Wp/apc/ويكيبيديا:ملحوظية (الويب)
دليل الإنترنت. مقالات ويكيبديا ما لازم تكون موجودة بس لتوصف طبيعة، مظهر أو خدمات الموقع اللي بيقدموها، بس لازم كمان توصف الموقع بطريقة موسوعية، و تعطي تفاصيل عن إنجازات الموقع، تأثيره أو أهميته التاريخية، و اللي ممكن تبقى محدثة بشكل أكتر من معظم مصادر المرجعية، بما إنه المحررين بيقدرو يدمجو التطورات و الحقايق الجديدة لما تنعرف.
هيد الصفحة بتعطي شوية إرشادات تقريبية اللي معظم محررين ويكيبديا بيستخدموها ليقررو إذا كانت نوع من المحتوى اللي مخصوص للويب، سواء كان محتوى موقع إنترنت أو الموقع نفسه، لازم يكون إلو مقالة على ويكيبديا. المحتوى الإنترنتي بيتضمن، بس مو محصور فيه، المدونات، المنتديات على الإنترنت، مجموعات الأخبار، المجلات الإلكترونية، غيرها من الوسائط، البودكاست، الكوميكس الإلكترونية، و بوابات الإنترنت. أي محتوى بتقدر توصله من خلال الإنترنت و بتتفاعل معه بشكل رئيسي عن طريق متصفح ويب، بيعتبر محتوى ويب لهدف هيد الإرشادات.
محررين ويكيبديا بيكرهو استخدام ويكيبديا للإعلانات، و الفكرة إنو مقالات ويكيبديا مو للإعلانات هي سياسة رسمية و قديمة. الإعلانات إما بتنظف لتتماشى مع وجهة النظر المحايدة أو بتنحذف.
ويكيبديا مو دليل ويب، يعني هي مو موقع مختص بربط مواقع تانية و تصنيف الروابط هي. ويكيبديا مو مرآة أو مستودع للروابط، الصور، أو الملفات الإعلامية. المقالات اللي بتتضمن بس رابط خارجي و وصف مختصر لمحتوياته ممكن تنحذف. المواضيع اللي ما بتفي بمعايير الملحوظية بيتعاملو معهن بطريقتين: الدمج و الحذف. المقالات اللي ممكن تكون مو مهمة ممكن يتم وسما بتصنيف {{notability}} ليعرف المحررين التانيين عن المشكلة. لما هالمقالات بيتم عرضها للحذف، بيتناقشو عنها بويكيبيديا:مقالات للحذف. أو كمان، ممكن تستخدم عملية الحذف المقترحة للمقالات اللي ما فيها خلافات بخصوص الحذف، بينما ممكن تستخدم تصنيف {{db-web}} لتحط علامة للمقالة لتحذف بسرعة؛ شوف المعايير A7 للتفاصيل.
القرارات المبنية على دلائل قابلة للتحقق
[edit | edit source]بالقاموس، "مهم" معناها "مستحق أنو يتم ملاحظته" أو "يجذب الانتباه". ويكيبديا بتعتمد قرارها إذا كان المحتوى الإلكتروني مهم كفاية ليبرر مقالة منفصلة على الدلائل القابلة للتحقق إنه المحتوى جذب انتباه مصادر موثوقة مو مرتبطة بالمحتوى الإلكتروني، أو مؤلفيه، أو مالكينو. الملحوظية بتحتاج بس إنه هالمصادر الضرورية تكون موجودة، مو لازم تكون المصادر تم ذكرها بالمقالة.
ما في أحقية بالملحوظية
[edit | edit source]"الملحوظية" ما بتعني "الشهرة" أو "الملحوظية" بذاتها، و حتى المحتوى الإلكتروني اللي المحررين بيعتقدو إنه "مهم" أو "مشهور"، بيتم قبوله كملحوظية بس إذا تم إظهار إنه جذب الانتباه. ما في محتوى إلكتروني معفى من هالمتطلب، مهما كان نوع المحتوى. إذا المحتوى الإلكتروني ما استقطب انتباه من مصادر مستقلة أو استقطب انتباه قليل، ما بيكون مهم بس لأن المحتوى الإلكتروني من نفس النوع عادة بيكون مهم أو لأنه موجود (شوف "إذا المحتوى مش مهم" تحت).
لما تقييم الملحوظية للمحتوى الإلكتروني، رجاءً فكّر إذا كان إلو تأثيرات كبيرة أو واضحة على الثقافة، المجتمع، الترفيه، الرياضة، الاقتصاد، التاريخ، الأدب، العلم، أو التعليم. المواقع اللي عليها حركة زيارات عالية بالغالب بيكون فيه معلومات قابلة للتحقق من مصادر موثوقة بتقدم دلائل على الملحوظية. بس المواقع الأصغر كمان ممكن تكون مهمة. ما لازم تستخدم معايير عشوائية لخلق تحيز لصالح المواقع الكبيرة.
