Wp/apc/ويكيبيديا:لا تهدم ويكيبيديا حتى توضح شي

noborder

هيدي الصفحة هي صفحة إرشادات بويكيبيديا شامي.

الإرشاد هو معيار مقبول بالعموم، و لازم كل المحررين يتبعو بالاعتماد على الحس السليم، مع العلم إنو الإرشادات ما بتندرج تحت بند السياسات.

لما الواحد يحس بالإحباط من الطريقة اللي عم تنطبق فيها سياسة أو إرشاد، ممكن يغريه إنو يحاول يشوّه سمعة القاعدة أو تفسيرها من وجهة نظرو بتطبيقها بشكل مستمر. أحياناً، هالشي بينعمل بس ليثبت وجهة نظرو بنزاع محلي. بحالات تانية، ممكن يحاول يطبق القاعدة بطريقة عامة و مو شعبية، بهدف تغييرها.

هيك تصرفات، وين ما صارت، بتعتبر مزعجة كتير و بتأدي لحظر أو منع. إذا حسيت إنو فيه مشكلة بسياسة معينة، صفحة النقاش الخاصة بهالسياسة هي المكان المناسب لطرح مخاوفك. و إذا كنت بس معترض على تصرف شخص بمقالة، ناقش الموضوع بصفحة النقاش التابعة للمقالة أو الصفحات إلها صلة. و إذا النقاش ما حل المشكلة، شوف خيارات حل النزاعات.

عملياً، مستحيل إنو ويكيبيديا تكون متناسقة 100%، و قواعدها ما رح تكون مثالية أبداً. إذا الإجماع عارضك بشكل قوي حتى بعد ما عملت جهدك بشكل صحيح، احترم الإجماع بدل ما تحاول تغيّره بتصرفات مزعجة.

لازم تعرف إنو فيك توصل لوجهة نظرك بدون ما تسبب إزعاج لويكيبيديا لتوضيح فكرتك.

أمثلة

• إذا حدا رشّح واحدة من مقالاتك المفضلة للحذف:
  • اعمول: اشرح ليش الموضوع بيحقق معايير الشمولية، و قدّم مصادر موثوقة لدعم كلامك.
  • لا تعمل: ترشّح مقالة تانية للحذف و إنت بالأصل ما بتعتقد إنها لازم تنحذف، و تعطي نفس المبرر.
• إذا رشّحت مقالة للحذف، و غيرك حبّ يحتفظ فيها:
  • اعمول: شارك بالنقاش، و اعتمد بحجّتك على السياسات و الإرشادات.
  • لا تعمل: تنشئ مقالة عن موضوع بنفسك بتعتبره مو مناسب، على أمل إنو غيرك يستعمل نفس الحجة للحذف.
• إذا حدا حذف من مقالة معلومة و قال إنها "مو مهمة" أو "ما إلها علاقة"، و إنت شايف إنها فعلاً مهمة:
  • اعمول: اشرح بصفحة النقاش ليش برأيك هاي المعلومة بتستحق تكون موجودة.
  • لا تعمل: تحذف أغلب باقي المقالة بحجة إنها "مو مهمة".
• إذا حسيت إنو حدا حذف مرجع لمصدر منشور ذاتياً بشكل مو عادل:
  • اعمول: اشرح ليش استخدام هالمصدر كان مناسب بهالحالة، أو دور على مصدر أفضل للمعلومة.
  • لا تعمل: تحذف كل المراجع اللي شكلها مصادر منشورة ذاتياً.
• إذا حسيت إنو حدا حذف محتوى "مو موثّق" بطريقة مو عادلة:
  • اعمول: دور على مصدر إلو، وضّح المرجع إذا كان أصلاً موجود، أو اشرح ليش هالمحتوى ما بيحتاج مصدر.
  • لا تعمل: تحذف كل شي بالصفحة شكله مو موثّق.
• إذا كنت شايف إنه من السهل إضافة معلومات غلط لويكيبيديا:
  • اعمول: راقب التعديلات الأخيرة و راجِع أي شي شكله مشكوك فيه.
  • لا تعمل: تعمل خدعة معقّدة على أمل إنها تاخد شهرة إعلامية.
• إذا كنت شايف إنو مصدر معيّن ما بيحقق معايير ويكيبيديا:
  • اعمول: عبّر عن قلقك بصفحات النقاش للمقالات اللي بتستشهد فيه، أو بلوحة المراجع الموثوقة.
  • لا تعمل: تضيف أكتر مراجع لنفس المصدر على أمل إنو الناس يعترضو على استخدامه.
• إذا فكّرت إنو لجنة التحكيم عملت CheckUsers بشكل مو لائق:
  • اعمول: عبّر عن مخاوفك بواحدة من صفحات نقاش سياسة CheckUser أو بصفحة إلها صلة بلجنة التحكيم.
  • لا تعمل: تقترح CheckUser تاني عبثي أو مو مناسب.

ملاحظة هامة

مو كل حدا عم يحاول يوصّل فكرة معناتو إنو عم يخرب ويكيبيديا ليبين وجهة نظره.

كقاعدة: المحررين اللي بيتصرفوا بطريقة "POINTy" عادةً بيعملو تعديلات هني بالحقيقة ما بيوافقو عليها، بشكل متعمّد، لجذب الانتباه و إثارة معارضة على أمل إنو يخلوا باقي المحررين يفهمو فكرتون.

وصف متل هالسلوك الافتراضي بالكلام بس مقبول و ما بيتعارض مع هالإرشادات.

مثال: قول: "بهالمعيار، لازم نحذف كل المصادر المذكورة بهالصفحة"، هاد تمام و ما فيه مشكلة.

بس فعلياً تطبيق هالشي (حذف المصادر) بس لتوضيح الفكرة، هاد بيعتبر تصرف مو مقبول.