Wp/rki/စစ်တကောင်းမြို့
စူဠစန္ဒြမင်းတည်ထောင်ခရေမြို့ဟု ယူဆကတ်ရေ။ ငနှလုံးမင်းလက်ထက် အနောက်သို့ စစ်ချီရာမှာကုလားစစ်ရေရို့က ဒေမြို့မှာခိုင်ခံ့စွာ နီခရေ။ မခံနိုင်ပနာ ငါးရက်အကြာမှာဆုတ်ခွာ လားကတ်ရေ။ မင်းထီး လက်ထက်မှာစစ်တကောင်းမြို့ကို ဘင်္ဂလား မှ ကျူးကျော်ခရေကို ရန်သူရို့အား မီးဖေါင်ဖြင့် တိုက်ခိုက်အောင်နိုင်ခရေ။ သိဉ္စည်းမင်းရေတိုက်ပနာ နိုင်ခရေ။ မြောက်ဦးခေတ် မှာမင်းခရီ နန့် ဘစောဖြူမင်း ရို့က လက်ဝင်ထပ်မံ ပြုခရေ။ မင်းဘာကြီး ကလည်း ဒေအရပ်ကို ခိုင်ခန့် အောင် ဆောင်ရွက်ခရေ။ နောင်မှာစစ်တကောင်းတောင်ဘက်၌ ဒီယင်ဂါမှာပေါတူဂီရို့အား ထားဟိ ခရေ။ ၁၆၆၅ ခုနှစ်မှာမောင်းကွပ်ရို့က စစ်တကောင်းကို စတိုက်ရေ။ ကိုယ်ရံကြီးရာဇဗလကျော်ထင် အဖမ်းခံ ရရေ။ ရခိုင်တပ်ဆုတ် လာရာစစ်သူကြီးကို လားရောက် တိုက်ခိုက်စေရေ်လည်း ပျက်စီးပနာ ပြန်လာခရေ။ ၁၆၆၆ ခုနှစ်မှာမောင်းကွပ်ရို့လက်သို့ ကျလားရေ။ တောင်ဘက် မိုင် ၈၀ အကွာမှာပင်းဝါ ဟိရေ။ [1]
ကိုးကာ
[edit | edit source]
- ↑ ရခိုင်သုတအဘိဓာန် - အောင်လှသိန်း (၂၀၁၅)