ما في وراثة للملحوظية
[edit | edit source]المحتوى الإلكتروني ما بيكون مهم لمجرد إنو شخص مهم، أو شركة، أو حدث كان مرتبط فيه. إذا المحتوى الإلكتروني نفسه ما حصل على انتباه، فالمحتوى مو مهم. مثلا، إذا شخص مهم عنده موقع، الموقع ما "بيورث" الملحوظية من مالكو. بهالحالات، بالغالب من الأفضل إنه يتم وصف الموقع بمقالة الشخص المهم.
كمان، الموقع ممكن يكون مهم، بس المالكين أو المؤلفين ما "بيرثو" الملحوظية من المحتوى اللي كتبوه.
المعايير
[edit | edit source]مع أخد بعين الاعتبار إنو كل المقالات لازم تتوافق مع سياسة التحقق من المصادر الموثوقة، و إنو المصادر المو مستقلة و المصادر المنشورة ذاتياً لوحدها ما بتكفي لإثبات الأهمية؛ المحتوى الإلكتروني الخاص بالويب ممكن يكون مهم بناءً على تلبية واحد من المعايير الجاي:
- المحتوى كان موضوع عدة أعمال منشورة مو تافهة مصدرها مستقل عن الموقع نفسه. هالمعيار بيشمل الأعمال المنشورة الموثوقة بكل الأشكال، متل مقالات الصحف، مقالات المجلات، الكتب، الوثائقيات التلفزيونية، المواقع الإلكترونية، و تقارير منشورة من منظمات مراقبة المستهلك باستثناء إعادة نشر الإعلام لبيانات الصحافة و الإعلانات عن المحتوى أو الموقع أو التغطية التافهة، متل ملخص بسيط عن طبيعة المحتوى أو نشر عناوين الإنترنت و الموقع، مقالات الصحف اللي بس بتبلغ عن التوقيتات اللي فيها هالمحتوى بيتم تحديثه أو توفره، أو أوصاف المحتوى في الأدلة أو المحلات الإلكترونية.
- الموقع أو المحتوى فاز بجايزة معروفة و مستقلة من منشور أو منظمة. و يفضل إذا كانت الجايزة نفسها كمان معروفة و عندها مقالة على ويكيبديا.
هالمعايير تم تقديمها كقواعد سريعة للتعرف بسهولة على المحتوى الإلكتروني اللي ممكن يكون لويكيبديا مقالة عنه. بأغلب الحالات، التدوير المتعمق عن مصادر موثوقة و مستقلة من طرف تالت رح يكون ناجح للمحتوى اللي بيلبي واحد أو أكتر من هالمعايير. مع هيك، تلبية هالمعايير مو ضمان إنو ويكيبديا رح تستضيف مقالة منفصلة و مستقلة عن الموقع.
إذا المحتوى مو مهم
[edit | edit source]ويكيبديا ما لازم يكون عندا مقالة منفصلة عن أي محتوى إلكتروني ما بيلبي معايير هالإرشادات أو معايير الملحوظية العامة، أو أي محتوى إلكتروني رغم إنه بيلبي القواعد السريعة اللي تم شرحها فوق، المحررين بالنهاية ما قدرو يلاقو مصادر مستقلة بتقدم معلومات معمقة عن المحتوى الإلكتروني. هدف ويكيبديا مو إنو يكون فيه مقالات صغيرة ما إلها أمل حقيقي بالتوسع و لا مقالات مبنية بشكل أساسي على شو بيقولو عن حالهم الموضوع أو مؤلفيه.
مع هيك، المعلومات عن هالمحتوى الإلكتروني ممكن تتضمن بطرق تانية ضمن ويكيبديا، بشرط إنه يتم تلبية شوية شروط. المحتوى عن الويب اللي ما بيلبي شرط المقالة المنفصلة ممكن يتم الحفاظ عليه عن طريق إضافته للمقالات اللي إلها الصلة إذا:
- كان فيه المستوى المناسب من التفاصيل و الأهمية للمقالة هي؛
- تجنب الترويج الذاتي؛ و
- يتضمن معلومات ممكن التحقق منها من مصادر مستقلة.
المحتوى الإلكتروني اللي ما بيلبي شرط المقالة المنفصلة ممكن يتم وصفه ضمن قائمة إليها صلة بالمحتوى الإلكتروني متل قائمة الظواهر على الإنترنت. ممكن يتم دمج المحتوى عن المواقع الإلكترونية مع المقالات عن المنظمات اللي بتمتلك المواقع هي. لازم يتم إنشاء تحويلات مناسبة من اسم الموضوع ليساعد القراء يلاقو هالمعلومات.
| المحتوى (?) |
| ||||||||||
|---|---|---|---|---|---|---|---|---|---|---|---|
| السلوك (?) |
| ||||||||||
| المسح (?) |
| ||||||||||
| تنفيذ السياسات (?) |
| ||||||||||
| التحرير (?) |
| ||||||||||
| محتوى المشروع (?) |
| ||||||||||
| ويكيميديا (?) |
| ||||||||||
 سياسات ويكيبيديا
 إرشادات ويكيبيديا | |||||||||||