Wp/apc/ويكيبيديا:حجم المقالة

noborder

هيدي الصفحة هي صفحة إرشادات بويكيبيديا شامي.

الإرشاد هو معيار مقبول بالعموم، و لازم كل المحررين يتبعو بالاعتماد على الحس السليم، مع العلم إنو الإرشادات ما بتندرج تحت بند السياسات.

هالصفحة بتحكي عن المواضيع الرئيسية اللي بتتعلق بحجم المقالة. فيه تلات مقاييس مرتبطة بحجم المقالة:

• حجم النص القابل للقراءة: يعني كمية النص اللي ممكن ينشاف بالأقسام الرئيسية بالمقالة، و اللي ما بيشمل الجداول أو القوائم أو أقسام التذييل.
• حجم التنسيق الخاص بوكيبيديا: يعني كمية النص الموجودة بنافذة تعديل الصفحة الكاملة، متل ما بيبين عداد الأحرف بتاريخ صفحة المقالة.
• حجم صفحة المتصفح: يعني الحجم الكلي للصفحة وقت بيتم تحميلها بمتصفح الويب.

حجم المقالة بيأثر على سهولة الاستخدام بطرق مختلفة:

• مشاكل القارئ: متل مدة التركيز، سهولة القراءة، تنظيم المعلومات، و تشبع القارئ بالمعلومات لما بتكون المقالة طويلة؛ أو تشتت و تكرار المعلومات اللي القارئ ممكن يدور عليها بأكتر من صفحة لما بتكون المقالة قصيرة.
• الصيانة: لما بتكون المقالة طويلة كتير، بتصير صعبة و بتاخد وقت لتحديثها؛ أو لما بتكون المقالات قصيرة و مكررة، ممكن يصير فيه صعوبة بتنسيق و تحديث المعلومات المتشابهة أو اللي إلها نفس المصادر بمقالات متعددة.
• مشاكل تقنية: متل حدود الحجم اللي بيفرضها برنامج ميدياويكي.

لما بتكون المقالة كبيرة زيادة، حاول تقسمها لمقالات أصغر، أو إفتح مقالة جديدة لجزء منها، أو دمج جزء منها مع مقالة تانية موجودة. و لما بتكون المقالة صغيرة كتير، فكر بدمجها مع مقالة أو أكتر من المقالات التانية الموجودة. هي القرارات التحريرية بتحتاج توافق جماعي. فيه إرشادات عن حجم المقالات و حلول تفصيلية مذكورة تحت. سياسة الترخيص بتطلب إنو لما يتم نسخ أي محتوى من مقالة للتانية، سواء جديدة أو موجودة، لازم يتسجل ملخص تعديل فيه نَسَب النسخ المطلوب.

قابلية القراءة

كل مقالة بوكيبيديا هي عملية تطور مستمرة، و بالغالب رح تضل تكبر. المحررين التانيين رح يضيفو معلومات للمقالات بعد ما تخلص شغلك عليها. بالرغم من إنو وكيبيديا عندها مساحة تخزين شبه مو محدودة، المقالات الطويلة ممكن تكون أصعب للقراءة، و التنقل، و الفهم. إذا كانت المقالة أطول من صفحة أو تنتين وقت بتنطبع، لازم تنقسم لأقسام لتسهيل التنقل. و بمعظم المقالات الطويلة، التقسيم لأقسام بيجي طبيعي بالأصل. قرّاء النسخة الموبايلية من وكيبيديا ممكن تساعدهم إذا ضمنت إنو الأقسام ما تكون طويلة كتير أو عددها كبير لدرجة تعيق التنقل.

صفحة فيها حوالي 10,000 كلمة بتاخد بين 30 و 40 دقيقة للقراءة بسرعة متوسطة، و هالشي قريب من مدة التركيز عند أغلب القراء. فهم النصوص العادية بسرعة قراءة متوسطة حوالي 65%. بمقالة فيها 10,000 كلمة، ممكن يكون من المفيد نقل شوية أقسام لمقالات تانية و استبدالها بملخصات حسب أسلوب التلخيص بوكيبيديا – شوف قسم إرشادات الحجم تحت.

المقالات اللي بتغطي مواضيع تقنية بشكل خاص لازم، بشكل عام، تكون أقصر من المقالات عن مواضيع أقل تقنية. بينما القُرّاء الخبرا بهيك مقالات ممكن يتقبلو التعقيد و الطول إذا كانت المقالة مكتوبة منيح، القارئ العادي بيحتاج لوضوح و اختصار. فيه أوقات بيكون المقال الطويل أو الطويل كتير ضروري، بس لازم تقلل تعقيده قدما بتحسن. قابلية القراءة هي معيار أساسي: المقالة لازم تكون بحدود واضحة، منظمة منيح، تبقى ضمن الموضوع، و تكون سلسة بالسرد.

