الإرشاد هو معيار مقبول بالعموم، و لازم كل المحررين يتبعو بالاعتماد على الحس السليم، مع العلم إنو الإرشادات ما بتندرج تحت بند السياسات.
تحرير تضارب المصالح (Conflict of Interest - COI) بيعني المساهمة بويكيبيديا عن نفسك، أو عيلتك، أو أصدقائك، أو زباينك، أو أصحاب عملك، أو عن علاقاتك المالية و غير المالية. أي علاقة برانية ممكن تسبب تضارب مصالح. وجود تضارب مصالح عند شخص هو وصف لحالة، مو حكم على آراء هالشخص أو نزاهته أو حسن نيته.
تحرير تضارب المصالح مرفوض بشدة بويكيبيديا. هالشي بيضعف ثقة الناس و ممكن يسبب إحراج علني للأشخاص أو الشركات اللي عم يتم الترويج إلهون. المحررين اللي عند ون تضارب مصالح أحياناً ما بيكونو عارفين إذا هالشي أو قدّي أثّر على تحريراتون. إذا إتسبب تحرير تضارب المصالح بمشاكل، ممكن المسؤولين يقررو يحظرو الحسابات المشتركة بهالقصة.
المحررين اللي عندون تضارب مصالح، بما فيون المحررين اللي بياخدو أجر، لازم يصرحو بهالشي لما بدون يغيرو بمحتوى مقال معين. أي شخص عم يحرر مقابل أجر لازم يوضح مين عم يدفعله، مين الزبون، و أي علاقة مرتبطة بالموضوع؛ هالشي مطلب من مؤسسة ويكيميديا. المحررين اللي عندون تضارب مصالح ممنوعين بشدة من تحرير المقالات المتأثرة بشكل مباشر، و بيقدرو يقترحو تغييرات على صفحات النقاش تبع المقالات بدل من هيك. و مع هيك، سياساتنا المتعلقة بالناس العايشين بتسمح بتصحيح الأخطاء الواضحة بسرعة، حتى لو كان من الشخص المعني نفسه.
وقت التحقيق بتحرير تضارب المصالح، ممنوع تكشف هوية المحررين إذا ما كانو بدن. سياسة ويكيبيديا ضد التحرش، و خصوصاً الحظر على كشف المعلومات الشخصية، إلها الأولوية على هالدليل الإرشادي. للإبلاغ عن تحرير تضارب المصالح، اتبع النصايح الموجودة تحت عنوان "كيف تتعامل مع تضارب المصالح". المحررين اللي عم يغيرو أو يناقشو تغييرات بهالدليل الإرشادي أو غيرو لازم يصرحو إذا كانو عم يحررو مقابل أجر.
بما إنها موسوعة، مهمّة ويكيبيديا هي تقديم مقالات للجمهور تلخص المعرفة المقبولة، مكتوبة بشكل حيادي و معتمدة على مصادر موثوقة. القُرّاء بيِتوقّعو يلاقو مقالات حيادية مكتوبة بشكل مستقل عن موضوعها، مو صفحات شخصية أو ترويجية أو منصات للإعلانات و التسويق الذاتي. المقالات لازم تحتوي بس على مواد متوافقة مع سياسات المحتوى الخاصة بويكيبيديا و أفضل الممارسات المتبعة، و لازم المشاركين يحطو مصلحة الموسوعة و قرّاءها فوق أي مصالح شخصية.
المحررين اللي عندون تضارب مصالح لازم يتبعو سياسات ويكيبيديا و أفضل الممارسات بدقة:
لازم تصرح بتضارب المصالح تبعك إذا كنت مشترك بمقالات متأثرة.
ممنوع بشدة تعدّل المقالات المتأثرة بشكل مباشر.
ممكن تقترح تغييرات بصفحات النقاش (باستخدام القالب {{edit COI}})، لحتى يتم مراجعتها من باقي المحررين.
لازم تقدم المقالات الجديدة من خلال عملية Articles for Creation (AfC) بدل ما تنشئها بشكل مباشر.
ما لازم تشتغل كمراجع للمقالات المتأثرة بـ AfC أو دوريات الصفحات الجديدة أو بأي مكان تاني.
لازم تحترم باقي المحررين و تحافظ على النقاشات قصيرة و واضحة.
لازم تعرف إنو ما حدا بويكيبيديا بيتحكم بالمقالات. إذا كانت ويكيبيديا بتستضيف مقال عنك أو عن مؤسستك، ممكن الغير يضيفو معلومات ممكن تكون مو معروفة لولا هيك. و كمان، ممكن يقررو يحذفو المقال أو يحتفظو فيه إذا طلبت حذفه بعدين. الإعلام أحياناً بيتناول قضايا الشركات اللي بتتدخل بتحرير تضارب المصالح بويكيبيديا، و اللي بالغالب بينتهي بإحراج للشركات المعنية.
