Wp/apc/ويكيبيديا:مخالفات حقوق التأليف و النشر
واحد من أهم الجوانب بويكيبيديا هو أنه نصها (مو وسايط، بس رح نحكي عنو بعد شوي) ممكن ينتشر و يستعمل و ينبنى عليه من أي حدا، تحت شروط رخصة المشاع الإبداعي نسب العمل-مشاركة على حد سواء 4.0 دولي (CC BY-SA) و، إلا إذا إنذكر غير هيك، رخصة جنو للوثائق الحرة (GFDL) (مو محددة الإصدار، بدون أقسام ثابتة، نصوص غلاف أمامية، أو نصوص غلاف خلفية). المتطوعين بيوافقو على إصدار محتواهم الأصلي تحت الرخصتين لما يقدموه، و ممكن كمان نستعمل مواد من مصادر عامة أو مصادر مرخصة بشكل متوافق مع سياسة حقوق النشر، بشرط نعطي الإسناد الصحيح.
بس، نسخ مواد من غير إذن صاحب حقوق النشر من مصادر ما بتنتمي للجمهور العام أو مرخصة بشكل متوافق (إلا إذا كان اقتباس قصير مستعمل متوافق مع سياسة المحتوى المو حر و دليل ويكيبيديا) ممكن يكون انتهاك لحقوق النشر. حتى إدخال نص منسوخ مع شوية تغييرات ممكن يكون انتهاك لحقوق النشر إذا كان في تشابه لغوي كبير باللغة الإبداعية أو بنية الجملة؛ هيك شي بيسموه الاقتباس المقرب، و ممكن يثير قلق بخصوص السرقة الأدبية.
مواقف متل هيك لازم تتعامل معها بجدية، لأن انتهاكات حقوق النشر ما بس بتضر من إمكانية إعادة توزيع ويكيبيديا، بس كمان بتخلق مشاكل قانونية.
الوضع بالنسبة للصور و الوسايط التانية شوي مختلف، لأن مجموعة أوسع من الرخص مقبولة. بس، باختصار، الوسايط اللي مو متوفر تحت رخصة حرة مناسبة و ما بتحقق معايير المحتوى المو حر، لازم نفترض إنها مو مقبولة. شوف ويكيبيديا:سياسة استعمال الصور و ويكيبيديا:المحتوى المو حر لتفاصيل هالشي و ويكيبيديا:دليل حذف الصور لبعشوية خطوات مقترحة لمعالجة مشاكل بالصور أو ملفات تانية.
المواد اللي فيها انتهاك لحقوق النشر ما لازم كمان نوصلها بلينكات.
التعامل مع انتهاكات حقوق النشر
[edit | edit source]معالجة الانتهاكات المشتبه فيها لسياسة حقوق النشر بتعتمد على تفاصيل كل حالة.
مواقع تانية عم تنسخ من ويكيبيديا
[edit | edit source]إذا كنت بتشك بوجود انتهاك لحقوق النشر، بس مو متأكد إذا كان المحتوى محمي بحقوق النشر أو إذا كان الموقع البراني عم ينسخ من ويكيبيديا، لازم على الأقل ترفع الموضوع على صفحة نقاش الصفحة، إذا كانت نشطة. ممكن بعدين غيرك يفحص الوضع و يتخذ الإجراء اللازم إذا دعت الحاجة. أهم معلومة ممكن تقدمها هي رابط أو مرجع تاني للي بتعتقد أنه ممكن يكون مصدر النص. ممكن كمان تحط ملاحظة عن مخاوفك على ويكيبيديا:مشاكل حقوق النشر.
بشوية حالات رح تكون تنبيهات كاذبة. مثلاً، نص ممكن يتلاقى بمكان تاني على الويب و كان فعلياً منسوخ من ويكيبيديا بالأول ما بكون انتهاك لحقوق النشر - على الأقل مو من جهة ويكيبيديا. بهالحالات، منيح تحط ملاحظة عن الوضع على صفحة النقاش.
