Wp/apc/ويكيبيديا:ملحوظية (الموسيقى)

noborder

هيدي الصفحة هي صفحة إرشادات بويكيبيديا شامي.

الإرشاد هو معيار مقبول بالعموم، و لازم كل المحررين يتبعو بالاعتماد على الحس السليم، مع العلم إنو الإرشادات ما بتندرج تحت بند السياسات.

هاي الصفحة بتعطي دليل للمحررين ليطبقو فكرة الملحوظية على المواضيع اللي بتتعلق بالموسيقى، متل الفنانين و الفِرق و الألبومات والأغاني. عدم القدرة على تحقيق معايير الملحوظية مو سبب لمسح المقالة بسرعة. مقالة عن فنان أو فرقة ما بتبين إنو الموضوع مهم أو كبير ممكن تتعرض للمسح السريع تحت المعيار A7. مجرد ادعاء للأهمية، حتى لو كان متنازع عليه، ممكن يمنع المسح السريع تحت A7، و بيحتاج اقتراح مسح كامل أو عملية تصويت على المقالات لنحدد إذا كانت المقالة بتستحق إنها تكون موجودة على ويكيبيديا.

كتير من الناس اللي بيقضو وقت كبير بتحسين التغطية الموسيقية على ويكيبيديا بيحسو إنو الملحوظية مطلوبة عشان موضوع موسيقي (متل فرقة أو مجموعة مسرحية موسيقية) بيستحق إنه يكون فيه مقالة عنو في الموسوعة. ملاحظة: عدم تحقيق أي من هالمعايير ما بيعني إنه لازم نحذف المقالة؛ و العكس صحيح، تحقيق أي من هالمعايير ما بيعني إنه لازم نحافظ على المقالة. بالعكس، هيدي قواعد عامة بيستخدمها المحررين وقت ما بيقررو إذا كانو رح يحافظو على مقالة موجودة ضمن قائمة المقالات المرشحة للحذف.

لتحقق مقالة معينة معايير ويكيبيديا للتأكد و المصداقية و الملحوظية، لازم المقالة توثق فعلياً إنو المعيار صحيح. مو كافي إنو نعمل ادعاءات من دون مصادر أو بمصادر ضعيفة بالمقالة، أو نأكد على أهمية فرقة على صفحة النقاش أو صفحة اقتراح الحذف - المقالة بنفسها لازم توثق الملحوظية من خلال استخدام مصادر موثوقة، و مافي أي معيار مدرج بهاي الصفحة بيمنح استثناء من ضرورة الحصول على مصادر موثوقة للمقالة لمجرد إنه تم ادعاء تحقيق المعيار.

معايير للموسيقيين و الفِرق الموسيقية

الموسيقيين أو الفِرق الموسيقية (هاد القسم بيشمل فِرق، مغنين، رابرز، أوركسترات، دي جيز، مجموعات مسرح موسيقي، عازفين آلات، إلخ) ممكن يكونو ملحوظين إذا حققو واحد على الأقل من المعايير هي.

ملاحظة: بغض النظر عن معيار الملحوظية اللي عم يتم ادعائه، لازم يتم التحقق من الادعاء بشكل صحيح من خلال مصادر موثوقة مستقلة عن المواد الترويجية الذاتية المنشورة من الشخص أو الفرقة نفسها.

من الشائع جداً للموسيقيين الطموحين اللي بدهم مقالة على ويكيبيديا للدعاية إنون يعملو ادعاءات ملحوظية مبالغ فيها أو كاذبة، متل الأغاني اللي دخلت التصنيفات الموسيقية بس ما دخلت فعلياً (أو اللي دخلت بس على تصنيفات مو مهمة) أو ترشيحات لجوايز ما كانت مهمة بما فيه الكفاية لتحقق المعيار رقم 8 (تحت). بالتالي، الملحوظية ما بتتحدد من خلال شو بتقول المقالة، بتتحدد من خلال كيف المقالة بتدعم أو ما بتدعم الأشياء اللي بتقولها من خلال الإشارة إلها إلى تحقق مستقل بمصادر موثوقة.