النص القابل للقراءة

النص القابل للقراءة هو النص الأساسي بالمقالة، و ما بيشمل مواد متل الهوامش و أقسام المراجع ("شوف كمان"، "روابط برانية"، "المراجع"، إلخ)، الرسوم و الصور، الجداول و القوائم، الوصلات الداخلية و البرانية، و كمان التنسيقات و الرموز. هالقياس ممكن يقلل كتير من تقدير كمية المحتوى بالمقالات اللي بتلخص معظم معلوماتها بالجداول، خصوصاً إذا كانت هالجداول فيها ملاحظات أو شروحات بأعمدة النص.

أداة XTools بتعرض معلومات عن النص، و منها عدد الأحرف (تحت قسم "Prose" بـ"الإحصائيات العامة"). ممكن استخدامها للمقالات اللي عم يتم الاطلاع عليها هلق عن طريق اختيار علامة عرض التاريخ للصفحة، و بعدين إحصائيات الصفحة من الخط اللي بأعلى الصفحة بعنوان أدوات برانية. كمان أداة prosesize gadget مفيدة لتقدير حجم النص القابل للقراءة.

القوائم و الجداول و الملخصات

القوائم و الجداول و غيرون من المواد اللي أصلاً مختصرة ممكن ما تكون مناسبة للتلخيص أكتر باستخدام أسلوب التلخيص. إذا ما كان فيه طريقة "طبيعية" لتقسيم أو تقليل قائمة طويلة أو جدول طويل، الأفضل يضلو متماسكين، و القرار بيكون إما نخليون ضمن المقالة الرئيسية أو نفصلون لصفحة منفصلة. بغض النظر، لازم تكون القائمة أو الجدول قصيرين قد ما منحسن حسب الغاية و النطاق. كمان، وجود كمية كبيرة من البيانات الإحصائية هو ضد سياسة وكيبيديا.

الصيانة

مقالات وكيبيديا دايماً بحاجة لصيانة. هالشي بيشمل تعديلات صغيرة لتصحيح الإملاء و النحو، أو تحديثات كبيرة لتعكس أحداث جديدة و مصادر حديثة. شوية مقالات ممكن تحتاج لإعادة كتابة بعد فترة، خصوصاً المقالات اللي بتنكتب عن أحداث حديثة. بشكل عام، من الأفضل الحرص على إنو المقالات ما تصير طويلة زيادة لدرجة تصعب صيانتها، خصوصاً المقالات اللي بتحتاج تحديثات مستمرة. الصيانة ممكن تصير أصعب لما بتكبر كمية النص عن موضوع معين، خصوصاً لما لازم يتم تحديث معلومات مكررة أو بمصادر مكررة عبر مقالات متعددة.

المشاكل التقنية

حجم المقالة الكلي لازم يضل منخفض بشكل معقول، خصوصاً للقرّاء اللي بيستخدمو اتصال إنترنت بطيء، أو أجهزة موبايل، أو كمبيوترات بطيئة بالتحميل. شوية مقالات كبيرة موجودة لمواضيع بتحتاج عمق و تفصيل، بس بالعادة المقالات بهالحجم بتنقسم لمقالتين أو أكتر أصغر. لملاحظات عن مشاكل تانية مو مرتبطة اللي شوية متصفحات ويب بتعاني منها مع مواقع ميدياويكي، و كمان لقائمة المتصفحات البديلة اللي ممكن تنزيلها، شوف صفحة وكيبيديا:ملاحظات المتصفح.

الحد الأقصى لحجم المقالة بوكيبيديا بيتم تحديده عن طريق برنامج ميدياويكي، و القيمة المحددة هي 2 ميغابايت (بالتحديد، 2048 كيبابايت أو 2,097,152 بايت). إذا إتجاوزت المقالة الحد المسموح، رح تظهر القوالب فيها بشكل مو صحيح.

إرشادات الحجم

شوية قواعد عامة مفيدة لتقسيم، تقليص، أو دمج المقالات:

عدد الكلمات	الإجراء المطلوب
أكتر من 15,000 كلمة	لازم تنقسم أو تنقص بشكل شبه أكيد.
أكتر من 9,000 كلمة	بالغالب لازم تنقسم أو تنقص، بس أحياناً نطاق الموضوع ممكن يبرر كمية القراءة الإضافية.
أكتر من 8,000 كلمة	ممكن تحتاج للتقسيم أو التقليل؛ و الاحتمالية بتزيد مع زيادة الحجم.
أقل من 6,000 كلمة	الحجم لحالو ما بيبرر التقسيم أو التقليل.
أقل من 150 كلمة	إذا المقالة أو القائمة ضلت بهالحجم لأكتر من شهرين، فكر بدمجها مع مقالة إلها صلة. بديل تاني، ممكن تتوسع المقالة؛ شوف وكيبيديا:البذرة.

