Wp/apc/ويكيبيديا:سياسة المسح

noborder

هيدي الصفحة هي صفحة سياسة رسمية و معتمدة بويكيبيديا شامي.

السياسة بتشرح القواعد و الشروط اللى لازم كل اللى بيضيف أو يعدل بويكيپيديا شامي يتبعها, السياسات بتصير رسمية بعد مناقشة و اتفاق عليها و ممكن تتعدل أو تنلغى بنفس الطريقة.

سياسة المسح بتشرح كيف المقالات، الوسائط، و الصفحات التانية اللي ما بتناسب معايير المحتوى المتعلقة بالموسوعة، بينعرفو و بينشالو من ويكيبيديا. على ويكيبيديا، كتير صفحات بتنمسح كل يوم عن طريق العمليات المذكورة تحت.

مسح مقالة على ويكيبيديا بيشيل النسخة الحالية و كل النسخ السابقة من العرض العام. تفريغ الصفحة ممكن أي مستخدم يعمله (أو يرجعه)، بس المسح نفسه بيقدرو يعملوه بس الإداريين، و كمان هنن الوحيدين اللي بيقدرو يشوفو الصفحات المحذوفة، و يرجعو (أو "يستعيدو") أي مسح. كل هالإجراءات (ما عدا المشاهدة) بتتسجل بسجل المسح، و إحصائيات المسح كمان بتتسجل بـ ويكيبيديا:إحصائيات المسح. إذا كان فيه شك بخصوص إذا كان فيه توافق على مسح صفحة أو لا، الإداريين بالعادة ما بيمسحوها.

أسباب المسح

أسباب المسح بتشمل، بس ما بتقتصر على، الجاي (مع الأخد بعين الاعتبار إنو تحسين أو مسح القسم المخالف، إذا كان ممكن، هو أفضل من مسح الصفحة كلها):

1. محتوى بينطبق عليه على الأقل معيار واحد من معايير المسح السريع
2. انتهاكات حقوق النشر و أي مواد بتخالف معايير المحتوى المو حر بويكيبيديا
3. التخريب، بما فيه التحويلات المستفزة، الصفحات اللي هدفها بس الإساءة للموضوع، كلام فارغ، أو شخابيط
4. الإعلانات أو السبام التاني اللي ما فيه أي محتوى مفيد أو موسوعي
5. تفرعات المحتوى (إلا إذا كان الدمج أو التحويل مناسب)
6. مقالات ما بتقدر بأي شكل إنها تتنسب لمصادر موثوقة، بما فيها المصطلحات الجديدة، النظريات و الاستنتاجات الأصلية، و الخدع
7. مقالات بعد محاولات كبيرة للبحث عن مصادر موثوقة لتأكيدها، بس فشلنا نلاقي أي منها
8. مقالات مواضيعها ما بتتناسب مع إرشادات الأهمية المتعلقة (الملحوظية، ملوحزظية الأشخاص، ملحوظية الموسيقى، ملحوظية الشركات و غيرها)
9. مقالات بتخالف سياسة ويكيبيديا بخصوص السير الذاتية للناس العايشين
10. القوالب المكررة أو اللي ما لها أي فائدة
11. التصنيفات اللي بتشكل تصنيف زايد عن اللزوم
12. الملفات اللي مو مستخدمة، قديمة، أو بتخالف سياسة المحتوى المو حر
13. أي استخدام تاني للمقالة، القالب، المشروع، أو نطاق المستخدم بيخالف السياسة المنفصلة المقررة لهاد النطاق
14. أي محتوى تاني مو مناسب لموسوعة

بدائل المسح

التعديل و النقاش

إذا كان التعديل بيقدر يعالج كل الأسباب المتعلقة بالمسح، فلازم يتعمل هالشي بدل ما تنمسح الصفحة. أي مستخدم بيقدر يرجع التخريب على محتوى صفحة.

النزاعات على محتوى الصفحات بالعادة ما بتنحل بالمسح إلا بحالات شديدة. القضايا المتعلقة بالمحتوى لازم تتم مناقشتها بصفحة النقاش المناسبة، و يتم استخدام طرق تانية لحل النزاع بالبداية، متل إدراجها بـ ويكيبيديا:طلبات التعليقات للحصول على آراء إضافية. النقاشات حولين المسح اللي هيه فعلياً خلافات على المحتوى ممكن يسكرها محرر محايد، و يتم تحويلها لصفحة النقاش أو لمنتدى مناسب تاني.