التحرير مقابل أجر هو شكل من أشكال تضارب المصالح المالي؛ لأنو بيحط المحرر المدفوع بتضارب بين أهداف صاحب العمل و أهداف ويكيبيديا. النوع اللي بيهم مجتمع ويكيبيديا أكتر هو التحرير اللي بيتم استخدامه لأغراض العلاقات العامة و التسويق. هالنوع أحياناً بينقال عنه "التأييد المدفوع"، و بيعتبر مشكلة لأنو بالغالب بيعكس مصالح العميل أو صاحب العمل.
بشكل عام، أي محرر عندو تضارب مصالح مالي لما يكتب عن موضوع عندو علاقة مالية مباشرة فيه، متل إنو يكون مالك، موظف، متعاقد، مستثمر، أو أي صاحب مصلحة تاني.
مؤسسة ويكيميديا بتطلب التصريح عن أي تحرير مدفوع. و كمان، السياسة العالمية بتطلب إنو (إذا كان مطبّق) تحط روابط على صفحة المستخدم تبعك لكل الحسابات النشطة على مواقع برانية بتستخدمها للترويج أو طلب أو الحصول على تحرير مقابل أجر. إذا كنت عم تستلم أو متوقع تستلم تعويض (مصاري، بضايع، أو خدمات) مقابل مساهماتك بويكيبيديا، السياسة على ويكيبيديا بتقول:
لازم تصرّح مين اللي عم يدفعلك، و باسم مين عم يتم هالتعديلات، و أي علاقة مرتبطة بالموضوع.
لازم تعمل التصريح على صفحة المستخدم تبعك، بصفحات النقاش المتأثرة، و بأي مكان بتناقش فيه الموضوع.
ممنوع بشدة تعدّل المقالات المتأثرة بشكل مباشر.
ممكن تقترح تغييرات بصفحات النقاش باستخدام القالب {{edit COI}} لحتى يتم مراجعتها.
لازم تقدم المقالات الجديدة من خلال عملية Articles for Creation (AfC) بدل ما تنشئها مباشرة.
ما لازم تشتغل كمراجع للمقالات المتأثرة بـ AfC أو بدوريات الصفحات الجديدة أو بأي مكان تاني.
لازم تحترم المتطوعين و تحافظ على النقاشات قصيرة و واضحة.
التعديلات المطلوبة بتنطبق عليها نفس المعايير متل أي تعديلات تانية، و المحررين ممكن يرفضو تنفيذها. دليل طلبات تعديل تضارب المصالح الفعّالة بيقدم نصايح بهالموضوع. لتلاقي صفحة النقاش تبع المقال، اضغط على زر "نقاش" بأعلى المقال. إذا عندك أسئلة. إذا كنت مسؤول، ممنوع تستخدم الأدوات الإدارية بأي نشاط تحرير مدفوع (إلا إذا كان متعلق بعملك كمقيم ويكيميدي، أو كشخص مدفوع من مؤسسة ويكيميديا أو واحد من فروعها).
شروط استخدام مؤسسة ويكيميديا بتطلب من المحررين اللي عم يتم دفع أجر إل ون مقابل مساهمات ون إنو يصرحو عن: صاحب العمل (الشخص أو المنظمة اللي عم يدفعو مقابل التعديلات)، العميل (الشخص أو المنظمة اللي التعديلات عم تنعمل باسمهم)، أي علاقة مرتبطة تانية. هالشي هو السياسة المعتمدة بويكيبيديا.
إذا حابب تذكر تعارض المصالح عالصفحة الشخصية تبعك، فيك تستخدم قالب {{UserboxCOI}}: قالب UserboxCOI مثال لعرض كشف عن تعارض المصالح.
عدل المصدر بصفحتك الشخصية و اكتب {{UserboxCOI|1=اسم مقالة ويكيبيديا}}، بعدين اضغط "احفظ".
كمان، إذا إنت قدمت تغييرات كبيرة أو ممكن تكون مثيرة للجدل لمقالة متأثرة، فيك تستخدم قالب {{edit COI}}. حط هالقالب تحت صفحة النقاش و اكتب اقتراحك تحتها (و إتأكد توقّعها بأربع تيلدات، ~~~~. إذا الاقتراح كان قابل للتحقق و مناسب، بالغالب رح يتم قبوله. إذا تم رفضه، المحرر يلي رفضه بالغالب رح يضيف تفسير تحت مدخلك.
