الإرشاد هو معيار مقبول بالعموم، و لازم كل المحررين يتبعو بالاعتماد على الحس السليم، مع العلم إنو الإرشادات ما بتندرج تحت بند السياسات.
كتاب و محررين ويكيبيديا بيضيفو كتير مقالات مميزة و منيحة، بس أحيانا بيضيفو شوية حكي ما إلو معنى بنوب. هالشي بينقسم لنوعين:
حكي فاضي تماماً، متل نصوص ما إلها أي معنى واضح بالمرة (متل لوريم إيبسوم) أو نصوص عشوائية (ضرب على الكيبورد بلا هدف).
محتوى بيبين إنو ممكن يكون إلو معنى، بس بيكون ملخبط بحد ما طبيعي و مو ممكن ينفهم شو القصد منه، متل: "الأرض بتشهد إنو الزراعة بتشفت الحنية الغير متحكم فيها و بتحيي بحزن بدلائل القفزة التنغوية لشجرة التنوب الطازجة بشكل مثير للإعجاب بشهر واحد". إذا المعنى ما كان واضح، بيكون مستحيل تنقيح النص بشكل دقيق.
المواضيع الجاي ما لازم تنحذف بشكل سريع على أساس إنها حكي فاضي (مع إنو شوي منها ممكن ينطبق عليه معايير حذف سريع تانية). فيه طرق تانية للتعامل مع هالأشيا: تعديل لإصلاح المشكلة، ممكن ترجيع التعديل أو إضافة وسم، أو شوف سياسة الحذف.
المعلومات المغلوطة و الأخطاء الواقعية، بما فيها الاستشهاد بمصادر مو موثوقة.
التعليقات الافترائية أو التشهيرية أو القذف، مهما كانت سخيفة. لازم تنشال فوراً إذا ما كانت مدعومة بمصدر موثوق، و ممكن يتم حذفها كلياً عن طريق مشرف. بحالات شديدة، ممكن يتم إخفاء التعديلات التشهيرية بحيث حتى المشرفين ما يقدرو يشوفوها. شوف ويكيبيديا:سير الناس العايشين.
المحتوى المكتوب بشكل سيئ بس ممكن تحسينه، متل النصوص اللي فيها كتير أخطاء نحوية. شوف ويكيبيديا: التحرير الأساسي.
النصوص اللي ما فيها روابط. فكر تضيف عليها وسم {{Underlinked}}.
النصوص اللي مو مكتوبة بالشامي، إلا إذا كانت فعلاً طلاسم بلغتها الأصلية. شوف ويكيبيديا: صفحات بحاجة لترجمة.
النصوص المكتوبة بشكل سيئ بالشامي أو المترجمة بشكل سيئ.
التخريب (يعني تعديلات ضارة متعمدة)، بما فيها التعديلات الفكاهية، الأكاذيب، الألفاظ النابية (المو مناسبة) و المواد الطفولية التانية، ممكن (أو ممكن ما) تكون حكي فاضي رسمي، بس لازم تنشال مع هيك. الأخطاء التانية ممكن تكون غلطة، نصوص سيئة التنسيق، أو تعديلات تجريبية بدون نية سيئة، و ممكن نحتاج لباقة بالتعامل معها.
انتهاكات حقوق الملكية، سواء كانت حكي فاضي أو لأ. هالشي لازم ينشال فوراً (مو بس ينحط بمكان تاني).
الانتحال. لازم يتم نسبة المحتوى المنسوخ بشكل صحيح (أو إعادة صياغته) إلا إذا كان انتهاك لحقوق الملكية كمان.
في أكتر من طريقة للتعامل مع الحكي الفاضي تماماً—استخدم حكمك الشخصي لتقرر شو الأنسب:
استبدله بمقالة مكتوبة بشكل جيد.
انقله لصفحة النقاش الخاصة بالمقالة.
انقله لصفحة النقاش الخاصة بالمستخدم.
شيله من المقالة إذا ضل فيها محتوى مقبول بعد حذفه. بالغالب، الحكي الفاضي الرسمي بيكون سهل الإلغاء.
لازم تاخد بعين الاعتبار إنو ممكن يكون مجرد تعديل تجريبي، و ما تهجم على المبتدئين بوصفهم مخربين بهالحالة، حذرون بملاحظة شخصية أو باستخدام سلسلة قوالب التحذير التجريبية (Template:Uw-test1). إذا كان واضح إنو القصد تخريبي، استخدم سلسلة قوالب تحذير التخريب (uw-vandalism) و بلغ عنون كمخربين إذا استمرو.
لكن إذا اعترض المستخدم لأنو بيعتقد إنو المحتوى مو حكي فاضي رسمي، ناقش الموضوع و حاولو توصلو لاتفاق. و خصوصاً إذا فيه حدا عرض إنو يعيد صياغة "الحكي الفاضي" لمحتوى مفيد، أعطوه وقت معقول ليعمل هيك.
إذا الصفحة ما فيها غير حكي فاضي رسمي:
أولاً، راجع تاريخ الصفحة لتتأكد إذا الحكي الفاضي استبدل محتوى سابق. إذا إيه، ارجع لأحدث نسخة قبل ما يتم استبدال المحتوى بالحكي الفاضي. حذر المستخدمين اللي دخلو الحكي الفاضي بنفس الطريقة اللي ذكرناها فوق.
إذا ما كان في محتوى سابق، حددها للحذف السريع تحت معيار G1 عن طريق إضافة {{db-g1}} أو {{db-nonsense}} بأعلى الصفحة. و كمان حذر و بلغ عنون بنفس الطريقة المذكورة فوق.
سياسات ويكيبيديا
إرشادات ويكيبيديا