Wp/apc/ويكيبيديا:إقتراح المسح

noborder

هيدي الصفحة هي صفحة سياسة رسمية و معتمدة بويكيبيديا شامي.

السياسة بتشرح القواعد و الشروط اللى لازم كل اللى بيضيف أو يعدل بويكيپيديا شامي يتبعها, السياسات بتصير رسمية بعد مناقشة و اتفاق عليها و ممكن تتعدل أو تنلغى بنفس الطريقة.

إقتراح المسح (PROD) هو طريقة لاقتراح مسح مقال أو ملف بشكل مو مثير للجدل. هي طريقة أسهل لمسح المقالات أو الملفات مقارنةً بعملية مسح المقالات (AfD) أو الملفات للمناقشة (FfD)، و بتكون مخصصة للاقتراحات اللي ما فيها تعقيدات و ما بتتوافق مع المعايير الصارمة للمسح السريع.

لازم يتم استخدام PROD بس إذا ما كان متوقع يكون فيه اعتراض على المسح. ما بصير يتم استخدامه بنفس الوقت مع نقاش المسح (AfD أو FfD)، و لازم يتم وضعه على الصفحة مرة وحدة بس. أي محرر (بما فيون منشئ المقالة أو اللي رفع الملف) بيقدر يعترض على المسح بكل بساطة بإزالة العلامة؛ و بهالحالة بيتم إلغاء المسح المقترح عبر PROD نهائياً.

الصفحة اللي بتنترشح بتنحط عليها العلامة لمدة ما بتقل عن سبع أيام. إذا ما حدا اعترض خلال هالمدة، بيجي مشرف مو مشارك بهالموضوع و بيراجع الصفحة و يا إما بيمسحها أو بيشيل علامة PROD. أي اعتراض بيوقف عملية PROD فوراً، و أي حدا بيقدر يعترض طالما علامة PROD موجودة. و حتى بعد ما يتم مسح الصفحة، أي حدا بيقدر يطلب استعادة المقالة أو الملف اللي تم عليه المسح المقترح من خلال طلب لاستعادة الصفحة.

PROD بيتم استخدامه مرة وحدة بس: ما بصير يتطبق على الصفحات اللي كانت عليها علامة PROD قبل أو اللي تم مناقشتها قبل هيكبـ AfD أو FfD. بحالة خاصة بخصوص السير الذاتية للناس العايشين (BLPPROD): إذا تم إزالة علامة BLPPROD، لسا ممكن يتم استخدام PROD من خلال الطريقة المشروحة هون.

PROD بينطبق بس على صفحات ضمن النطاق الرئيسي (باستثناء التحويلات) و الملفات اللي ما بتكون على Commons. المسح المقترح ما بينطبق على التحويلات، صفحات المستخدمين، المسودات، القوالب، التصنيفات، أو الصفحات بأي نطاق تاني. في تلات خطوات لعملية PROD:

1. لترشيح صفحة، بتحط العلامة {{subst:Proposed deletion|reason=السبب للمسح المقترح}} على أعلى الصفحة. هالعلامة بتحول تلقائياً لـ {{proposed deletion/dated}} اللي بتدرج الصفحة ضمن تصنيف:المسح المقترح. لازم تبلغ منشئ المقالة أو المساهمين الأساسيين فيها بإضافة العلامة {{subst:Proposed deletion notify|اسم الصفحة}} أو نص مناسب تاني على صفحات نقاش المساهمين.
2. إذا أي حدا اعترض على المسح (بالعادة بإزالة علامة {{proposed deletion/dated}} - شوف التعليمات الكاملة تحت)، الاقتراح بيتوقف و ما بصير يتم إعادة اقتراحه.
3. الصفحة بتتراجع و بعدين بينمسحها مشرف بعد سبع أيام من الترشيح (أو بأي وقت بعد السبعة أيام إذا المشرف راجع الصفحة). إذا المشرف اللي راجع ما وافق على المسح، بيقدر يشيل علامة PROD بدل ما يمسح الصفحة. ممكن استرجاع الصفحة بناءً على طلب.

ترشيح

قبل الترشيح

1. فيه سبب منطقي للمسح؟ بالنسبة للمقالات، فكّر ببدائل المسح متل تحسين الصفحة، دمجها، أو تحويلها. إذا كان الملف بيطابق متطلبات نطاق و رخصة ويكيميديا كومنز، فكّر بنقله لهنيك.
2. راجع سجل الصفحة لتتأكد إنو ما انعمل عليها تخريب من قريب.
3. إتأكد إنو الصفحة مؤهلة لمسح مقترح من خلال:
   • ما انعمل اقتراح مسح عليها من قبل.
   • ما انمسحت و بعدين إترجع.
   • و ما عم تكون هلق بنقاش، أو كانت بنقاش سابق بـ AfD/FfD.
4. فكّر إذا في بدائل للمسح ممكن تكون أفضل من المسح النهائي.
5. ملاحظة: بس المقالات، القوائم، صفحات التوضيح، و صفحات الملفات اللي مستضافة على ويكيبيديا (مو على كومنز) بتقدر تنمسح باستخدام عملية المسح المقترح.