إذا إنت عم تاخد أجر مقابل مساهماتك بويكيبيديا، لازم تكشف مين عم يدفعلك، مين العميل، و أي علاقة أو دور تاني إلو صلة. ممكن تعمل هالشي عالصفحة الشخصية تبعك، عالصفحة النقاش للمقالات المتأثرة، أو بملخصات التعديلات تبعك. بما إنو عندك تعارض مصالح، لازم تتأكد إنو الكل يلي عم تتعامل مع ون يعرفو عن حالتك المدفوعة، بكل النقاشات عصفحات ويكيبيديا ضمن أي مساحة أسماء. إذا حابب تستخدم قالب لعرض تعارض المصالح عصفحة نقاش، حط {{connected contributor (paid)}} فوق الصفحة، عبّي المعلومات متل يلي جاي و احفظ:
{{Connected contributor (paid)|User1=اسم مستخدم المحرر المدفوع|U1-employer=اسم الشخص أو المنظمة يلي عم تدفع مقابل التعديلات|U1-client=اسم العميل|U1-otherlinks=حط رابط للإفصاح عصفحتك الشخصية.}}
الموظف هو يلي عم يدفعلك لتكون مشارك بالمقالة (مثلًا شركة علاقات عامة). العميل هو يلي عم يتم الدفع باسمه (بالعادة بيكون هو موضوع المقالة). إذا كان الموظف و العميل نفس الكيان (يعني إذا شركة أكمي عم تدفعلك لتكتب عن شركة أكمي)، فيك تترك خانة العميل فاضية. شوف قالب {{connected contributor (paid)}} لمزيد من المعلومات. انتبه إنو المحررين التانيين ممكن يضيفو هالقالب إلك. التعديل المدفوع بدون هالإفصاح بنسميه "التعديل المدفوع المو مكشوف" (UPE).
مطلوب منك تحتفظ بقائمة مرئية بوضوح عن مساهماتك المدفوعة عالصفحة الشخصية تبعك. إذا كنت عم تروج أو تطلب أو تحصل على شغل تعديل مدفوع عبر حسابات على مواقع برانية، لازم توفر روابط لهالحسابات عالصفحة الشخصية تبعك.
إذا اقترحت تغييرات لمقالة متأثرة، فيك تستخدم قالب {{edit COI}}. حطه عصفحة النقاش و قدم اقتراحك تحت القالب.
استخدام أدوات إدارية كجزء من أي نشاط تعديل مدفوع، إلا إذا كنت "ويكيبيدي بالإقامة" أو إذا تم الدفع من مؤسسة ويكيميديا أو واحد من فروعها، يُعتبر إساءة استخدام خطيرة و بالغالب رح يأدي لعقوبات أو إزالة الأدوات.
وقت المحرر يشتغل عويكيبيديا، الدور الأساسي تبعه هو إنو يعزز مصلحة الموسوعة. بس إذا كان فيه دور أو علاقة برانية ممكن بشكل منطقي تتعارض مع هالدور الأساسي، وقتها بيكون عند المحرر تضارب مصالح، متل لما دور القاضي الأساسي كحَكَم حيادي بيتأثر إذا كان متجوز واحد من الأطراف.
أي علاقة برانية - سواء كانت شخصية، دينية، سياسية، أكاديمية، قانونية، أو مالية (بما فيها حيازة عملة رقمية) - ممكن تسبب تعارض مصالح. مدى قرب العلاقة اللازمة لتصير مشكلة عويكيبيديا بيعتمد عالعقلانية. مثلًا، مقالة عن فرقة ما لازم يكتبها مدير الفرقة، و السيرة الذاتية ما لازم تكون مكتوبة من الشخص نفسه أو مرته. ممكن يصير فيه تضارب مصالح لما واحد يكتب لصالح منافس أو معارض لموضوع الصفحة، متل ما بيصير لما يكتب لصالح موضوع الصفحة نفسه.
الخبرا بمجالات معينة (SMEs) مرحب فيون عويكيبيديا ضمن مجالات خبرتون، بشرط إن ون يلتزمو بالتوجيهات المتعلقة بتضارب المصالح المالي و بالاستشهاد بشغلون. مطلوب من الخبرا يتأكدو إنو أدوارون و علاقاتون البرانية بمجال خبرتون ما بتتعارض مع دورون الأساسي عويكيبيديا.
تحديد إنو شخص عنده تضارب مصالح هو وصف لحالة معينة، مو حكم عحالة الشخص النفسية أو نزاهته. ممكن يكون فيه تضارب مصالح بدون ما يكون فيه تحيّز، و التحيّز ممكن يكون موجود بدون تضارب مصالح. المعتقدات و الرغبات ممكن تأدي لتحرير متحيّز، بس هالشي ما بيعني إنو فيه تضارب مصالح. تضارب المصالح بيظهر من الأدوار و العلاقات تبع المحرر، و الميل للتحيّز يلي نفترض وجوده وقت هالأدوار و العلاقات بتتعارض.
عويكيبيديا، المحررين يلي عندون تضارب مصالح و بيضيفو مواد من نفسون بالغالب بينتهكو سياسات و إرشادات المحتوى و السلوك بويكيبيديا. المحتوى يلي بيضيفوه بالغالب ما بيكون بدون مصادر أو بمصادر ضعيفة، و بالعادة بينتهك سياسة وجهة النظر الحيادية لأنو بيكون ترويجي و بيخفي المعلومات السلبية. ممكن يعملو حروب تحريرية ليحافظو عالمحتوى يلي بيخدم مصالحون البرانية. ممكن يفرطو باستخدام المصادر الأولية أو المصادر المو مستقلة، و ممكن يعطو أهمية كبيرة لأفكار معينة.
