Jump to content

Wp/rki/မာန်အောင်ကျွန်း

From Wikimedia Incubator
< Wp‎ | rki
Wp > rki > မာန်အောင်ကျွန်း

ရခိုင်ပြည်ဧ့ ဒုတိယအကြီးဆုံးကျွန်းမှာ မာန်အောင်ကျွန်းဖြစ်ရေ။ အရှေ့မှ အနောက်သို့ ၂၂ မိုင်၊ မြောက်မှ တောင်သို့ ၁၈ မိုင်ဟိပြီး စတုရန်းမိုင် ၉၇.၈၄ ခန့် ကျယ်ဝန်းရေ။ ကျွန်းဧ့ တောင်ဘက်ရေ ကုန်းမြင့်ဖြစ်ကာ ပုလဲငူတောင် (၈၄၉ ပေ)၊ တောင်နီတောင် (၆၄၆ ပေ)ရို့ ထင်ရှားရေ။ တောင်နီတောင်ခြေတွင် ရေနံလက်ယက်တွင်းတိ ဟိရေ။

အဓိကချောင်းမှာ ဟုန်းချောင်းဖြစ်ပြီး၊ ဟုန်းချောင်းဝတွင် မာန်အောင်မြို့ တည်ဟိရေ။ တစ်နှစ်လုံး ပျမ်းမျှမိုးရေချိန် လက်မ ၂ဝဝ ခန့်ဟိပြီး ပူအိုက်စွတ်စိုရေ။ ပင်လယ်ရေမျက်နှာပြင်ထက် ၆ ပေ မြင့်ရေ။ ကျွန်းတောင်ဘက်နန့် အနောက်ဘက်တွင် ပြန့်ပြူးသည့် ပင်လယ်ကမ်းခြေဟိရေ။ ကျွန်းရံတိမှာ ရဲကျွန်း၊ တိုက်ကျွန်းနန့် ဗီကန်မီးပြကျွန်းရို့ ဖြစ်ကတ်ရေ။ ရဲကျွန်းမှာ မာန်အောင်ကျွန်းဧ့ အရှေ့တောင်ဘက် ၄ မိုင်ဘက်အကွာတွင် ဟိပြီး တောင်မြောက် ၆ မိုင်ခန့် ရှည်လျားရေ။ [1]

ကိုးကား[edit | edit source]

  1. မြောက်ဦးစစ်တမ်း -မောင်မောင်စိုး