Wp/rki/ဖရုံကာကျွန်းတိ
အရှေ့ဘက်ဆုံးဟိ အရှေ့ဖရုံကာကျွန်းအား အင်ဂရာချိုင်ကျွန်းဟုလည်း ခေါ်ရေ။ ၂၅ မိုင်ခန့် ရှည်လျားပြီး တောင်ဘက်သို့ သေးသွယ်လားရေ။ အကျယ်ဆုံး နီရာတွင် ၂ မိုင်မျှသာဟိရေ။ ကျွန်းအလယ်တွင် တောင်တန်းဟိပြီး အမြင့်ဆုံးနီရာမှာ ၅၃၁ ပေ မြင့်ရေ။ တောင်တန်းဧ့ အနောက်ဘက်ကမ်း တောင်ခြေတွင် ရေနံ လက်ယက် တွင်းတိ ဟိရေ။
အလယ်ဖရုံကာကျွန်းခေါ် ပိန္နဲချောင်းကျွန်းအားဖဒူကျွန်းဟုလည်း ခေါ်ကတ်ရေ။ ထိုကျွန်းရေ ၂၇ မိုင်ခန့်ရှည်၍ မြောက်ဘက်၌ ၆ မိုင်ခန့်ကျယ်ပြီး တောင်ဘက်သို့ ကျဉ်းမြောင်းလားရေ။ အမြင့်ဆုံးတောင်မှာ ၁၀၃ဝ ပေ မြင့်ရေ။ ထိုကျွန်းတွင် ဖဒူရွာ ဟိသဖြင့် ဖဒူကျွန်းဟု ခေါ်ကတ်သကဲ့သို့ မဟာပိန္နဲနတ် ကိုးကွယ်မှုဟိခသဖြင့် ပိန္နဲချောင်းကျွန်း ဟုလည်း ခေါ်ကတ်ရေ။
အနောက်ဖရုံကာဟုခေါ်ရေ မြေငူကျွန်းရေ ၂၄ မိုင်ခန့် ရှည်လျားရေ။ မြောက်ပိုင်းတွင်သာ လွင်ပြင်ကျယ်ဟိပြီး တောတောင်ထူထပ်သဖြင့် ကျဉ်းမြောင်းရေ ကမ်းခြေဟိရေ။ အမြင့်ဆုံးတောင်မှာ ၉၆၃ ပေဟိပြီး မီးပြတောင်ဖြစ်ရေ။ ကျွန်းဧ့ တောင်ဘက်စွန်းတွင် ဆံတော်သျှင်စေတီ တည်ထားသဖြင့် ဆံတော်သျှင်ကျွန်းဟုလည်း ခေါ်ကတ်ရေ။ ဖဒူကျွန်းနန့် မြေငူကျွန်းရို့အကြားတွင် ရေလက်ကြားအဝဟိ၍ ငါးဖမ်း သင်္ဘောရို့ ရာသီဥတုဒဏ်မှ ခိုနားရာနီရာလည်း ဖြစ်ရေ။ ဖရုံကာကျွန်းဧ့ အရှေ့တောင်ဘက် မြေပုံမြို့နန့် ကျောက်ဖြူမြို့အကြား ကမ်းရိုး တန်းဟိ ကျွန်းစဉ်တန်းကြီးတစ်ခု ဟိရေ။ ဒီရေတောတိပြားသည့် ကျွန်းကြီး ကျွန်းငယ် တိ ဟိကတ်ရေ။ [1]
ကိုးကား
[edit | edit source]- ↑ မြောက်ဦးစစ်တမ်း -မောင်မောင်စိုး