تضارب المصالح الفعلي بيصير لما المحرر عندو تضارب مصالح متعلق بحكم معين و بيكون بموقف لازم يمارس فيه هالحكم.
مثال: صاحب عمل عندو تضارب مصالح فعلي إذا عدّل مقالات أو شارك بنقاشات عن هالعمل.
تضارب المصالح المحتمل بيصير لما المحرر عندو تضارب مصالح متعلق بحكم معين بس ما بيكون بموقف لازم يمارس فيه هالحكم.
مثال: صاحب عمل عندو تضارب مصالح محتمل بالنسبة لمقالات و نقاشات عن هالعمل، بس ما عندو تضارب مصالح فعلي إذا ابتعد عن هالصفحات.
تضارب المصالح الظاهري بيصير لما يكون فيه سبب للاعتقاد إنو المحرر عندو تضارب مصالح.
مثال: المحررين عندون تضارب مصالح ظاهري إذا عدّلو مقالة عن عمل تجاري و لأي سبب بيظهرو كأنون أصحاب العمل أو على تواصل معون، حتى لو ما كان فيه أي علاقة فعلية. تضارب المصالح الظاهري بيخلق قلق ضمن المجتمع و لازم يتم حله بالنقاش كلما أمكن.
التعامل مع طلبات التعديل من محررين عندون تضارب مصالح أو محررين مدفوعين
المحررين يلي بيستجيبو لطلبات التعديل من محررين عندون تضارب مصالح أو محررين مدفوعين لازم يتعاملو بحذر، خصوصاً لما تكون المصالح التجارية متداخلة. لما يتم إضافة كميات كبيرة من النص لمقالة لصالح موضوعها، فالمقالة بتكون، عملياً، مكتوبة من الموضوع نفسه بدون ما يعرف القارئ. لهيك، المتطوعين المستجيبين لازم يدققو النص و المصادر المقترحة بعناية. مجرد إنو المقالة إتوسّعت ما بيعني إنها صارت أفضل.
إتأكد إنه النص المدفوع المقترح متوافق مع الوزن.
دقق إذا كان فيه تفاصيل زايدة ممكن تكون منضافة لتغطي على شي سلبي.
إتأكد إنو ما فيه شي مهم ناقص. المحررين المستجيبين لازم يعملو بحث خاص عن مصادر مستقلة. لا تعتمد على المصادر يلي قدمها المحرر المدفوع.
دقق اللغة المو محايدة و المحتوى المو موثق أو ضعيف التوثيق.
كون حذر من قبول المحتوى المبني على مصادر منشورة ذاتياً متل موقع شخصي، أو مصادر أولية متل موقع شركة أو بيان صحفي.
إذا تم إضافة النص المدفوع للمقالة، لازم ملخص التعديل يحتوي على الإسناد الكامل.
إذا المحررين اختارو يضيفو مادة لمقالة نيابةً عن محرر عنده تضارب مصالح أو محرر مدفوع، لازم يضيفو إسناد للنص بملخص التعديل. ملخص التعديل لازم يتضمن اسم المحرر يلي عندو تضارب مصالح أو المحرر المدفوع، رابط للمسودة أو طلب التعديل، و يوضّح إنو التعديل بيحتوي على مساهمة بتضارب مصالح أو مساهمة مدفوعة. مثال:
النص إنضاف نيابةً عن المحرر المدفوع User:X؛ منسوخ من [[مسودة:مسودة مدفوعة]].
أو ممكن تستخدم الصيغة الجاي للنص المطلوب تعديله بصفحة نقاش:
تم التعديل بناءً على طلب [[WP:COI]] تعديل من User:SVeatch؛ منسوخ أو معدّل من "تعديلات على صندوق المعلومات، المقدمة و التاريخ" بـ[[خاص:Permalink/1213729307]].
رابط النسخة الثابتة (Permalink) بيساعد بتجنب الروابط المكسورة لما الأقسام تتأرشف.
هالشفافية بتساعد المحررين و القراء بتحديد مدى تأثير تضارب المصالح على المقالة. كمان بتتوافق مع متطلبات حقوق الطبع و النشر.
المحررين المدفوعين لازم يحترمو الطبيعة التطوعية للمشروع و يحافظو عالنقاشات تكون مختصرة. لما يقترحو تغييرات عمقالة، لازم يشرحو التعديلات المقترحة و يوضّحو ليش هالتغييرات لازم تتم. أي تغييرات ممكن تكون مثيرة للجدل، متل إزالة نص سلبي، لازم يتم تسليط الضو عليها.
قبل ما ينجرو لنقاشات طويلة مع محررين مدفوعين، المتطوعين لازم يكونو عارفين إنو المحررين المدفوعين ممكن يستخدمو أدلة على مشاركات ون بصفحات النقاش ليبررو رواتبون أو أتعابون. ما لازم أي محرر يتوقع يشارك بنقاشات طويلة أو مكررة مع حدا عم يُدفعله ليتجادل معهم.
المحررين يلي بيرفضو يلتزمو بالتوافق و بيجادلو بدون توقف ممكن ينتهكو إرشادات التعديلات المزعجة.
