السياسة بتشرح القواعد و الشروط اللى لازم كل اللى بيضيف أو يعدل بويكيپيديا شامي يتبعها, السياسات بتصير رسمية بعد مناقشة و اتفاق عليها و ممكن تتعدل أو تنلغى بنفس الطريقة.
ويكيبيديا بتعتبر سلامة الأولاد اللي بيستخدمو الموقع شغلة كتير مهمة. ويكيبيديا ما بتسمح بأي علاقات مو لائقة بين الكبار و الصغار. المحررين اللي بيحاولو يستخدمو ويكيبيديا ليلاحقو أو يسهلو علاقات مو لائقة بين الكبار و الصغار، أو اللي بيدافعو عن هالعلاقات سواء بالموقع أو براته (مثلاً إذا عبّرو عن رأي إنو هالعلاقات ما بتضر الأولاد)، أو اللي بيعرفو عن حالون إنون بيدوفيليين، رح يتم حظرون و منعون بشكل دايم.
البلاغات عن محررين بيحاولو يلاحقو أو يسهلو علاقات مو لائقة بين الكبار و الصغار، أو اللي بينتهكو الثقة و السلامة، لازم تنبعت لمؤسسة ويكيميديا عن طريق الإيميل: legal-reports@wikimedia.org. البلاغات المتعلقة بمشاكل بصور الأطفال لازم كمان تنبعت على نفس عنوان الإيميل.
المحررين اللي بيبين إنون عم يدفعو بأجندات معينة فيكن تحولوون لأي إداري بنفس الطريقة اللي بتتعاملو فيها مع أي ادعاءات تانية بتخص التحيز بالرأي. التعليقات اللي بتنكتب على ويكيبيديا و اللي بتلمّح إنو محرر ممكن يكون بيدوفيلي رح يتم حذفا فوراً، لحتى نتجنب مشاكل الخصوصية و التشهير المحتمل. إذا عندكن أي مخاوف، لازم تطرحوها بالإيميل لفريق الإشراف بس؛ الأسئلة أو الاتهامات اللي بتكون موجهة لمحرر معين بمساحة المشروع ممكن تتسبب بحظر المحرر اللي كتبها.
إذا حسيت إنو فيه حدا على ويكيبيديا عم يهدد سلامتك أو عم يزعجك بأي شكل، لازم تخبر شخص بالغ مسؤول و تطلب منه يشوف هالصفحة. لا تكمل بالتواصل مع هالشخص – إتجاهله تماماً. أبداً لا تعطي معلوماتك الشخصية متل عنوانك أو رقم تلفونك لأي حدا، حتى لو قال إنو عم يحاول يساعدك. إذا كنت متردد، لا تشارك شي.
سياسات ويكيبيديا
إرشادات ويكيبيديا