Wp/apc/ويكيبيديا:أسلوب الملخص

noborder

هيدي الصفحة هي صفحة إرشادات بويكيبيديا شامي.

الإرشاد هو معيار مقبول بالعموم، و لازم كل المحررين يتبعو بالاعتماد على الحس السليم، مع العلم إنو الإرشادات ما بتندرج تحت بند السياسات.

أسلوب "الملخص" المستخدم بويكيبيديا هو طريقة بتنظيم المقالات لتغطي المواضيع بمستويات مختلفة من التفاصيل. المقالة بتبدا بمقدمة قصيرة بتشرح أهم النقاط، و كل موضوع رئيسي بيكونلو قسم خاص فيه بالمقالة بيشرح التفاصيل أكتر. و مع مرور الوقت، المقالات بتصير أطول لإنو الناس بيضيفو معلومات جديدة، بس طول المقالة ما لازم يضل بدون حد. المقالات الطويلة كتير لازم تنقسم.

لو كان فيه موضوع رئيسي بيتطلب شرح كامل، بيكون أفضل ينعملو مقالة منفصلة. المقالة الفرعية هاي لازم تكون مكتملة كأنها مقالة موسوعية لحالها، و فيها مقدمة بتشبه الملخص الموجود بالمقالة الأصلية. كمان لازم تحتوي على رابط بيرجع للمقالة الأصلية، و معلومات كافية عن الموضوع الأوسع حتى القارئ يقدر يفهم السياق، حتى لو هالشي سبب تكرار لشوية محتوى بين المقالتين.

بالمقالة الأصلية، لازم يكون فيه قسم بيلخص موضوع المقالة الفرعية، مع وجود رابط إلها، أو ممكن ينعرض جزء منها. هالتنظيم بيسهل بفضل إنو ويكيبيديا موسوعة إلكترونية، فالقارئ بيقدر ينتقل بين المقالات بسهولة من خلال الروابط، و ما فيه داعي نوفر بالمساحة متل الموسوعات الورقية.

الاقتراح هو إنو يتم تطوير المقالات الفرعية بالأول قبل تلخيصها بالمقالة الأصلية، إلا بحالة المواضيع اللي ما بتستحق مقالة لحالها. و لأسباب حقوق الطبع و النشر، أول تحرير بالمقالة الفرعية الناتجة عن نقل نص من المقالة الأصلية لازم يربط للمقالة الأصلية. كمان فيه قوالب متوفرة بتساعد على الربط بين المواضيع أو التنبيه عن أي مشاكل بالمزامنة بين الملخص و القسم الفرعي.

السببية

حجم المقالة

المقالات اللي بتزيد عن حجم معين ممكن تصعب على القارئ إنه يلاقي المعلومات أو يقراها بسهولة. الآراء بتختلف بالنسبة لطول المقالة المثالي؛ و الحكم على الحجم المناسب بيعتمد على الموضوع نفسه و إذا كان سهل إنو ينقسم لأقسام فرعية. التوجيهات بالنسبة للحجم بتكون أقل صرامة بالنسبة لصفحات التوضيح أو المقالات اللي بتكون عبارة عن قوائم، خصوصاً إذا كان تقسيمها بيحتاج لتكسير جداول قابلة للفرز.

هالأسلوب بتنظيم المقالات بيشبه أسلوب الأخبار، بس بيركز على المواضيع بدل المقالات.

هالطريقة بتفيد القارئ أكتر من مقالة طويلة كتير اللي بتكبر مع الوقت لوقت ما تصير بحجم كتاب. أسلوب "الملخص" بيمنع القارئ إنو يشعر بالإرهاق من كم كبير من المعلومات مباشرة، لإنو بيركز على تلخيص النقاط الرئيسية و بعدين بيدخل بالتفاصيل بقسم خاص أو بمقالة فرعية.

اللي بيحدد إذا المقالة "طويلة زيادة عن اللزوم" بيختلف حسب الحالة، بس بشكل عام، 50 كيلوبايت من النص القابل للقراءة (حوالي 8,000 كلمة) هو النقطة اللي المقالة بعدها ممكن تُعتبر طويلة. المقالات اللي بتزيد عن هالحجم لازم يكون عندا مبررات واضحة إنو النص الإضافي ضروري ليغطي الموضوع بفعالية، و إنو الوقت الإضافي المطلوب للقراءة بيستحق.