المساهم هو صاحب حقوق النشر
[edit | edit source]كمان، إذا كان المساهم هو صاحب حقوق النشر للنص، حتى لو كان منشور بمكان تاني تحت شروط تانية، عنده الحق ينشرو هون تحت CC BY-SA و GFDL من غير ما ينتهك حقوق النشر، طول ما بيعطي إصدار مناسب للعالم تحت رخص ويكيبيديا أو رخصة حرة متوافقة معهن. (النص ممكن، مع هيك، بيكون لسه مو مناسب لويكيبيديا لسبب تاني.) ما بيقدر صاحب حقوق النشر يحافظ على حقوق نشر مو حرة بمكان تاني على محتواه، و يرخّصه للاستعمال لمرة واحدة هون بإذنه، لأن مخطط رخص ويكيبيديا بيطلب من قرائه و مستخدميه النهائيين القدرة على إعادة استعمال المحتوى تحت إشعار الرخصة الحرة اللي موجود تحت بكل صفحة. الإجراءات للتبرع بمادة محمية بحقوق النشر مو حرة عن طريق إصدارها موجودة على ويكيبيديا:التبرع بمواد محمية بحقوق النشر. بشكل متلو، إذا بيقدرو يثبتو رخصة متوافقة عن طريق إشعار على الموقع الخارجي أو بيقدرو يثبتو إنو المحتوى من الجمهور العام، هيك ما بيكون انتهاك لحقوق النشر. لازم تحط ملاحظة تشرح الوضع على صفحة النقاش (بما فيها، إذا كان في إصدار، رابط لمكان تواجد الإصدار؛ الإذن المنقول عبر البريد الإلكتروني لازم يتأكد من خلال الإجراء على ويكيبيديا:طلب إذن حقوق النشر) و الإسناد المناسب معطى على وجه المقال. شوف التوجيه على الإسناد للمصادر تحت النسخ الحر أو الصادرة للجمهور العام.
إذا كان جزء من المقال بينتهك حقوق النشر
[edit | edit source]إذا كان عندك سبب قوي لتشك بوجود انتهاك لسياسة حقوق النشر و جزء، بس مو كل، من محتوى الصفحة عم يظهر إنو انتهاك لحقوق النشر، لازم تمسح المحتوى اللي فيه انتهاك مع رابط المصدر بملخص التعديل إذا ممكن. بعدين لازم تطلب حذف التنقيح بإنك تحط {{copyvio-revdel}} على صفحة المقال أو بالتواصل مباشرة مع مدير على صفحة نقاشو.
المدرين ممكن بحكمتهم الخاصة يحذفو تنقيحات محتوى محمي بحقوق النشر بشكل أحادي. ممكن كمان تحط ملاحظة تشرح الإزالة على صفحة النقاش، مع المصدر الأصلي، إذا كان معروف.
إذا كان كل المقال بينتهك حقوق النشر
[edit | edit source]إذا كان كل محتوى الصفحة عم يظهر أنه انتهاك لحقوق النشر أو إزالة النص المشكل مو خيار لأنو رح يخلي المقال مو مقروء، فحاص تاريخ الصفحة؛ إذا كان في نسخة قديمة مو منتهكة للصفحة موجودة، لازم ترجع الصفحة لهديك النسخة. الرجوع اللي بيشيل بس المواد المنتهكة ما بينتهك قاعدة التعديلات التلاتة.
إذا ما كان في نسخة قديمة هيك، ممكن تقدر تكتب الصفحة من الصفر، بس إذا فشلت، رح تحتاج عادةً لحذف الصفحة. بظروف محدودة، المدرين ممكن يحذفو انتهاكات واضحة لحقوق النشر من أول نظرة؛ شوف القسم المناسب من سياسة الحذف السريع. ممكن للمساهمين يسجلو صفحات بتلبي هالشروط للحذف باستعمال قالب {{db-copyvio}}.