إذا كان فيه مقالة عن موضوع مهم بس بتخالف بشكل كبير سياسات التحقق أو وجهة النظر المحايدة، ممكن يتم تقليلها لمقالة قصيرة، أو يتم مسحها بالكامل بتوافق الآراء بـ ويكيبيديا:نقاشات المسح.

الخلاف حولين سياسة أو إرشاد ما بينحل بمسحه. و كمان، المشاكل مع صفحات المستخدم الغير مناسبة بالغالب بتنحل عن طريق النقاش مع المستخدم نفسه.

الإشارة بالمشاكل (Tagging)

فيه كتير أنواع من القوالب ممكن تنضاف للمقالات للإشارة للمشكلة. القوالب، مع هيك، مو حل دايم؛ الهدف منها تحذير القُرَّاء و تسهيل الوصول للمقالات اللي فيها مشاكل لتعديلها. الوسوم مذكورة هون. بعض الأنواع الشائعة منها:

• {{copyedit}} للكتابة السيئة
• {{Expert needed}} للمقالات اللي بتحتاج لخبرة متخصصة
• {{Not Shami}} للمقالات المكتوبة بلغة أجنبية
• {{POV}} للتحيز
• {{Stub}} للمقالات القصيرة
• {{More citations needed}} لنقص التحقق
• {{Merge}} للمقالات الصغيرة اللي ممكن تندمج مع وحدة أكبر
• {{Cleanup}} للمشاكل التانية

الصفحات اللي فيها أسماء غلط ممكن تنعاد تسميتها بكل بساطة. النزاعات حول التسميات بتتناقش بصفحة نقاش المقالات أو بتندرج ضمن الطلبات لإعادة التسمية.

إنتبه لما تضيف الوسوم على السير الذاتية للناس العايشين. بعض الوسوم معروفة إنها بتسبب شكاوى من صاحب المقالة، متل {{notability}}، لأنها ممكن تنفهم على إنها حكم من ويكيبيديا على الشخص. بديل لهالشي هو ترشيح المقالة للمسح حتى يصير فيه توافق أسرع.

الدمج

المقالات اللي قصيرة و بالغالب ما رح تنضاف عليها معلومات ممكن تنضم لمقالات أكبر أو قوائم. مثلاً، المعلومات عن أفراد عائلة شخصية مشهورة و اللي ما عندون أهمية مستقلة بالعادة بتنضاف أو بتندمج بمقالة الشخصية نفسها. الصفحات عن عناصر خيالية مو مهمة بالغالب بتنضم لقوائم أو مقالات عن العمل الخيالي اللي ظهرت فيه.

إذا كان فيه صفحتين مكررّتين أو زوايد، لازم وحدة تندمج و تتحول للصفحة التانية، باستخدام الاسم الأكثر شيوع أو العام أكتر. هالشي ما بيتطلب عملية أو نقاش رسمي مسبقاً.

انتبه إنو نتيجة "دمج و مسح" ممكن تسبب مشاكل ترخيص إذا ضاعت الإشارة لمصدر المحتوى المدموج خلال العملية. المقالة ويكيبيديا:دمج و مسح بتناقش هالموضوع، بينما المقالة ويكيبيديا:مسح أو دمج بتناقش حالة تانية ما بتسبب هالمشاكل.

إعادة التوجيه

ممكن تفريغ صفحة و تحويلها إذا كان فيه صفحة مناسبة للتحويل إلها، و إذا كانت إعادة التوجيه الناتجة مانا مو مناسبة. إذا صار نزاع حولين التغيير عن طريق استرجاعه، لازم ينحاول الوصول لتوافق قبل ما يتم التفريغ و إعادة التوجيه مرة تانية. الأماكن المناسبة للنقاش بتشمل صفحة نقاش المقالة و ويكيبيديا:مقالات للمسح.