مستويات التفاصيل

بما إنو ويكيبيديا، على عكس Encyclopaedia Britannica، ما بتنقسم لمستويات متل Macropædia و Micropædia و نسخة مختصرة، فالموسوعة لازم تخدم كل أنواع المستخدمين بنفس المقالات. أسلوب الملخص بيعتمد على فكرة إنو المعلومات عن الموضوع ما لازم تكون كلها بمقالة واحدة لإنو كل قارئ عندو احتياجات مختلفة:

كتير من القراء بيحتاجو ملخص سريع لأهم النقاط (المقدمة).
قراء تانيين بيحتاجو معلومات متوسطة عن النقاط الرئيسية (مجموعة أقسام متعددة الفقرات).
و منون بيحتاج تفاصيل كتيرة عن نقطة أو أكتر (روابط لمقالات فرعية كاملة).

المقالة الرئيسية (Parent article) لازم يكون فيها ملخص عام متل المقدمة، و المقالات الفرعية (Child articles) بتوسع التفاصيل عن المواضيع اللي انذكرت بشكل مختصر بالمقالة الرئيسية. المقالة الفرعية بدورها ممكن تكون مقالة رئيسية لموضوعاتها و أقسامها الفرعية، و هيك الموضوع بيتغطى بشكل شامل.

الفكرة هي توزيع المعلومات بطريقة تخدم القراء اللي بيحتاجو كميات مختلفة من التفاصيل. أساليب التقسيم لازم تتوقع مستويات التفاصيل اللي القُرّاء بالغالب بدون إياها.

ممكن تفكر فيها كطبقات من أهرامات مقلوبة، القارئ بيشوف أول شي المقدمة عن الموضوع، و بعدين بأي قسم ممكن يلاقي رابط لمقالة كاملة عن الموضوع الفرعي الملخص بهالقسم، متل قالب {{Main|subpage name}}.

التقنية

المقالات الطويلة بتنقسم لأقسام، وكل قسم بالعادة بيكون فيه فقرات حجما منيح. زيادة التقسيم الفرعي ممكن تزيد من كمية التفاصيل. بشكل مثالي، كتير من هالأقسام بتقدم تلخيصات لمقالات مستقلة بتتناول المواضيع الفرعية اللي متغطابة بهالأقسام. المقالة الفرعية لازم تكون مكتملة كمقالة موسوعية مستقلة، بتحتوي على مقدمة مشابهة للتلخيص الموجود بالمقالة الأصلية، و رابط بيرجع للمقالة الأصلية مع معلومات كافية عن الموضوع الأوسع لتساعد القارئ يفهم السياق، حتى لو هالشيء سبب تكرار جزئي بالمحتوى بين المقالتين.

الأقسام الأقل أهمية لفهم الموضوع بالغالب بتكون بنهاية المقالة، أما الأقسام الأهم بتكون فوق، إلا إذا كانت المقالة تاريخية أو مرتبة زمنياً، إلا إذا كان فيه قسم تحليلي. ترتيب الأقسام بهالطريقة مهم لإنو كتير من القُرّاء ما بيكملو قراءة المقالة للنهاية.

بالمقالة الأصلية، مكان المقالة التفصيلية لكل موضوع فرعي بيتحدد ببداية القسم عن طريق رابط توضيحي (Hatnote) متل "المقالة الرئيسية"، و اللي بينعمل باستخدام القالب {{Main|name of child article}}. قوالب تانية بتشمل {{Further}} و{{Broader}}. لازم تتجنب التكرار الزائد بالروابط إذا كان فيه مقالات فرعية كتيرة. مثلاً، قسم "Canada#Economy" بيقدم ملخص مع رابط توضيحي لمقالة "Economy of Canada"، و اللي بدورها بتقدم ملخص للتاريخ مع رابط لمقالة "Economic history of Canada". أما لو كانت العلاقة بين المقالتين أقل هرمية، قالب {{See also}} ممكن يكون مناسب.

لما تقسم صفحة، لازم تذكر التقسيم (مع أسماء الصفحات الفرعية بين أقواس مربعة مزدوجة) بخلاصة التعديل. إذا أمكن، لازم يتم التقسيم لمقالات منفصلة منطقياً. القوائم الطويلة المستقلة ممكن تنقسم أبجدياً أو زمنياً أو بطريقة تانية تسهل الصيانة، بغض النظر عن أهمية الأقسام كأفراد (معايير شائعة: القوائم اللي بتنوجد لإنو معظم أو كل العناصر المذكورة ما بتستحق مقالات مستقلة؛ قوائم قصيرة مكتملة لكل عنصر بينتمي للمجموعة بشكل موثق). مع هيك، التقسيم حسب الموضوع هو الأفضل.