لازم المحررين يتذكرو إنو أي نص بيضيفوه على ويكيبيديا، بشرط إنو يكونو أصحاب حقوق النشر، بيتم ترخيصه بشكل مو قابل للإلغاء تحت رخصة المشاع الإبداعي-الإسناد-المشاركة بالمثل و رخصة التوثيق الحر GNU. محتوى ويكيبيديا، بما فيه المسودات و تعليقات صفحات النقاش، بيقدر أي طرف تالت ينسخه و يعدّله للاستخدام التجاري و غير التجاري، بشرط وحيد إنو يتم نسبه لمحرري ويكيبيديا.
المحررين المدفوعين لازم يتأكدو إنو بيملكو حقوق الطبع و النشر للنصوص يلي بيتم دفعون لإضافتها على ويكيبيديا؛ و إلا ما بيقدرو ينشروها. بالعادة، مؤلف النص بيُعتبر مالك حقوق النشر. أحياناً، الشركات بتزوّد المحررين المدفوعين بنص مكتوب من شخص تاني. أو ممكن المحرر المدفوع يكتب نص لويكيبيديا ضمن نطاق عمله (عمل مقابل أجر)، و بهيك حالة حقوق الطبع و النشر بتكون ملك لصاحب العمل.
إذا فيه شكوك إنو المحرر المدفوع بيملك حقوق الطبع و النشر، بننصح إنو هو (أو صاحب العمل أو المؤلف) يرسلو تصريح من مالك حقوق الطبع و النشر لفريق المتطوعين للرد (permissions-en@wikimedia.org).
إذا المحررين اختارو يضيفو مادة لمقالة نيابةً عن محرر مدفوع، لازم يضيفو الإسناد للنص بملخص التعديل.
كل المحررين لازم يتبعو قوانين الولايات المتحدة بخصوص الإعلانات المو معلنة، يلي بتوضحها لجنة التجارة الفيدرالية (FTC) ضمن إرشادات المصادقة و إفصاحات الدوت كوم. لجنة التجارة الفيدرالية بتعتبر الإعلان خادع إذا قلد شكل محتوى، متل تقرير إخباري، بيبين إنو جاي من مصدر مستقل و محايد:
"المسوقين و الناشرين عم يستخدمو طرق مبتكرة لإنشاء و تنسيق و تقديم الإعلانات الرقمية. شكل من أشكال هالإعلانات هو الإعلانات الأصلية، يلي بتتشابه مع الأخبار، مقالات المميزات، مراجعات المنتجات، الترفيه، و غيرها من المواد يلي بتكون حوالين المحتوى على الإنترنت...
بالإعلام الرقمي، الإعلانات الأصلية بالغالب بتشبه التصميم، النمط، و الوظائف تبع الوسيلة يلي عم يتم نشرها فيها. كل ما زاد تشابه الإعلان الأصلي مع الشكل و الموضوع تبع المحتوى على موقع الناشر، زادت احتمالية الحاجة لإفصاح لمنع الخداع." — لجنة التجارة الفيدرالية، 2015.
لتحديد إذا كان الإعلان خادع وفق قانون لجنة التجارة الفيدرالية لسنة 1914، اللجنة بتنظر "للشي يلي بيقوله الإعلان و للصيغة يلي عم يستخدمها لنقل المعلومات... الإعلانات أو الرسائل الترويجية بتكون خادعة إذا نقلت للمستهلكين بشكل صريح أو ضمني إنها مستقلة، محايدة، أو جايه من مصدر مو المعلن الراعي للإعلان...".
قوانين الولايات ممكن يكون فيها محظورات مشابهة. بينما قانون لجنة التجارة الفيدرالية ممكن يطبق فقط على التجارة بين الولايات و التجارة الخارجية، قوانين الولايات بتطبق على التجارة جوا الولاية و لازم يتم الامتثال إلها. على الأقل قضية محكمة بولاية وحدة وجدت مسؤولية عن إعلان متنكر كأنه محتوى تحريري.
بـ 2012، محكمة ميونخ العليا حكمت إنو إذا شركة أو وكلائها عدلو بمقالات ويكيبيديا بهدف التأثير على العملاء، التعديلات بتشكل إعلان مستتر و بتكون مخالفة لقانون التجارة العادلة الأوروبي. الحكم وضح إنو ما بيقدر القُرّاء يتوقعو يبحثو عن صفحات المستخدم و النقاش ليكتشفو الإفصاحات عن ارتباطات المحررين بالشركة.
بـ 2012، هيئة معايير الإعلانات (ASA) بالمملكة المتحدة وجدت إنو محتوى التغريدات من لاعبين كرة قدم كان "متفق عليه بمساعدة عضو من فريق تسويق شركة نايك". التغريدات ما كانت مميزة بوضوح كاتصالات تسويقية لنايك و بالتالي خالفت كود الهيئة.