الاحتضان (Incubation)

المقالات اللي تم إنشائها جديد و عندها إمكانيات لكنها لسا ما بتتناسب مع معايير الجودة بويكيبيديا، ممكن تنقل لنطاق المسودة ("مسودة") للتحسين، بهدف نقلها مرة تانية لنطاق المقالات الأساسي، و ممكن يكون عبر عملية مقالات للنشر (AfC). إذا المسودات ما انعدلت لمدة ستة شهور، بتكون مؤهلة للمسح بموجب معايير المسح السريع G13. بالمقارنة مع مسودات نطاق المستخدم، نطاق المسودة بيخلي هالمقالات الأولية أسهل تتلاقى و العمل عليها بشكل تعاوني. مع هيك، نقل المسودات لنطاق المستخدم مفضل للقوالب اللي بتخدم احتياجات محرر واحد أو المقالات اللي بتمثل رأي محرر معين. مسودات نطاق المستخدم ما بتخضع لمسح G13 إلا إذا انقدمت لـ AfC.

الاحتضان ما لازم يستخدم كـ "طريق خلفي للمسح". لإنو المسودات المهجورة بتنمسح بعد ستة شهور، نقل المقالات لنطاق المسودة لازم ينحصر بالمقالات اللي إنعملت جديد (بالعادة كجزء من مراجعة الصفحات الجديدة) أو نتيجة لنقاش مسح. المقالات الأقدم – كقاعدة عامة، اللي صارلها أكتر من 90 يوم – ما لازم "تتسودن" بدون توافق مسبق بـ AfD.

مشاريع تانية

شوية مقالات ما بتتناسب مع ويكيبيديا بس بتلائم واحد من مشاريع ويكيميديا الشقيقة. ممكن تنسخ لهنيك باستخدام وظيفة النقل بين المشاريع قبل النظر بدمجها أو مسحها. إذا المقالة اللي رح تنمسح بالغالب رح يعاد إنشائها بنفس الاسم، ممكن تتحول لإعادة توجيه مرنة لمقالة بمشروع شقيق أكتر ملاءمة.

إنتبه إنو المقالات اللي بتبين مناسبة للنقل بين المشاريع لمحررين ويكيبيديا شامي ممكن ما تكون هيك:

• ويكي قاموس (Wiktionary) ما بيقبل النقل بين المشاريع.
• ويكي الأخبار (Wikinews) عندو شروط حداثة للأخبار و بيستخدم رخصة مختلفة، و هالشي بيمنع النقل بين المشاريع تقريباً بكل الحالات.
• ويكي الرحلات (Wikivoyage) بالنادر ما بيقبل مقالات عن أماكن جذب فردية؛ الوجهات لازم تكون يا إما أماكن أو، بالنادر، أماكن جذب بارزة كتير، و لا وحدة من هالحالات بالغالب بتنمسح من ويكيبيديا.

العمليات

بويكيبيديا، فيه أربع عمليات أساسية للمسح، و عمليتين للمراجعة و إلغاء نتائج هالعمليات أو عمليات مسح أخرى.

انتهاكات حقوق الطبع والنشر

لأسباب قانونية، ويكيبيديا ما بتقدر تستضيف محتوى بينتهك حقوق الطبع و النشر.

• وين تلاقيها: شوف ويكيبيديا:مشاكل حقوق الطبع و النشر وويكيبيديا:نقاشات الملفات.
• كيف تعملها: شوف ويكيبيديا:نقاشات الملفات. بالنسبة لصفحات تانية، شيل الانتهاك إذا كان ممكن، أو عدّل الصفحة و استبدل كل محتواها بـ{{subst:copyvio}}. إذا كان الانتهاك واضح و بيغطي الصفحة كلها، ببساطة علمها للمسح السريع باستخدام {{db-copyvio|url=...}} بعد ما تتأكد إنو ما فيه نسخ مو منتهكة بتاريخ الصفحة.
• إذا بتعارض: حاول تتواصل مع مؤلفين النص أو الصورة و شوف إذا مستعدين يوافقو ينشرو أعمالون تحت ترخيص مقبول (CC BY-SA وGFDL، أو أي ترخيص متوافق مع CC BY-SA)، أو (2) بالنطاق العام. إذن الاستخدام "بوكيبيديا فقط" أو "للاستخدام المو تجاري بس" ما بيكفي، لإنو ما بيتوافق مع ترخيصنا.
• إعادة الترشح: المحتوى اللي بينتهك حقوق الطبع و النشر و بيتم إنشائه من جديد بينمسح بسرعة، متل ما ذكرنا. استمرارك بإعادة إنشاء هيك محتوى بيعتبر تصرف مزعج.

