီးဝင်ရေ နတ်မြစ်ရေ ဘင်္ဂလားဒေ့ရှ်-မြန်မာ နယ်နိမိတ်လည်း ဖြစ်ရေ။
လူမှုပထဝီဝင်
[edit | edit source]မောင်တောမြို့နန့် ဘင်္ဂလားဒေ့ရှ်နိုင်ငံ တက်(က)နက်မြို့ကြားတွင် နယ်စပ်ကုန်သွယ်ရီး ဟိရေ။ မောင်တောမြို့နယ်နန့် ဘူးသီးတောင်မြို့နယ်ကို မေယုတောင်တန်းဖြင့် ပိုင်းခြားထားရေ။ မောင်တောမြို့နယ် နတ်မြစ်ဝှမ်းနန့် ဘူးသီးတောင်မြို့နယ် မေယုမြစ်ဝှမ်းဒေသ တိမှာ မြေပြန့်လွင်ပြင် ပေါတိပြီး မြေဩဇာ ကောင်းမွန်သဖြင့် လူဦးရေ ထူထပ်ရေ။ ၂၀၁၄ ခုနှစ် သန်းခေါင်စာရင်းအရ မောင်တောခရိုင်ဟိ လူဦးရေမှာ ၉၆,၃၃၀ ယောက် ဖြစ်ရေ။[2]ဒေသတွင်းနီထိုင်သူ အတိစုမှာ အစ္စလာမ် ဘာသာကိုးကွယ်ကတ်ရေ။ မြန်မာနိုင်ငံ အနောက်ဘက်စွန်း၌ တည်ဟိခြင်း၊ ဘင်္ဂလားဒေ့ရှ်နိုင်ငံနန့် ဆက်စပ်နီခြင်းရို့ကြောင့် အရီးပါရေခရိုင်တစ်ခု ဖြစ်ရေ။
မောင်တောမြို့နယ်ဧ့ ဧရိယာရေ မယူတောင်တန်းဧ့ အနောက်ဘက် တောင်ခြေတစ်လျောက် ဖြစ်ရေ။ တောတောင်ထူထပ်ပြီး သစ်၊ ဝါးပေါတိရေ။ ကြိုးဝိုင်း၊ ကြိုးပြင် ကာကွယ်တောတိ ၁၃၇.၃၆-စတုရန်းမိုင် ဟိရေ။ စပါးနန့် ငါးပုဇွန်လုပ်ငန်းရေ အဓိကဖြစ်ရေ။ တောင်ပြိုလက်ဝဲ မပါဘဲ ဆန်စပါး စိုက်ဧက ၉၀.၂၀-စတုရန်းမိုင်၊ ကျေးရွာအုပ်စု ၈၈-စု၊ ကျေးရွာပေါင်း ၃၇၀-ရွာ၊ ပုဇွန်ကန် ပေါင်း ၂၁၆၉-ကန်နန့် မွေးမြူရီး ဧက ၁၄၃၄၅ ဧက ဟိရေ။ မြို့မကျောင်းဟိ မဟာကျန်ဘုရားနန့် ဝက်ကျိန်းစေတီ၊ သရီကုန်းဘောင်စေတီ၊ ချင်းမခေါင်းရို့မှာ ထင်ရှားရေ။ ဒုတိယကမ္ဘာစစ်အတွင်းက မယူတောင်တန်းကြောင့် စစ်တလင်း ဖြစ်ခရေ။ ၁၉၉၅-ခုနစ်၊ စက်တင်ဘာလ (၁၉)ရက်နိ့မှ စ၊ စစ်တွေခရိုင်မှ ခွဲထက်ကာ မောင်တောခရိုင်ဟု သီးခြားဖွဲ့စည်းရေ။ ၁၉၉၉-ခု၊ ဧပြီလ (၂၃)ရက်နိ့တွင် ဘူးသီးတောင်မြို့နယ်ကို ထည့်သွင်း တိုးချဲ့ရေ။[3]
ကိုးကား
[edit | edit source]- ↑ ရခိုင်ပြည်နယ်အတွင်းရှိ ခရိုင်အမည်များ တိုးချဲ့ပြင်ဆင်ဖွဲ့စည်းခြင်း။
- ↑ သန်းခေါင်စာရင်း အစီရင်ခံစာ။ ၂၀၁၄ ခုနှစ် လူဦးရေနှင့် အိမ်ထောင်စု သန်းခေါင်စာရင်း အစီရင်ခံစာ။ အတွဲ-၂။ နေပြည်တော်: လူဝင်မှုကြီးကြပ်ရေးနှင့် ပြည်သူ့အင်အား ဝန်ကြီးဌာန။ မေ ၂၀၁၅။ pp. ၆၀။
- ↑ အောင်လှသိန်း၊ ရခိုင်ပြည်ရှိ မြို့များ ဖြစ်ပေါ်လာပုံ သမိုင်းအကျဉ်းနှင့် အထွေထွေမှတ်သားဖွယ်ရာများ
မြို့တော်: စစ်တွေမြို့ မြို့နယ်ပေါင်း : (၁၇) မြို့နယ် | ||
| ခရိုင်ရုံးစိုက်ရာမြို့များ |  | |
| စစ်တွေခရိုင် (၄) မြို့နယ် | ||
| မောင်တောခရိုင် (၂) မြို့နယ် | ||
| ကျောက်ဖြူခရိုင် (၂) မြို့နယ် | ||
| သံတွဲခရိုင် (၂) မြို့နယ် | ||
| အမ်းခရိုင် (၁) မြို့နယ် | ||
| တောင်ကုတ်ခရိုင် (၂) မြို့နယ် | ||
| မြောက်ဦးခရိုင် (၄) မြို့နယ် | ||
| မြို့များ |
| |
