Wp/apc/ويكيبيديا:الخمس قواعد

المبادئ الأساسية لويكيبيديا ممكن تتلخص بخمس "ركائز": ويكيبيديا موسوعة ويكيبيديا بتجمع بين خصائص الموسوعات العامة و المتخصصة، و كتب السنوية، و الدوريات الجغرافية. هي مو منصة لإعلانات، و لا شبكة اجتماعية، و لا وسيلة لنشر الذات، و لا تجربة فوضوية أو ديمقراطية، و لا مجرد تجميع معلومات عشوائية، و لا دليل ويب. هي موسوعة، مو معجم، و لا صحيفة، و لا مجموعة من الوثائق المصدرية، برغم إنه بعض المشاريع التانية التابعة لمؤسسة ويكيميديا ممكن تكون هيك. ويكيبيديا مكتوبة من وجهة نظر محايدة نحن منسعى لكتابة مقالات بنبرة محايدة بتوثق و بتشرح الآراء الرئيسية، مع إعطاء وزن مناسب لأهمية كل وجهة نظر. نحن منبتعد عن الدعاية، و منوصف المعلومات و القضايا بدل ما نناقشها. ببعض المواضيع، ممكن يكون في وجهة نظر معترف فيها كأحسن خيار؛ و بمواضيع تانية، منشرح وجهات نظر متعددة بشكل دقيق و بسياقها، ما بنعتبرها "الحقيقة" أو "أفضل وجهة نظر". كل المقالات لازم تسعى لدقة قابلة للتحقق مع مصادر موثوقة، خصوصاً لما يكون الموضوع مثير للجدل أو عن شخص حي. تجارب و آراء المحررين ما بتخص ويكيبيديا. ويكيبيديا هي محتوى مجاني ممكن أي شخص يستخدمه و يعدله و يوزعه كل المحررين بيرخصو أعمالهم بحرية للعموم، و ما في شخص بيملك مقال – أي إضافة ممكن تتعدل و تتوزع بلا رحمة. احترام قوانين حقوق الملكية مهم، و ما منسمح بالسرقة الأدبية. ممكن ببعض الحالات نستخدم وسائط مو مجانية كاستخدام عادل، بس المحررين لازم يحاولو يلاقو بدائل مجانية أولاً. المحررين بويكيبيديا لازم يتعاملو مع بعض باحترام و أدب احترم زملاءك بويكيبيديا حتى لو كنت مختلف معهم. اتبع آداب ويكيبيديا، و ما تشارك بهجمات شخصية أو حروب تحرير. حاول توصل لإجماع، و ما تعطل ويكيبيديا حتى توضح نقطة معينة. إتصرف بحسن نية، و افترض حسن النية من التانيين. كون منفتح و مرحب بالجداد. إذا صار في صراعات، ناقشها بهدوء على صفحات النقاش المناسبة، و اتبع إجراءات حل النزاعات، و اعتبر إنه في ٣٬٠٠٥ مقالة على ويكيبيديا شامي ممكن تحسنها و تناقشها. ويكيبيديا ما فيها قواعد ثابتة ويكيبيديا عندها سياسات و إرشادات، بس هي مو ثابتة، ممكن تتغير مع الوقت. المبادئ و الروح أهم من النصوص الحرفية، و أحياناً لتحسين ويكيبيديا لازم نعمل استثناءات. كون جريء، بس مو متهور بتحديث المقالات. و ما تشيل هم من الأخطاء: لأنها بتتصلح بسهولة لأن (تقريباً) كل نسخة سابقة من المقال محفوظة.