المسح السريع

الصفحات ممكن تنمسح بدون نقاش إذا حققت واحد أو أكتر من معايير المسح السريع. المسح السريع هدفه إزالة الصفحات اللي بشكل واضح ما بتناسب ويكيبيديا و ما عندها فرصة تبقى بعد النقاش. لازم المسح السريع ينحصر بأوضح الحالات بس.

• وين تلاقيها: قائمة بكل الصفحات اللي عليها علامة للمسح السريع موجودة بـCategory:Candidates for speedy deletion.
• كيف تعملها: الإداريين بيقدرو يمسحو هيك صفحات مباشرة. المحررين التانيين بيقدرو يطلبو المسح السريع بإضافة قالب المسح السريع بأول الصفحة.
• إذا بتعارض: أي حدا مو منشئ الصفحة بيقدر يعترض على المسح السريع بإزالة إشعار المسح. إذا صفحتك الشخصية عليها طلب مسح سريع، فيك تحسن الصفحة أو تشرح السبب بصفحة النقاش. الصفحة لسا ممكن تنمسح إذا حققت معايير المسح السريع. إذا الصفحة انمسحت بسرعة و كان فيه نزاع إذا كان لازم تنمسح أو لأ، هالموضوع بينناقش بمراجعة المسح.
• إعادة الترشح: يا بتناسب الصفحة معايير المسح السريع يا لأ. إذا كان فيه نزاع إذا بتحقق المعايير، بالغالب الموضوع بينطرح بنقاشات المسح بدل من المسح مباشرة.

إقتراح المسح

المحرر اللي بيعتقد إنو صفحة معينة بشكل واضح و مو مثير للجدل ما بتناسب الموسوعة، ممكن يقترح مسحها. هيك صفحة ممكن تنمسح من أي إداري إذا بعد سبعة أيام ما اعترض حدا على المسح. إذا صار اعتراض أو نقاش مسح، الصفحة ما بتصير مؤهلة للمسح المقترح مرة تانية. هالعملية بتنطبق بس على نطاق المقالات الرئيسية و نطاق الملفات. التحويلات ما بتنطبق عليها المسح المقترح.

• وين تلاقيها: قائمة بكل الصفحات اللي عليها مسح مقترح موجودة بـCategory:Proposed deletion، و كمان بجدول ملخص تلقائي.
• كيف تعملها: عدل الصفحة و ضيف النص التالي بأعلى الصفحة: {{subst:prod|reason}}، و إذكور سببك بحقل "reason".
• إذا بتعارض: أي محرر معترض على المسح المقترح بيقدر ببساطة يشيل الوسم. حتى بعد مسح الصفحة، أي محرر بيقدر يطلب استرجاعها من أي إداري بمجرد الطلب. بالحالتين، من الأفضل تحسين المشكلة اللي كانت بالصفحة. و من الجيد كمان إضافة {{old prod}} بأعلى صفحة النقاش (أو تحت بنرات المشروع).
• إعادة الترشح: إذا المسح المقترح تعرض للاعتراض من أي حدا، ما بينطرح مرة تانية. إذا المحرر لسا شايف إنو لازم الصفحة تنمسح، بينطرح الموضوع بنقاش المسح.

إقتراح المسح لسير الناس العايشين

عملية المسح المقترح للمقالات المو موثقة بتطلب إنو كل السير عن الناس العايشين يكون فيها على الأقل مصدر واحد بأي شكل (كمراجع، روابط برانية، إلخ، سواء كانت موثوقة أو لأ). إذا ما توفر مصدر، المقالة بتنمسح بعد سبع أيام. هالعملية ما بتأثر على أي عملية مسح تانية.

نقاش المسح

الصفحات اللي ما بتندرج تحت التصنيفات التلاتة المذكورة فوق ممكن تنمسح بعد نقاش المجتمع بواحد من أماكن النقاش الخاصة بالمسح، و النتايج ممكن تتراجع بعدين بصفحة ويكيبيديا:مراجعة المسح (شوفها تحت). هالشي بيشمل المسح السريع المتنازع عليه أو المسح المقترح. بهالمكان المحررين اللي حابين يشاركو بيقدرو يعطو آرائون شو لازم يصير بالصفحة.