كيف تلاقي عدد الكلمات

ملاحظة: هالقواعد العامة تقريبية و مخصصة للنص القابل للقراءة بس – ما بتتعلق بحجم التنسيق الخاص بوكيبيديا (متل الموجود بقوائم التاريخ أو بطرق تانية). عدد الكلمات ممكن يتحدد باستخدام أداة Shubinator's DYK أو أداة Prosesize gadget (كسكريبت أو نسخة ويب)، أو عن طريق نسخ و لصق النص (بدون المراجع) بمحرر نصوص أو أداة تانية على الكمبيوتر بتقدر تعد الكلمات. الطريقة الأخيرة أدق للقوائم المستقلة و المقالات اللي فيها محتوى كبير على شكل قوائم، لإنو الأدوات التانية ما بتعد الكلمات الموجودة بتعليقات الصور أو القوائم أو الجداول. لما تفكر تقسم القوائم، خود بعين الاعتبار تأثير تقسيم جدول قابل للفرز.

القواعد العامة بتكون أقل تطبيق على صفحات التوضيح و ما بتنطبق أبداً على التحويلات.

حجم المقدمة

الطول المناسب للمقدمة بيعتمد على الطول الإجمالي للمقالة. أغلب مقدمات المقالات المميزة بتكون بين 250–400 كلمة.

تقسيم المقالة

المقالات الكبيرة كتير لازم تتقسم لمقالات مستقلة منطقياً. القوائم الطويلة اللي بتكون مقالات مستقلة بتنقسم لصفحات تابعة بشكل أبجدي، عددي، أو حسب الموضوعات الفرعية. كمان فكر بتقسيم المقالة و إضافة الأجزاء المقسّمة كمحتوى مدمج (متل استخدام القالب:Excerpt).

لما تقسم قسم لمقالة جديدة، لازم ترجع للخطوات الموجودة بـWP:PROPERSPLIT، و تضيف ملخص تعديل بالمقالة الجديدة بيوضح إنو المحتوى جاي من المقالة الأصلية.

ما في داعي للاستعجال

ما في داعي للاستعجال بتقسيم المقالة لما تبدا تصير كبيرة. أحياناً بيكون ضروري المقالة تكون كبيرة لتعطي الموضوع تغطية كافية. إذا كنت مو متأكد، أو إذا كانت المقالة ملفتة للنظر، بلّش نقاش بصفحة النقاش بخصوص بنية الموضوع بشكل عام. قرر إذا لازم يتم تناول الموضوع كمجموعة مقالات أقصر، و إذا إيه، كيف بتنظمون بشكل أفضل. إذا النقاش ما إتقدم، ممكن تضيف واحد من علامات التقسيم للحصول على آراء من المحررين التانيين.

فصل أقسام بسيطة أو جدلية

موضوع بسيط نسبياً ممكن يكون مناسب ضمن سياق مقالة أكبر، بس مو مناسب يكون موضوع لمقالة كاملة لحاله. بأغلب الحالات، فصل قسم جدلي بدون ترك ملخص كافي بيعتبر خرق لسياسة وجهة النظر المحايدة. و كمان خرق لهالسياسة إنو تعمل مقالة جديدة لتحوي معلومات تم رفضها من المقالة الرئيسية بالإجماع. فكر بمبادئ تنظيمية تانية لتقسيم المقالة، و إتأكد إنو عنوان و محتوى المقالة الجديدة بيعكسو وجهة نظر محايدة.

فصل قسم مو مرغوب فيه

إذا كان فيه قسم بالمقالة بيجذب مساهمات غيمو ر مفيدة (متل قسم "الروابط البرانية" أو أقسام التوافه)، لازم تنتبه إنو نقل القسم لمقالة تانية ممكن يساعد بتنظيف المقالة الرئيسية، بس بنفس الوقت بيخلق مقالة جديدة بتتكون بالكامل من قسم مخصص لمساهمات مو مرغوبة. إذا كانت المقالة فيها كمية كبيرة من المواد اللي ما بتناسب إدراجها بالموسوعة، الأفضل إنك تشيل هالمحتوى بدال ما تعمل مقالة جديدة إلو.

التقليل أو إزالة المحتوى

النص ممكن ينقص باستخدام كلمات أقل لنقل نفس المعنى. فيه مقالات جيدة مكتوبة بتفصيل عن كيفية القيام بهالشي، متل أساسيات التحرير بـWikiProject Military history، و تمارين التخلص من التكرار الخاصة بالمستخدم Tony1، و مبدأ بعض الدهشة بوكيبيديا. هالتقنية مو بس بتخلي المقالات أقصر شوي، كمان بالغالب بتحسّن قابليتها للقراءة.

