Wp/apc/ويكيبيديا:لا تنقل النص الكامل من المصادر الأولية

noborder

هيدي الصفحة هي صفحة إرشادات بويكيبيديا شامي.

الإرشاد هو معيار مقبول بالعموم، و لازم كل المحررين يتبعو بالاعتماد على الحس السليم، مع العلم إنو الإرشادات ما بتندرج تحت بند السياسات.

ويكيبيديا مو مراي لمواد الملكية العامة أو المصادر الأولية التانية. بالمقالات اللي عويكيبيديا، الاقتباسات من أي نصوص أصلية عم ينحكى عنها لازم تكون متعلقة بالنقاش (أو للتوضيح عن الأسلوب) و لازم تكون بطول مناسب.

إذا كان النص برى حقوق الملكية، النصوص القصيرة – متل الخطب القصيرة (خطاب جيتيسبرج)، القصايد القصيرة ("أوزيماندياس")، و الأغاني القصيرة (معظم الأناشيد الوطنية) – بالغالب بتنحط بالمقالة. النصوص الطويلة الأفضل يتم تلخيصها مع وضع النص الكامل عويكي سورس، أو تنعطى كرابط براني.

إذا كان العمل ضمن حقوق الملكية، لازم تكون حذر بتحديد الكمية المقتبسة، و ما تحطها عويكي سورس، و تربطها بس بمواقع عندها الحق بنشرها. مثلاً، موقع فرقة رسمي ممكن يكون فيه كلمات الأغاني أو فيديوهات لواحدة من أغانيون؛ هدول ممكن نربطهم، بس ما لازم نربط لنسخة مو مرخصة من فيديوهاتون عيوتيوب، أو لموقع عم ينتهك حقوق الملكية تبع كلمات أغانيون.

الاستخدام العادل للمصادر الأولية المحمية بحقوق الملكية

الاستخدام العادل بيسمحلنا نقتبس أجزاء قصيرة من المصادر الأولية المحمية بحقوق الملكية، إذا كان إلها علاقة بشرح موضوع المقالة. مثلاً، فينا نقتبس جملة أو تنتين من مراجعة فيلم بمقالة عن الفيلم، أو نقتبس جزء صغير من قصيدة حديثة لنوضح أسلوبها. بكل هالحالات، لازم ننسب العمل للمؤلف الأصلي بطريقة صحيحة، و نذكر وين تم نشره. لما تكتب مقالة عويكيبيديا عن مصدر أولي محمي بحقوق الملكية، لو سمحت اتبع سياسة ويكيبيديا للمحتوى المو مجاني بحذر قبل تضمين أي اقتباسات من المصدر المحمي. النقل لويكي سورس:الترخيص و حقوق الملكية

إذا كنت عم تنقل نص من ويكيبيديا لويكي سورس، إتأكد إنو العمل خالي من حقوق الملكية أو مرخص بشكل مناسب.

مثلاً، كلمات النسخة القديمة من "الأممية" دخلت ضمن الملكية العامة، بس النسخة الحديثة من بيلي براج لسه محمية بحقوق الملكية، فبالتالي الاقتباسات منها لازم تكون قصيرة، و إلها صلة، و منسوبة بشكل صحيح لبيلي براج، وما فينا نستخدمها بويكي سورس إلا كجزء من نص أولي مرخص بشكل مناسب من عند براج. و حسب سياسة ويكي سورس للإدراج، النص اللي بيناقش بيلي براج كان لازم يمر بالمراجعة التحريرية أو إشراف الأقران.