سياسة السير الذاتية للناس العايشين بتقول: "أي محرر بيكون متورط بخلاف كبير أو نزاع مع شخص تاني، سواء على ويكيبيديا أو براها، أو بيكون خصم مُعلَن لهالشخص، ما لازم يعدل على سيرتو الذاتية أو أي مادة تانية عنه، نظراً لاحتمالية تضارب المصالح".
نفس الشي، المحررين ما لازم يكتب و عن قضايا قانونية هن أو أشخاص قريبين منون متورطين فيها، و لا عن أطراف أو مكاتب محاماة مرتبطة بهالقضايا.
النشاطات يلي بيشوفها المشاركين كأنها "مجرد نشر المعلومة" ممكن تبين للآخرين كأنها ترويج أو دعاية. إذا عدلت مقالات و إنت مشارك بحملات بنفس المجال، ممكن يكون عندك تضارب مصالح. المرشحين السياسيين و فريق عملون ما لازم يعدل مقالات عن نفسون، داعمينون، أو معارضينون. موظفين الحكومة ما لازم يعدلو و مقالات عن وكالاتون، الحكومات، الأحزاب السياسية، المعارضين السياسيين، أو المواضيع السياسية المثيرة للجدل.
بشكل عام، حاول ما تكتب مقالات عن نفسك أو عن أي حدا بتعرفه، سواء كان عايش أو ميت، إلا عن طريق عملية إنشاء المقالات. إذا عندك ارتباط شخصي بموضوع أو شخص بمقال موجود، من الأفضل ما تعدل المقال بشكل مباشر، و إذا علّقت عليه بصفحات النقاش أو بأي مكان تاني، وضّح علاقتك بشكل كامل. طلبات التحديث على المقالات المتعلقة بنفسك أو بشخص عندك علاقة شخصية معو.
استثناء لهالقواعد هو إذا كان المقال فيه تشهير أو خطأ كبير لازم ينحل بسرعة. إذا عدّلت المقال بهيك حالة، تابع الأمر بإيميل لـ WP:VRT (فريق استجابة متطوعين ويكيبيديا)، أو اطلب مساعدة على WP:BLPN (لوحة الإعلانات للمقالات عن الناس العايشين) أو صفحة نقاش المقال.
استخدام مواد انت كتبتها أو نشرتها مسموح ضمن المعقول، بس بشرط إنها تكون إلها صلة، ملتزمة بسياسات المحتوى، و مو مفرطة. الاستشهادات لازم تكون بصيغة الغائب و ما بتعطي تركيز كبير على شغلك. اسمك رح يضل مسجل بتاريخ الصفحة كالشخص يلي أضاف الاستشهاد لشغلو الخاص. إذا كنت متردد، اعرض التعديل على صفحة نقاش المقال و خلي الغير يراجعوه. لكن إضافة عدد كبير من المراجع لعملك الخاص بدون مراجع لباحثين تانيين ممكن يُعتبر نوع من الإزعاج.
القيمين على المتاحف، المكتبيين، المؤرشفين، و غيرون، مشجعين إنون يساعدو بتحسين ويكيبيديا، أو يشاركو معلوماتون عن طريق روابط لمواردون. إذا الرابط ما كان صالح كمصدر موثوق، ممكن إضافته تحت "قراءات إضافية" أو "روابط برانية" إذا التزم بإرشادات الروابط البرانية. بس إتذكر، ويكيبيديا ما هي مستودع للروابط، الصور، أو ملفات الوسائط.
فيه أشكال من التعديلات المدفوعة بتعتبرها مجتمع ويكيميديا مقبولة، متل الويكيبيديين المقيمين (WiRs)—و يلي ممكن يتم دفعون للتعاون مع مؤسسات متوافقة مع رسالتون، متل المعارض، المكتبات، الأرشيفات، و المتاحف. الويكيبيديين المقيمين ما لازم يشتغلو بعلاقات عامة أو تسويق للمؤسسة تبعون على ويكيبيديا، و لازم يشتغل و ضمن الحدود المحددة بـ "السمات الأساسية لويكيبيدي مقيم" بـ Wikimedia Outreach. لازم يتعاونو عن قرب مع مشروع ويكيبيديا أو مجتمع ويكيبيديا العام، و لازم يعلنو عن وضعون كـ WiR على صفحاتون الشخصية و على صفحات النقاش المتعلقة بمؤسستون لما ينشرو هنيك.
مثال تاني للتعديلات المدفوعة المقبولة هو لوحة المكافآت، مكان ما المحررين ممكن ينشرو حوافز، بالغالب لرفع المقالات لمستوى المقالات المختارة أو الجيدة. إذا شاركت بهالشي، الشفافية و الحيادية أساسية.
بأي طلب بتبعته لموكل محتمل، المحررين المدفوعين لازم يوضحو المعلومات التالية:
المحررين المدفوعين ما بيمثلو مؤسسة ويكيميديا ولا مجتمع المحررين بويكيبيديا، و ما عندون أي صلاحيات أكتر من أي محرر متطوع.
المحررين المدفوعين لازم يصرحو عن صاحب العمل، الموكل، و الارتباطات على ويكيبيديا. ما في سرية للموكل.