إزالة المحتوى المناسب، خاصةً المحتوى الملخص أو المعلومات الموثقة و المو جانبية، من المقالة لمجرد تقليل الطول بدون نقل هالمحتوى لمقالة مناسبة سواءً عن طريق الدمج أو التقسيم، ممكن يحتاج نقاش و إجماع بصفحة النقاش.

حجم التنسيق

التنسيق أو لغة التنسيق هو الكود المستخدم لتنظيم مستند و جعله قابل للقراءة. تنسيق وكيبيديا هو الأكواد المستخدمة ضمن وكيبيديا. حجم التنسيق بيشمل النص القابل للقراءة، أكواد وكيبيديا، و أي وسائط مستخدمة بالمقالة، متل الصور أو المقاطع الصوتية.

بتقدر تلاقي حجم التنسيق لصفحة معينة بالبايتات من تاريخ الصفحة (تقريبا تحت). كمان، البحث بكتابة intitle:عنوان المقالة بصندوق البحث بيعرض عدد الكلمات بالمقالة و حجمها بالكيلوبايت. بس بهالحالات، هاي الأرقام بالغالب ما بتكون مؤشرات دقيقة لحالها إذا كانت المقالة لازم تنقسم و لا لأ.

أكبر المقالات حسب حجم التنسيق متوفرة بالقائمة الموجودة بخاص:صفحات طويلة.

لازم تنتبه إنو القدرة على تعديل قسم بدل من الصفحة كلها بتقلل وقت الانتظار، و بتزيل شوية مشاكل مرتبطة بالصفحات الكبيرة كتير بالنسبة للمحررين. مع هيك، القراء اللي عندون اتصال بطيء لسا رح يضطرو يستنو لتحميل الصفحة كلها.

حجم صفحة المتصفح

حجم صفحة المتصفح بيشمل حجم الـHTML المفسّر بالإضافة لأي موارد تانية متل السكربتات، الصور، أنماط التصميم (style sheets)، أو أي محتوى تاني بيتم تحميله بواسطة المتصفح. الحجم ممكن يختلف حسب المتصفح، الملفات اللي تم تخزينها مؤقتاً (cached)، و تفضيلات وكيبيديا. الطريقة لتحديد هالحجم بتختلف حسب المتصفح، بس واحدة من الطرق اللي بتستخدم متصفح Google Chrome و المتصفحات المبنية على كروميوم موضحة تحت:

1. و إنت مو مسجل دخولك بويكيبيديا (أو وقت استخدام نافذة تصفح خاص، المعروفة كـ"وضع التخفي" أو "InPrivate browsing")، افتاح صفحة وكيبيديا بوضع الأمان عن طريق إضافة المعامل safemode=1 للرابط، متل: https://en.wikipedia.org/wiki/Wikipedia:Article_size?safemode=1
2. افتاح أدوات المطور الخاصة بالمتصفح عن طريق الضغط على F12 أو ⌥ Option + ⌘ Command + K، بعدين اضغط على تبويب Network فوق.
3. اضغاط مطولاً على زر التحديث بالمتصفح لحتى تطلع قائمة، و بعدين اختار Empty cache and hard reload أو Empty cache and hard refresh.
4. وقت تحميل الصفحة، تبويب الشبكة بالأسفل رح يعرض عدة إحصائيات. التاني من اليسار بيبين كمية البيانات المنقولة (مثلاً "### kB transferred")، و التالت بيعرض حجم كل الموارد بعد فك الضغط عنها. بعد ما الصفحة تخلص تحميل بشكل كامل، هالأرقام رح تبين حجم صفحة المتصفح مع الضغط و بدونه.

إذا واجهت مشاكل بتعديل مقال طويل

إذا صادفت مقال طويل لدرجة إنك ما قدرت تعدلو، أو إذا كان متصفحك بيقطع آخر المقالة لما بتجرب تعدلها، فيه كم طريقة تقدر تحل فيها المشكلة.

بالغالب، بتقدر تعدل المقالة قسم قسم باستخدام روابط "تعديل" اللي بتشوفها جنب كل عنوان داخل المقالة. بتقدر تعدل مقدمة المقالة قبل أول قسم بإضافة &section=0 للرابط. (شوف T2156 و حلول الجافا سكربت: 1، 2.) بتقدر تضيف قسم جديد باستخدام رابط "قسم جديد" (إذا كان موجود) ضمن قسم "المنظور"، أو عن طريق تعديل قسم موجود و إضافة خط عنوان تاني جوا نفس القسم. إذا لقيت قسم بنفسو طويل لدرجة إنك ما تقدر تعدله، بتقدر تطلب مساعدة من خلال مركز المساعدة.