هالعمليات ما بتنحسم بعدد الأصوات، فكل مشارك لازم يشرح رأيو و يرجع للسياسات. النقاش بيضل مستمر عالأقل لمدة سبع أيام كاملة. إذا فيه توافق لمسح الصفحة، المسح بيتم بعدها من خلال إداري. الترشيحات اللي ما بتحصل على استجابات كافية بعد انتهاء فترة النقاش ممكن تتجدد إذا المحرر اللي أغلق النقاش شاف إنو الوقت الإضافي ممكن يجيب توافق أوضح.

ما بيكون مناسب تطلب من أشخاص برا ويكيبيديا يشاركو بالنقاش ليأثرو على النتيجة؛ تعليقات "الحشد الموجه" ممكن يتم تجاهلها. ما بتنمسح، بس ممكن تتعلم بـ {{spa}}، لتوضيح إنو المستخدم "ما عندو غير مساهمات قليلة أو شبه معدومة". بحالات متطرفة، النقاش حولين المسح ممكن يصير نص محمي.

كمان ما بيكون مناسب طلب المسح بسبب خلافات تحريرية. هيك خلافات ما بتنحل بمسح الصفحة كلها؛ لازم تستخدم طرق لحل الخلاف.

• وين تلاقيها: فيه عمليات منفصلة للمقالات، التصنيفات، الملفات، التحويلات، القوالب، و باقي الأشياء.
• كيف تعملها: اتبع التعليمات اللي فوق صفحة العملية المناسبة.
• إذا بتعارض: روح عصفحة العملية المناسبة و اشراح ليش ما بتوافق. لا تشيل العلامة عن الصفحة. للمزيد عن هالعملية، اقرا دليل المسح.
• إعادة الترشح: بعد ما ينتهي نقاش مسح و ما يكون فيه توافق أو التوافق لصالح الإبقاء، لازم تعطي وقت معقول قبل ترشيح نفس الصفحة للمسح مرة تانية، لتعطي المحررين فرصة يحسنو الصفحة. الترشيحات المتكررة بسرعة بعد النقاش الأول بالغالب بتنغلق بسرعة. ترشيح الصفحة أكتر من مرة عأمل الحصول على نتيجة مختلفة ممكن يكون مزعج.

مسح الصفحات

مسح صفحة بناءً على نقاش مسح لازم يتم بس لما يكون فيه توافق للمسح. بالتالي، إذا ما كان فيه توافق عام، الصفحة بتنحفظ و بتخضع للتعديلات العادية، الدمج، أو التحويل إذا كان مناسب. بحالات معينة، النقاشات اللي بتكون قليلة الحضور ممكن يتم التعامل معها كمسح مقترح (PRODs).

مسح السير الذاتية و صفحات الناس العايشين

النقاشات المتعلقة بمقالات السير الذاتية لشخصيات مو معروفة و مو عامة، لما يطلب الموضوع المسح و ما يكون فيه "توافق واضح للإبقاء"، ممكن تنغلق بالمسح. المقالات السيئة المصدر لشخصيات مو معروفة و مو عامة، لما النقاشات ما يكون فيها أي محرر بيعارض المسح، ممكن تنمسح بعد انتهاء النقاش. إذا نقاش مسح أي مقالة سيرة (سواءً لشخصية معروفة أو أقل شهرة) ما حصل على تعليقات كافية من غير المرشح، المحرر اللي بيغلق النقاش ممكن يتعامل مع الترشيح كـ PROD.

مسح المسودات

إذا المقالة ما كانت مقبولة بالمجال الرئيسي، ممكن تنتقل لمجال المسودات؛ و إذا بقيت هنيك بدون شغل عليها لمدة ست شهور، بتصير مؤهلة للمسح السريع.

مراجعة المسح

إذا كنت بتعتقد إنو صفحة انمسحت بالغلط، أو كان لازم تنمسح و ما انمسحت، أو إنو نقاش المسح كان مغلق بطريقة مو صحيحة، لازم تناقش هالشي مع الشخص اللي نفذ المسح، أو اللي أغلق النقاش، بصفحة نقاشه. إذا ما انحل الموضوع، ممكن تطلب مراجعة إغلاق النقاش بويكيبيديا:مراجعة المسح.