التعديلات المدفوعة ممكن تنعمل عليها مراجعات و تعديلات بشكل عادي ضمن عمل ويكيبيديا. لا الموكل و لا المحرر المدفوع بيملكو المقالة.
المحررين المدفوعين ما بيقدرو يضمنو أي نتيجة لأي مقالة على ويكيبيديا. ممكن تنعمل عليها تعديلات أو تنحذف بأي وقت من محررين تانيين.
إذا وفرت رابط لهالقسم للموكل بطريقة حيادية و مو خادعة، بيعتبر هالشي تصريح مناسب.
المحررين المدفوعين لازم كمان يوفرو رابط لصفحتون الشخصية يلي فيها تصريح عن وضعون كمحررين مدفوعين. إذا كان فيه موقع براني بيقول إنو محرر معين بويكيبيديا بيشتغل معون، بس صفحة هالمحرر ما فيها هيك تصريح، بالغالب هالموقع عم يتظاهر إنو هالمحرر شغال عندون.
إذا استلمت طلب من محرر مدفوع ما بيحتوي هالمعلومات، بننصحك ما تشتغل معون. هنن ما عم يتبعو سياساتنا و إرشاداتنا.
شوية طلبات من محررين مدفوعين بتكون مرتبطة بعمليات احتيال؛ متل عملية "أورانج موودي". عدد كبير من الشركات بيدّعو إنون بيقدمو خدمات تعديل، بس شوية منون عبارة عن عمليات احتيال. إذا حدا ادعى إنو عندو محررين بخبرة بيشتغلو معون، اطلوب أسماء المستخدمين لهالمحررين و شيك صفحاتون الشخصية إذا فيها تصريح عن مساهمات مدفوعة؛ غياب التصريح بالغالب بيشير إنو الادعاء كاذب. العروض يلي بتضمن إنو الصفحة ما رح تنحذف مقابل مبالغ كبيرة من المال دايماً بتكون احتيال، متل العروض يلي بتدّعي استخدام صلاحيات خاصة على ويكيبيديا.
إذا فكرت إنو وصلك طلب احتيالي، رجاءً ابعته لـ paid-en-wp@wikipedia.org للتحقيق فيه.
إذا انعملت مقالة عنك، عن مجموعتك، أو شركتك، ما عندك أي حق تتحكم بمحتواها، أو تحذفها برى القنوات العادية. إذا فيه أي شي متوفر علناً عن الموضوع يلي ما بتحب يكون بالمقالة، بالغالب رح يلاقي طريقه لينضاف بالنهاية.
المحررين اللي عندون تضارب مصالح بشكل عام بيقدرو يعملو تعديلات ما فيها أي مجال للجدل، هالشي بيشمل:
إزالة السبام و التخريب الواضح.
إزالة الانتهاكات الواضحة لسياسة السير الذاتية للناس العايشين.
تصحيح الأخطاء الإملائية أو النحوية أو أخطاء التنسيق.
إصلاح الروابط المكسورة.
إزالة التعديلات اللي عملوها بنفسون و اللي فيها تضارب مصالح.
إضافة مصادر مستقلة و موثوقة إذا طلبها محرر تاني، مع إنو الأفضل توفيرها بصفحة النقاش ليضيفها محررين تانيين.
إذا اعترض محرر تاني لأي سبب، التعديل ما بيكون مو مثير للجدل. التعديلات اللي ما بتندرج تحت النقاط اللي فوق لازم تتناقش بصفحة نقاش المقالة. إذا المقالة فيها عدد قليل من المحررين اللي ما عندون تضارب مصالح، فيك تسأل بصفحة نقاش مشروع ويكي مرتبط أو بلوحة ملاحظات تضارب المصالح.
المحررين اللي عندون تضارب مصالح مُستحسن يرفعو ملفات وسائط بجودة عالية و مرخصة بشكل مناسب لويكيبيديا، و اللي بتحسن تغطية الموضوع. لمعلومات أكتر، تابع الإرشادات الموجودة بـ Commons. بشوية حالات، إضافة ملفات الوسائط للمقالة ممكن يكون تعديل مو مثير للجدل و بيقدر المحرر اللي عندو تضارب مصالح يعملها مباشرة. بس لازم يكون فيه discretion (التقدير) و الاعتماد على صفحات النقاش إذا كانت الصور ممكن تكون مثيرة للجدل أو ترويجية. إذا اعترض محرر تاني على إضافة صورة، فهالإضافة بتكون مثيرة للجدل.