الحكم على الحجم المناسب بيعتمد على الموضوع، بس فيه قواعد عامة ممكن تتبع. بحالات معينة، لفهم أفضل للقُرّاء، المواضيع المعقدة ممكن تنقسم لمقالات تقنية و أقل تقنية، متل مقالات "التطور" و"مقدمة عن التطور".

كل مقالة بويكيبيديا لازم تكون قادرة على الوقوف بشكل مستقل كوحدة مكتملة (مع شوية استثناءات مذكورة). مثلاً، كل مقالة لازم تتبع سياسة التحقق، اللي بتتطلب إنو أي اقتباس أو مادة قابلة للتحدي أو مرجحة للتحدي تكون منسوبة لمصدر موثوق و منشور باستخدام استشهاد داخلي. هالشي بينطبق سواءً على المقالة الأصلية أو المقالة الفرعية بأسلوب الملخص.

تسمية المقالات

المقالات الفرعية (Subarticles) بأسلوب الملخص هي واحدة من الحالات القليلة اللي ممكن يكون فيها استثناء لمبدأ "الأسماء الشائعة" بتسمية المقالات.

إذا كانت كل المقالات الفرعية ما بتتبع مبدأ الأسماء الشائعة بالكامل، فكرة جيدة استخدام قالب ملاحي (Navigational Template) لربط المقالات الفرعية ببعضها، و كمان مع المقالة الأصلية اللي بتعتمد أسلوب الملخص.

إيمتى نتجنب التقسيم

المواضيع المو ملحوظة و إعادة ترتيب المادة

مواضيع المقالات و القوائم لازم تكون ملحوظة أو "جديرة بالملاحظة". المحررين بينصحو بعدم تقسيم المقالات مباشرة إذا المقالة الجديدة ما راح تلتزم بمعايير الملحوظية العامة أو الخاصة لموضوعها. بهالحالة، الأفضل إنو يتم تطوير المقالة الأصلية أولاً و التدوير عن تغطية بتخص الموضوع الرئيسي و الفرعي مع بعض. بهالطريقة، ممكن يتضح إنو المواضيع الفرعية أو مجموعة منها بتستحق بروزها الخاص و وقتها ممكن تنفصل لمقالة مستقلة.

كمان، فكر إذا كان المفهوم ممكن يتم اختصاره أو إزالتو أو دمجو بمكان تاني بويكيبيديا بدل ما ينكتب عنو مقالة جديدة. شوية مواضيع ممكن تكون ملحوظة ، بس مو ضروري يكون إلها مقالة خاصة.

إذا كان الموضوع ما ممكن تغطيته إلا بشوية جمل مدعومة بالمصادر، فهالموضوع ما بيستحق مقالة منفصلة، و بدل هيك لازم يندمج بمقالة عن موضوع أوسع أو قائمة إلها صلة. كتير من الأحيان، المحررين بيقترحو دمج المقالات المرشحة للمسح بمقالة رئيسية بدل من مسحا.

لازم ننتبه إنو إرشادات البروز بتحدد مدى ملاءمة الموضوع كمقالة أو قائمة مستقلة، بس ما بتحد من محتوى المقالة أو القائمة نفسا. إرشادات البروز ما بتطبق على محتوى المقالات، بس بتحدد إذا كان الموضوع بيستحق مقالة مستقلة.

تشعبات وجهات النظر

وقت تطبيق أسلوب الملخص بالمقالات، لازم ننتبه لتجنب إنشاء تشعب وجهات النظر (POV Fork)، و اللي بيكون تقسيم بيأدي لخرق سياسة وجهة النظر المحايدة (NPOV) سواءً بالمقالة الأصلية أو بالمقالة الفرعية. كمان، لازم نتجنب الفروقات الكبيرة بالأسلوب أو الطريقة بين القسم الملخص و المقالة الفرعية.