إذا صفحة انمسحت بوضوح "برى العملية" (حسب هالسياسة)، الإداري ممكن يقرر يستعيدها فوراً. بهيك حالة، الإداري اللي مسح الصفحة لازم ينعلم. مع هيك، الاستعادة بدون توافق ممكن تعتبر مزعجة، فلازم تتم بحذر.

إذا مقالة انمسحت لأنها كانت بدون محتوى أو فيها محتوى مو مناسب (و هالشي بينطبق عأغلب المسح السريع) و بدك تنشئ مقالة أحسن عن نفس الموضوع، ممكن تبلش فيها فوراً بدون ما تحتاج مراجعة. مو مفيد تطلب مراجعة المسح بمقالة قصيرة مو موثقة لما يكون البديل إنك تعمل مقالة موثقة موجود.

عملية مراجعة المسح ما بتنحسم بعدد الأصوات بل بالتوافق. المراجعة بالعادة بتاخد سبع أيام، و أحياناً أكتر إذا النتيجة ما كانت واضحة.

المسح اللي بيتم إلغاؤه ممكن يرجع لنقاش المسح إذا حدا لسا بده يمسح و قرر يرشح.

• وين تلاقيها: ويكيبيديا:مراجعة المسح
• كيف تعملها: اتبع التعليمات اللي فوق الصفحة.
• إذا بتعارض: روح عصفحة المراجعة و اشراح ليش ما بتوافق.
• إعادة الترشح: متل نقاشات المسح، لازم يمر وقت معين بين طلبات المراجعة المتكررة، و هالطلبات لازم تكون مدروسة حسب السياسة. الترشيحات الجديدة بدون حجج جديدة أو أدلة جديدة بالغالب بتنغلق بسرعة.

الاستعادة

بحالة الصفحات اللي انمسحت بقرارات مختصرة و بدون ما تمر بنقاشات المجتمع، ممكن طلب استعادتها بويكيبيديا:طلبات الاستعادة. هالطلبات بتخدم وظيفتين رئيسيتين: استعادة المحتوى المحذوف بدون نقاش، و نقل المحتوى لصفحة مستخدم إذا كان مو مناسب للاستعادة. طلبات الاستعادة لازم تنعمل لمعظم حالات المسح المقترح و شوي من المسح السريع. مع هسك، الطعون على نتائج نقاشات المسح و مواضيع المسح التانية اللي بتحتاج مراجعة المجتمع لازم تنعمل بويكيبيديا:مراجعة المسح. انتبه إنو الصفحات المستعادة للمجال الرئيسي ممكن فوراً تخضع لنقاش مسح.

• وين تلاقيها: ويكيبيديا:طلبات الاستعادة
• كيف تعملها: اتبع التعليمات اللي فوق الصفحة.
• إذا بتعارض: خود الموضوع لويكيبيديا:مراجعة المسح
• إعادة الترشح: بعكس نقاشات المسح، ما فيه فترة انتظار مقترحة بين الطلبات، بس الطلبات اللي تم رفضها ما لازم تنعاد إلا إذا تغيرت الظروف متل أعراف الاستعادة أو دافع الاستعادة.

التفاعل مع العمليات

• المواضيع اللي موجودة بالعملية الغلط (متل قوالب بصفحة مسح المقالات) ببساطة بتنقل للمكان الصحيح.
• الصفحة اللي بنقاش مراجعة المسح ما لازم تنضاف لصفحة نقاش المسح لحتى ينتهي المراجعة، و الصفحة اللي بنقاش المسح ما لازم تنضاف لصفحة مراجعة المسح إلا لما ينتهي النقاش.
• نقاش المسح بيتفوق على المسح المقترح، يعني لو الصفحة كانت مدرجة بكلا العمليتين، الأولوية لنقاش المسح.
• الصفحات اللي بتطابق معايير المسح السريع ممكن تنمسح بغض النظر عن الظروف التانية. إذا كانت الصفحة بنقاش مسح و انمسحت سريعاً، النقاش بينغلق.
• إذا كان فيه شك إنو الصفحة قابلة للمسح السريع أو لا، نقاش المسح بياخد الأولوية. عملياً، هالشي يعني إنو الصفحة اللي كان عليها نقاش مسح و النتيجة كانت "احتفاظ" أو "ما في توافق" ما لازم تنمسح سريعاً، مع إنو بعض المعايير بتكون مستثناة من هالقاعدة.
• الصفحات اللي بتخالف حقوق الطبع و النشر ممكن تنمسح بغض النظر عن الظروف أو النقاش السابق.