استخدام المحتوى المو حر محدود. بشكل عام، استخدام الصور الصحفية أو الصور اللي بيوفرها العميل بدون استعدادون للإفراج عن حقوق الطبع والنشر بشكل دايم تحت Creative Commons مرفوض. المحررين ما بيقدرو يرفعو صور مقدمة من العميل لـ "أغراض مقالات ويكيبيديا بس" و يدّعو بشكل خاطئ إنها مرخصة تحت CC BY-SA، لأنو هيك صور مو متوافقة تماماً مع مبادئ المحتوى الحر. بس مالك حقوق الطبع أو ممثلينو المخولين بيقدرو يعطو إذن باستخدام العمل تحت ترخيص Creative Commons، مو الشخص المصوّر و لا وكيله الإعلامي. إذا إنوجدت نفس الصورة محمية بحقوق النشر بمكان تاني قبل تاريخ الرفع، ممكن تنحذف كانتهاك لحقوق الطبع. إذا كنت مالك حقوق الطبع و بدك تفرج عن المحتوى تحت Creative Commons لاستخدامه على ويكيبيديا، شوف Commons:Volunteer Response Team § Licensing images: when do I contact VRT?.
إذا حسيت إنو تعديل مستخدم معين بيعطيك انطباع إنو عندو تضارب مصالح (يعني إذا عندو تضارب مصالح "واضح")، و ما كان في تصريح عن هالتضارب، فكّر بالبداية إذا المشكلة ممكن تكون مجرد مناصرة. أغلب المناصرة ما إلها علاقة بتضارب المصالح. إذا حسيت إنو المستخدم عم بيقوم بمناصرة، لازم تناقش الموضوع أول شي بصفحة نقاش المستخدم، بعدين بـ WP:NPOVN (لوحة النقاش الخاصة بالحيادية). أما إذا كان فيه قلق بخصوص المصادر، فالمنتدى المناسب هو WP:RSN (لوحة النقاش الخاصة بالمصادر الموثوقة). إذا كان عندك شكوك بخصوص الحسابات الوهمية، بلغ عن الموضوع بـ WP:SPI.
إذا كنت بتعتقد إنو فيه مستخدم عنده تضارب مصالح مو معلن و عم بيعدل بطريقة تخالف هالإرشادات، حاول تثير الموضوع بأسلوب حضاري بصفحة نقاش المستخدم. هالخطوة هي البداية لحل مشاكل السلوك، حسب سياسة حل النزاعات، مع الإشارة لهالإرشادات. إذا ما إنحلت المشكلة، متل لما يكون المستخدم بيضيف مواد إشكالية بشكل متكرر لفترة طويلة، افتح نقاش بلوحة النقاش الخاصة بتضارب المصالح (COIN). هالشي كمان بينطبق على تضارب المصالح المعلن اللي عم بيسبب مشكلة، متل لما يكون الموضوع هو شخص معروف و محرر بمقالته الخاصة.
خلال النقاش بـ COIN، إتجنب التعليقات اللي بتنتقص من الشخص المعني أو من دوافعه أو من الموضوع اللي عم بيناقشه المقال.
شارك أي دليل عام عندك بيثبت وجود تضارب مصالح أو إنو عم بيسبب مشكلة، متل تعديلات المستخدم أو معلومات نشرها عن نفسو. لا تنشر معلومات خاصة؛ شوف WP:OUTING اللي هي سياسة بتمنع هالشي. إذا كان ضروري مشاركة معلومات خاصة لحل مشكلة تضارب المصالح، ممكن ترسلها بالإيميل لـ paid-en-wp@wikipedia.org. اتبع النصيحة بـ WP:OUTING: "شارك أقل قدر ممكن من المعلومات الضرورية و بلغ أقل عدد ممكن من الأشخاص." الأولوية دايماً لتجنب انتهاك الخصوصية بدون داعي.
لما تحقق بمسألة تعديل مرتبط بتضارب مصالح، سياسة منع التحرش بتاخد الأولوية. هالسياسة بتطلب من مستخدمي ويكيبيديا ما يكشفو عن هوية المستخدمين ضد رغبتون. ركّز على تصرفات المحرر و اطلوب النصيحة بالإيميل إذا كان ضروري. لا تسأل المستخدم إذا هو شخص معين؛ بدل من هيك، فيك تسأل إذا عندو ارتباط مو معلن بهالشخص. إذا كان كشف معلومات خاصة ضروري لحل مشكلة تضارب المصالح، و كان الموضوع جدي لهالدرجة، المحررين فيون يرسلو إيميل لـ paid-en-wp@wikipedia.org. شوف القسم "الإبلاغ عن تضارب المصالح بلوحة النقاش" المذكور فوق.
الحسابات اللي شكلها مخصصة لهدف واحد، يعني موجودة بس لتروّج أو تنتقص من شخص أو شركة أو منتج أو خدمة أو منظمة و غيرها، و اللي منشوراتها بتخالف هالإرشادات، لازم يتم تنبيهها لهالإرشادات و تحذيرها من متابعة التعديلات الإشكالية. إذا استمرو بنفس النمط من التعديلات بعد التحذير، الحساب ممكن ينحظر.
صفحات النقاش المرتبطة بالمقالات ممكن تتوسم بـ {{connected contributor}} أو {{connected contributor (paid)}}. المقالة نفسها ممكن تتوسم بـ {{COI}}. قسم معين بالمقالة ممكن يتوسم بـ {{COI|section}}.
سياسات ويكيبيديا
إرشادات ويكيبيديا