Wp/rki/ခြိတ်မြို့
ခြိတ်မြို့(အေဒီ ၁၁၄၂-၁၁၅၄)[edit | edit source]
ပုရိန်မြို့တွင် အနန္တသိရိနတ်ရွာစံပြီးနောက် အေဒီ ၁၁၄၂ ခုနှစ်တွင် ၎င်းဧ့ညီ မင်းဘုန်းစား နန်းတက်ရေ။ ၎င်းရေ ပုရိန်ကို မနှစ်သက်၍ မြောက်ဘက်ကို ဆန်တက်ပြီး လေးမြို့မြစ်ဧ့ချောင်းလက်ထက်ဖြစ်ရေ ခြိတ်ချောင်း ဖျားတွင် ခြိတ်မြို့ကို တည်ရေ။ မြောက်ဦးမြို့မှ မြောက်ဘက် (၉)မိုင်ခန့်အကွာတွင် တည်ဟိရေ။ လူသူ အရောက်အပေါက်နည်း၍ ချောင်ကျရေ။ လုံခြုံရီးရ ရွေးခရဟန်တူရေ။ ကောင်းကင်ဓာတ်ပုံအရ ဧက(၃၀)ခန့် ကျယ်ဝန်း၍ တစ်ဘက်ကေ ၁၂၀ဝ ပေခန့်ဟိရေ စတုရန်းပုံ နန်းမြို့ဟိရေ။ နန်းမြို့ဧ့အပြင်ဘက်တွင် ကျဉ်းမြောင်း ရေ ကျုံးငယ်ဖြင့် ဝန်းရံထားရေ။ ဓညဝတီ၊ ဝေသာလီကဲ့သို့ နန်းမြို့အပြင်ဘက်တွင် ပတ်လည်ဝန်းရံထားရေ မြို့တံတိုင်း မတွိ့ရဘဲ တောင်ဘက်နန်းမြို့ရိုးနန့် ပြိုင်၍တံတိုင်းတစ်ထပ် တွိ့ရရေ။ ပေ ၃၅၀ဝ ခန့်ရှည်ရေ။ ရန်သူတိ တောင်ဘက်အရပ် လေးမြို့ကမ်းမှတဆင့် လာရောက်တတ်ရေကြောင့် ဖြစ်နိုင်ရေ။ ထိုမြို့တွင် မင်း (၃)ဆက် ၁၂ နှစ်ခန့်သာ နန်းစံကတ်၍ ဖတ်မရ တိ မကျန်ရစ်ခရခြင်း ဖြစ်နိုင်ရေ။[1]
ကိုးကား[edit | edit source]
- ↑ ထွန်းရွှေခိုင်၊မြောက်ဦးမြို့တော်(p-15)