وقت الترشيح

1. ضيف قالب {{proposed deletion}} بأول الصفحة لحتى ترشحها، وقدم سبب واضح وغير عام، متل هي:

   {{subst:Proposed deletion|concern=السبب اللي عم تخلي الصفحة مرشحة للمسح}}

   بالنسبة للمقالات، من الأفضل تحدد المجال العام للمقالة أو شو هي معايير الأهمية اللي ما عم تحققها.

2. قدم ملخص تعديل واضح بيوضح إنو الصفحة مرشحة للمسح. لا تحط التعديل كـ "صغير".
3. فكّر بإضافة علامة {{Old prod}} لصفحة النقاش.
4. فكّر بإضافة الصفحة على قائمة المراقبة تبعك.
5. من الأفضل تبعت رسالة لمؤلف المقالة أو للمساهمين الرئيسيين فيها على صفحة النقاش تبعون تخبرون بترشيح المسح. هاد ممكن يصير عن طريق إضافة قالب {{subst:Proposed deletion notify|اسم الصفحة}} أو نص مناسب.

إذا استخدمت القالب فوق، ما فيه داعي تضيف عنوان للقسم، القالب بيعمل هالشي لحاله. Twinkle عندو خيار (و ممكن تضبطه كإعداد افتراضي) ليخبر مؤلف الصفحة.

لتأييد المسح المقترح

إذا شفت علامة {{prod}} على مقالة، و بتأيد مسحها، فكّر تأيد المسح باستخدام قالب {{prod2}}. القالب بينضاف على السطر اللي بعد {{prod}}، و بتقدر تضيف تعليق اختياري إذا بدك:

{{prod2|الأهمية بالغالب مأخودة من تفاعله مع Stardust Crusaders، و بحث بالمصادر الثانوية ما قدر يلاقي أي ذكر لأبحاثو عن الـ Stands.}}

ما لازم يتم SUBST لهالقالب. التصنيف: المسح المقترح المؤيد بيجمع الصفحات اللي تم اقتراح مسحها من أكتر من محرر.

الاعتراض

لحتى تعترض و بالتالي تمنع المسح المقترح بشكل دايم، شيل علامة {{proposed deletion/dated}} من المقالة أو علامة {{proposed deletion/dated files}} من الملف. يفضل، بس مو مطلوب، إنك كمان:

1. توضح ليش ما بتتفق مع المسح المقترح، يا إما بملخص التعديل أو بصفحة النقاش (فيك تستخدم معلمة conreason بقالب {{Old prod}} لهالغاية).
2. تخبر المحررين اللي حطوا علامة المسح أو أيدوها، من خلال إضافة قالب {{subst:Wp/apc/Deprod}} بصفحة نقاش المستخدم تبعهم.
3. تضيف أو تعدل قالب {{Old prod}} بصفحة النقاش تبع المقالة، لحتى تمنع إعادة ترشيحها للمسح المقترح. رح يتم إدراجها بعدين بتصنيف: مرشحين سابقين للمسح المقترح لتتبعهم.
4. تحسن الصفحة لتعالج المشاكل اللي انطرحت.

إذا أي حدا شال علامة المسح المقترح من صفحة أو أبدى اعتراضه، المسح المقترح بيتكنسل. هالشي بينطبق إذا كان الاعتراض من مؤلف المقالة أو حتى إذا شال العلامة بشكل واضح بحسن نية. إذا نية المحرر مو واضحة، المفروض نفترض إنو فيه اعتراض. الإزالات اللي ما بتعتبر اعتراض واضح على المسح، متل تفريغ الصفحة أو التخريب الواضح، ممكن نرجع العلامة. كمان، العلامة ممكن نرجعها إذا شالها مستخدم موقوف أو مستخدم محظور عم يتحايل على الحظر. بعد ما يتكنسل المسح المقترح، إذا لساتك بتعتقد إنو لازم الصفحة تنمسح، أو إنو النقاش ضروري، فيك ترشحها على مقالات للنقاش أو ملفات للنقاش.

إذا الصفحة كانت محذوفة قبل هيك، فيك تروح على طلبات لإعادة الاسترجاع. أي صفحة انمسحت كنتيجة لمسح مقترح ممكن تسترجع إذا طلبت (إلا إذا كان فيه أسباب تانية تخليها تبقى محذوفة، متل انتهاك حقوق النشر)، بس ممكن يتم ترشيحها للنقاش حول المسح مرة تانية. الشخص اللي بيطلب الاسترجاع لازم يلتزم بشروط الاستخدام تبع مؤسسة ويكيميديا (خصوصي بموضوع الإفصاح عن المساهمات المدفوعة المطلوبة).