هالشي ما بيعني إنو المقالة اللي بتغطي وجهة نظر واحدة دايماً بتعتبر POV Fork. مثال جيد هو مقالة "اغتيال جون ف. كينيدي" اللي فيها تقسيم أو مقالة فرعية بعنوان "نظريات المؤامرة حولين اغتيال جون ف. كينيدي". مع هيك، شوية أنواع المحتوى، متل المقالات اللي عنوانها بيبدأ بـ "انتقادات لـ..."، ممكن تكون صعبة الكتابة بطريقة محايدة لما تكون مستقلة. إذا كان الموضوع مثير للجدل، هالشيء ممكن يزيد من عبء الصيانة على المحررين.

لما المقالة يكون فيها مواضيع فرعية كتيرة و كل موضوع عندو مقالته الخاصة، لازم نتأكد إنو أقسام المقالة الأصلية متوازنة بشكل مناسب. ما لازم نحط وزن مو مستحق لقسم على حساب الأقسام التانية. إذا كان أحد المواضيع الفرعية حجمو أكبر بكتير من المواضيع التانية، ممكن يكون هالشيء إشارة إنو هالموضوع الفرعي لازم يكون إاو صفحة مستقلة، و يكون بس ملخص عنو موجود بالمقالة الرئيسية.

المزامنة (Synchronization)

أحياناً بيضيف المحررين تفاصيل للمقالة الأصلية بدون إضافة هالمعلومات للمقالة الفرعية اللي بتفصّل الموضوع. لحتى نحافظ على تزامن المقالات، الأفضل إنه المحرر يضيف المادة الجديدة بالمقالة الفرعية المناسبة أولاً، وإذا كان مناسب، يلخّصها بالمقالة الأصلية. إذا تغيرت المقالة الفرعية بشكل كبير بدون تحديث المقالة الأصلية، لازم يتم إعادة كتابة الملخص الموجود بالمقالة الأصلية ليكون عادل للمحتوى الجديد. هالمشاكل ممكن يتم وسمها بقالب {{Sync}}.

استخدام المقدمة للتلخيص والمزامنة

بما إنه مقدمة أي مقالة لازم تكون أفضل ملخص لها، ممكن يكون مناسب استخدام مقدمة المقالة الفرعية كملخص بقسمها الملائم بالمقالة الأصلية، مع إضافة ملاحظة (hatnote) باستخدام قالب {{Main}} للإشارة للمقالة الفرعية.

بالمقالات اللي المستوى تبعها عالي أو المفاهيمية (متل مقالة الفلسفة)، بالغالب بيكون محتواها معتمد بشكل كبير على الأقسام الملخصة، باستثناء المقدمة الخاصة بالمقالة نفسا. كقاعدة عامة، إذا كانت المعلومة مهمة كفاية لتكون بالمقدمة التفصيلية للمقالة الفرعية، فهي بالغالب مهمة لتكون بالمقالة الأصلية كمان.

استخدام المقتطفات لمزامنة المقالات

المقتطفات (Excerpts) أو "التضمين الانتقائي" ممكن يتم استخدامها لضمان إنو محتوى مقدمة المقالة الفرعية يبقى متزامن بشكل دايم مع القسم الملخص بالمقالة الأصلية.

لحتى تضمّن مقدمة مقالة فرعية بقسم من المقالة الأصلية، استبدل كل المحتوى بالقسم المعني بالمقالة الأصلية بالكود:

{{Excerpt|SUB-ARTICLE_PAGENAME}}

تفاصيل إضافية

المقدمة (Lead Section)

المقدمة بأي مقالة بتكون ملخص لمحتواها. خلال مناقشة مشروع Wikipedia 1.0، كانت الفكرة إنو المقدمة الموجودة بالنسخة الإلكترونية ممكن تُستخدم كنسخة ورقية مختصرة للمقالة. أسلوب التلخيص (Summary style) و أسلوب الأخبار (News style) بيساعدو بعمل مقدمة مختصرة بتشتغل كمقالة مستقلة.

القراءة الإضافية/روابط برانية

أسلوب التلخيص طريقة ممتازة لتنظيم قوائم طويلة سواءً للببليوغرافيا (المصادر الإضافية) أو الروابط البرانية. على سبيل المثال، مقالة شاملة عن الحرب العالمية التانية ممكن يكون فيها قسم "قراءة إضافية" أو "روابط برانية" بيغطي تاريخ الحرب بشكل عام، بينما المقالة الفرعية عن حرب المحيط الهادئ ممكن تضم روابط و مواد بتتعلق بالحرب العالمية التانية بمنطقة المحيط الهادئ تحديداً.