Wp/rki/နတ်မြစ်

နတ်မြစ်ရေ ဘင်္ဂလားဒေ့ရှ်နိုင်ငံနန့် မြန်မာနိုင်ငံရို့အကြားတွင် နှစ်နိုင်ငံနယ်နမိတ် စည်းအဖြစ် သတ်မှတ်ထားရေ မြစ်ဖြစ်ရေ။ နတ်မြစ်ကို အင်္ဂလိပ်ဘာသာဖြင့် Naf River၊ ရခိုင်ဘာသာဖြင့် နတ်မြစ်၊ ဘင်္ဂါလီဘာသာဖြင့် : নাফ নদী(အသံထွက်-နတ်နဒီ) ဆိုပနာ အသီးသီးခေါ်ဆိုကတ်ရေ။ ၎င်းမြစ်ရေ ကို့စ်ဘဇာ ပြည်နယ် အရှေ့တောင်ဘက်အစွန်ဆုံးမှ မြန်မာနိုင်ငံ၊ ရခိုင်ပြည်နယ် တစ်လျောက်လုံးတွင် တည်ဟိပိုင်းခြားထားရေ။ ထိုမြစ်ရေ ရခိုင်ရိုးမတောင်တန်းမှ မြစ်ဖျားခံလာကာ အရှေ့တောင်ဘက် ပြည်နယ်တိဧ့ နယ်ခြားစည်းအဖြစ် စီးဆင်းလာပြီး ဘင်္ဂလားပင်လယ်အော်အတွင်းသို့ စီးဝင်ရေ။ မြစ်ဝှမ်းအကျယ်မှာ ၁.၆၁ ကီလိုမီတာမှ ၃.၂၂ ကီလိုမီတာခန့်ဟိရေ။ မြစ်ရေဒီရေဧ့အကျိုးသက်ရောက်မှုကိုလည်း ခံရရေ။ မြန်မာနိုင်ငံ စစ်တွေမြို့အရှေ့ဘက် ကမ်းပါးအဖြစ် နန့် ကို့စ်ဘောက်ဇာပြည်နယ် တက်နက် ရေ အနောက်ဘက် မြစ်ကမ်းပါးအဖြစ်ဟိနီကတ်ရေ။ မြစ်ဧ့ယေဘူယျအနက်မှာ ၁၂၈ ပေ(၃၀မီတာ) နန့် အနက်ဆုံးနီရာတွင် ပေ ၄၀၀ (၁၂၀ မီတာ) အထိဟိရေကို တွိ့ရရေ။

မိုင် ၅၀ မျှ ရှည်ရေ။ ဒီရေရေ ၄၅ မိုင်အထိ ရောက်ရေ။ မြစ်ဝမှ ၂၄ မိုင်တွင် မြို့သစ်ချောင်းက စီးဝင်ရေ။ ရခိုင်ဘက်ကမ်းတွင် ဒီရေချောင်းမြောင်း ပေါတိရေ။ ဒီရေ လွှမ်းမိုးမှုကြောင့် စပါးဖြစ်ထွန်းမှုနည်းသဖြင့် ငတ်မြစ်ဟု တွင်ခရေ။ နတ်မြစ်မှ အနောက်ဘက်ဟိ ရခိုင်ကိုးကွယ်မှုဝင် နတ်တောင်ကို အစွဲပြုထားရေ။ နတ်မြစ်ရေ ပုဇွန်မွေးမြူခြင်းကြောင့် ထင်ရှားလာရေ။ မြစ်ဝတွင် ရှင်မဖြူကျွန်း ဟိရေ။

ရှင်မဖြူကျွန်းရေ နတ်မြစ်ဝတွင် တည်ဟိနီပြီး သမိုင်းကြောင်းအရ ပထမ အင်္ဂလိပ်-မြန်မာစစ် ဖြစ်ပွားရန်အတွက် ဆုံးဖြတ်ချက်တိ ချက်ချင်း ဆိုသလိုချမှတ်ရီးနန့် အရီးကြီးသည့်အခန်းတွင် ပါဝင်အသုံးတော်ခံခသည့် နီရာလည်းဖြစ်ရေ။