مواضيع تانية

الوصول للصفحات المحذوفة

الصفحات المحذوفة بتظهر هيك للإداريين

بسبب إنو كتير مقالات محذوفة فيها مواد تشهيرية أو قانونياً مشكوك فيها، الصفحات المحذوفة ما مسموح تنشاف بشكل عام. بس، هي بتضل موجودة بالقاعدة (عالاقل بشكل مؤقت) و ممكن الوصول إلها من الإداريين مع سجل تعديلاتها، إلا إذا تم استخدام ميزة الإخفاء (Oversight) اللي بتمسح المعلومات بشكل دايم حتى من الإداريين. أي مستخدم عندو سبب حقيقي ليشوف نسخة من صفحة محذوفة ممكن يطلب مراجعة مؤقتة (أو ببساطة يطلب من إداري يزوده بنسخة). ملاحظة: هالطلبات بالغالب بتنرفض إذا كان المحتوى انمسح لأسباب قانونية (متل التشهير أو انتهاك حقوق النشر)، أو إذا ما كان فيه سبب مقنع للطلب.

الإخفاء المجامل لمحتوى صفحات النقاش أو نقاشات المسح

من وقت للتاني، النقاش ممكن يتم إخفاء محتواه بناءً على تقدير المجتمع، إداري، أو مسؤول تاني. بالعادة ما بيتم هالشي إلا بحالات نادرة، متل لما يكون النقاش ممكن يسبب ضرر لشخص أو مؤسسة. لحتى نتجنب ظهور هيك نص بالإصدارات الأخيرة و بالتالي فهرسته بمحركات البحث، النقاش بينمسح بشكل مجامل. لنقاشات المسح، كل النقاش ممكن يتبدل بقالب {{xfd-privacy}}. لما ينضاف الإخفاء المجامل أو قالب الإخفاء، المحتوى الفعلي بيبقى متاح من خلال سجل التعديلات. بحالات أكتر جدية، ممكن مسح كل تاريخ الصفحة. الإخفاء المجامل، مسح التاريخ، أو الإخفاء النهائي (Oversighting) لازم يكونو نادرين، و يتمو بعد دراسة متأنية.

أحياناً، الصفحات بمجال المشروع، متل طلبات الإداريين أو طلبات التحكيم، بتنمسح مجاملةً لأسباب مشابهة.

• كيف تعمل هالشي: امساح كل النص من الصفحة الفرعية و ضيف {{subst:Courtesy blanked}}؛ لنقاشات المسح، استخدم {{subst:xfd-privacy|article|result}} مع المعطيات الصحيحة.

مسح التعديلات

ممكن نمسح بعض أجزاء تاريخ الصفحة، و بنفس الوقت نترك النسخة الحالية من الصفحة موجودة، بحيث ما ينتبه القُراء إنو فيه مسح جزئي (إلا إذا حاولو يفتحو نسخة قديمة محذوفة من الصفحة). الإداريين عندون وصول لأداة مسح التعديلات (Revision Deletion) اللي بتسمحلون يشيلو تعديلات معينة قديمة للصفحة (و/أو ملخصات التعديلات أو أسماء المستخدمين). سياسة مسح التعديلات بتغطي الظروف اللي بيكون مسموح فيها استخدام الأداة.

مسح التعديلات استبدل الطريقة القديمة بالمسح الانتقائي، اللي كانت بتتطلب مسح الصفحة كاملة و بعدين استعادة التعديلات بشكل انتقائي. مع إنو المسح الانتقائي لسا عندو استخدامات معينة ما بتغطيها أداة مسح التعديلات (متل دمج التاريخ المعقد)، بس بسبب شفافيتو المحدودة و كفاءتو الضعيفة، المسح الانتقائي ما عاد يُستخدم لمسح التعديلات من تاريخ الصفحات.