إذا كانت معايير الحذف السريع ما بتنطبق، و بتعتقد أنه في أسباب تخلي النص بيستحق إعادة الكتابة بدل الإزالة، لازم تفرغ المقال أو القسم المناسب مع قالب {{subst:copyvio|url=حط الرابط هون}}, و تسجل الصفحة على ويكيبيديا:مشاكل حقوق النشر؛ شوف التعليمات. هيك رح يعطي للمساهمين المهتمين أسبوع ليتحققو من الإذن للنص أو يقترحو إعادة كتابة. إذا، بعد أسبوع، كانت الصفحة لسه عم تظهر إنها انتهاك لحقوق النشر و ما في إعادة كتابة صالحة مقترحة، ممكن تحذفها أي مدير أو تقلصها لنسخة أولية مو منتهكة.
مخاطبة المساهمين
[edit | edit source]إذا قدرت تعرف مين صاحب المحتوى، بلغّو عن شروط الاستخدام و سياسات حقوق النشر على ويكيبيديا. لما تكون المقالة معلمة للمسح السريع أو التحقيق بحقوق النشر، رح تشوف قالب بتقدر تستعمله لهالشي. بتقدر تستعمل كمان القوالب الموجودة على صفحة قوالب ويكيبيديا. إذا كان المساهم محذّر قبل هيك عن انتهاك حقوق النشر وما إتوقّف، ممكن تستشير مسؤولين فاهمين بسياسات حقوق النشر أو تبلغ عن الموضوع على لوحة الإشعارات للحوادث. بتقدر كمان تفتح طلب على صفحة تحقيقات حقوق النشر للمساهمين.
المساهمين اللي بينشرو مواد محمية بحقوق النشر بشكل متكرّر رغم التحذيرات، ممكن يتمنعو من التعديل من أي مسؤول لمنع المشاكل. المساهمين اللي انتهاكو حقوق النشر بشكل كبير عن طريق رفع ملفات محمية بحقوق النشر أو حط نصوص محمية بمقالات كثيرة، ممكن يتمنعو من دون تحذير لحماية المشروع. هالمنع عادة بكون مو محدد المدة، لحتى يتأكدو إنه ما رح يصير في انتهاكات جديدة. بالحالات الشديدة، ممكن المسؤولين يحطو شروط قبل فك المنع، متل المساعدة بتنظيف المقالات عن طريق الكشف عن المصادر اللي استعملوها.
الحذف الاستباقي
[edit | edit source]إذا ثبت إنه فيه مساهمين عندهم تاريخ طويل من انتهاك حقوق النشر، ممكن نفترض إنه كل مساهماتهم الرئيسية هي انتهاك لحقوق النشر، و ممكن ينشالو بشكل عشوائي. هالشي بصير بشكل خاص للمساهمين اللي عندهم قضايا تحقيق نشطة لحقوق النشر.
معلومات لأصحاب حقوق النشر
[edit | edit source]إذا كنت صاحب حق نشر أو بتمثل صاحب حق نشر، و بتفكر إنو ويكيبيديا عم تسرقلك حق النشر، منقدر نساعدك أحسن عن طريق الإيميل. بتقدر تتواصل مع info-en-cwikimedia.org بطلب مو رسمي، و لازم تذكر الـ URL كامل (يعني العنوان أو وين موجود الصفحة بالمتصفح، و إبدا بـ (https://en.wikipedia.org/...)، وضِّح معلومات بتكفي لتثبت ملكيتك لحق النشر. إتأكد إن الردود على الرسايل بيتجاوب عليها عدد قليل من المتطوعين، و احتمال ما يجي الرد فورا.
إذا كنت بتفضل طريقة طلب OCILLA رسمي، لازم تبعته لموكل مؤسسة ويكيميديا المخصص.
إذا كنت صاحب حق نشر و بدك ترخص المحتوى تبعك لإعادة الاستخدام، شوف الصفحة على ويكيبيديا:التبرع بالمواد المحمية بحقوق النشر.
| المحتوى (?) |
| ||||||||||
|---|---|---|---|---|---|---|---|---|---|---|---|
| السلوك (?) |
| ||||||||||
| المسح (?) |
| ||||||||||
| تنفيذ السياسات (?) |
| ||||||||||
| التحرير (?) |
| ||||||||||
| محتوى المشروع (?) |
| ||||||||||
| ويكيميديا (?) |
| ||||||||||
 سياسات ويكيبيديا
 إرشادات ويكيبيديا | |||||||||||