الترجيع أو التحقق

الصفحات اللي تم اقتراح مسحها موجودة ضمن التصنيفات الفرعية لتصنيف:اقتراح المسح حسب تاريخ الوسم. أي محرر فيه يتفقد التصنيف ليتأكد إنو الصفحات تم ترشيحها صح، و يا إما يدعم الاقتراح (PROD) عن طريق إضافة {{Prod2}} أو يشيل قالب الاقتراح. إنت مشجّع تعطي شرح كلما دعمت أو شلت الاقتراح. فيك تستخدم ملخص التعديل أو صفحة النقاش لهالشي، أو الاتنين. ويكيبيديا:مشروع ويكي اقتراح المسح و الترجيع فيه عنده معلومات إضافية عن كيفية التحقق من الاقتراحات.

الصفحات اللي تم وسمها لمدة سبع أيام على الأقل موجودة ضمن تصنيف:اقتراحات المسح المنتهية. المدرا لازم يتفقدو الصفحات بهالتصنيف، و يتبعو نصايح المسح المذكورة تحت.

إجراءات للأدمنية

المسح

قبل ما يتم المسح، لازم المشرفين يتفقدو الصفحة، تاريخها، و سجل المسح ليتأكدو من الجاي:

1. ملخص تعديل الشخص اللي رشّح المسح ذكر إنو الصفحة تم اقتراح مسحها.
2. قالب {{اقتراح المسح}} كان موجود على الصفحة لمدة 7 أيام متواصلة على الأقل (يعني 168 ساعة).
3. ما فيه اعتراضات على صفحة النقاش.
4. الصفحة مؤهلة للاقتراح المسح: يعني الصفحة مو تحويلة، ولا تم اقتراحها قبل هيم للمسح، و لا تم استرجاعها، و لا كانت جزء من نقاش مسح.

إذا قررت تمسح الصفحة، قدم سبب مسح واضح، متل السبب اللي ذكره الشخص اللي رشّح المسح أو المحرر اللي وضّح سبب الترشيح – مو بس "prod انتهى". خليك واعي إنو بعد ما تنمسح الصفحة، السبب اللي تم ذكره في {{اقتراح المسح}} بيصير بمتناول الإداريين بس. إذا كنت عم تستخدم سكربت آلي، إتأكد إنو بيترك رسالة كافية. لضمان الحكم المستقل، لازم ما يكون نفس الشخص اللي حط وسم {{اقتراح المسح}} هو اللي بيمسح الصفحة. بعد ما تمسح الصفحة وصفحة نقاشها، يُستحسن إنك تتحقق من روابط الصفحة لحتى تشوف إذا فيه روابط إعادة توجيه لازم يتم مسحها. كمان، فكّر بإلغاء الروابط الواردة من صفحات تانية (إلا إذا كانت نقاشات، أرشيفات، أو صفحات تتبع)، و لازم تنشال كل المدخلات إذا كان فيه مخاوف تتعلق بالشهرة.

إذا مسحت ملف بسبب مشاكل بالترخيص رح تختفي مع مرور الوقت (مثلاً، إذا صار الملف ملك عام فبي الولايات المتحدة) و إذا كنت عارف التاريخ اللي رح يصير فيه، فضلاً أدرج الملف ضمن تصنيف:انتهاء حقوق الطبع و النشر بالمستقبل.

إذا قررت ما تمسح الصفحة، فكّر بتعديلها لحتى تتعامل مع المشاكل اللي تم الإشارة إلها، أو رشّح الصفحة لنقاش مسح. لازم توثق إنو تم الاعتراض عليها مع {{Old prod}} بصفحة النقاش.

استرجاع

الإداري ممكن يقرر يرجع صفحة تم مسحها بعد اقتراح المسح بدون ما يحتاج يقدّم طلب بطلبات الاسترجاع.

اقتراح المسح لسير العايشين

كل السير الذاتية للناس العايشين (BLP) لازم يكون فيها على الأقل مصدر واحد بيدعم معلومة عن الشخص، و إذا ما كان فيه، ممكن يتم اقتراح مسحها. وسم {{Prod blp/dated}} ما بيقدر ينشال إلا إذا تم إضافة مصدر موثوق، و إذا ما توفر المصدر خلال سبع أيام، المقالة ممكن تنمسح. هيدا الشي ما بيأثر على عملية المسح العادية، و اللي ممكن تظل مستخدمة على سير العايشين، بما فيها السير اللي تم إزالة قالب المسح منها بطريقة شرعية.