1. كان موضوع أعمال منشورة متعددة و مو تافهة، ظهرت بمصادر موثوقة، مو منشورة ذاتياً، و مستقلة عن الموسيقي أو الفرقة نفسها.
   • هاد المعيار بيشمل الأعمال المنشورة بكل أشكالها، متل مقالات الجرايد، الكتب، مقالات المجلات، النسخ الإلكترونية من وسائل الإعلام المطبوعة، و الأفلام الوثائقية التلفزيونية، باستثناء التالي:
     • أي إعادة طبع للبيانات الصحفية، أو منشورات أخرى بيكتب فيها الموسيقي أو الفرقة عن حاله، وكل الإعلانات اللي بتذكر الموسيقي أو الفرقة، بما فيها إعلانات الشركات المصنعة.
     • مقالات بصحيفة مدرسية أو جامعية (أو مشابهة)، بمعظم الحالات.
2. كان عنده أغنية أو ألبوم دخل تصنيف موسيقي وطني لأي دولة.
3. كان عنده تسجيل حصل على شهادة دهبية أو أعلى في دولة واحدة على الأقل.
4. إتلقى تغطية مو تافهة بمصادر موثوقة مستقلة لجولة حفلات دولية، أو جولة حفلات وطنية بدولة إلها سيادة واحدة على الأقل.
5. أصدر ألبومين أو أكثر على شركة تسجيل كبرى أو على واحدة من شركات الإنتاج المستقلة الأكتر أهمية (أي، شركة مستقلة بتاريخ بيزيد عن كم سنة، و مع قائمة من الفنانين، كتير منهم مستقلين و مشهورين).
6. فرقة بتضم اتنين أو أكتر من الموسيقيين المستقلين و المشهورين، أو موسيقي كان عضو بارز بشكل معقول بفرقتين مستقلتين و مشهورتين أو أكتر. لازم يتم تكييف هاد المعيار بشكل مناسب للنوع الموسيقي؛ مثلاً، أداء دورين رئيسيين بدور الأوبرا الكبرى. لاحظ إنه لازم نفسر هاد المعيار بحذر، لأنو كان فيه حالات استُخدم فيها هاد المعيار بشكل دائري لخلق حلقة ملحوظية ذاتية التحقيق (مثلًا، موسيقيين كانو "مشهورين" بس لأنون بفرقتين، واحدة أو التنتين كانو "مشهورين" بس لأنه هدول الموسيقيين كانو فيون).
7. صار واحد من أكتر الممثلين البارزين لأسلوب معروف أو الأكتر بروز بالمشهد المحلي لمدينة ما؛ لاحظ إنه لازم يضل الموضوع بيلبي كل معايير ويكيبيديا العادية، بما فيها الموثوقية.
8. فاز أو تم ترشيحه لجايزة موسيقية كبرى، مثل جرامي، جونو، ميركوري، تشويس أو جراميس. لاحظ إنو هاد بيحتاج من الشخص أو الفرقة إنها تكون المتلقي المباشر للترشيح باسمه الخاص، و ما بيتحقق من خلال العزف كموسيقي على ألبوم كان ترشيحه للجائزة مو محدد بشكل خاص لمساهمات هاد الشخص.
9. فاز بالمركز الأول أو التاني أو التالت بمسابقة موسيقية كبرى.
10. أدى موسيقى لعمل إعلامي معروف، متل موضوع لبرنامج تلفزيوني شبكي، أو أداء ببرنامج تلفزيوني أو فيلم معروف، أو إدراج بألبوم تجميعي معروف. (لكن إذا كان هاد هو الادعاء الوحيد، فمن المحتمل أنه من الأنسب وجود ذكر بالمقالة الرئيسية و إعادة توجيه لهاي المقالة. اقرا سياسة و إرشادات الملحوظية حولين المواضيع المعروفة بحدث واحد بس، لمزيد من التوضيحات).
11. إنذاع بشكل تناوبي وطني من شبكة إذاعية أو تلفزيونية موسيقية كبرى.
12. كان موضوع مميز لجزء بث كبير عبر شبكة إذاعية أو تلفزيونية وطنية.

الموسيقيين الأفراد و المشاركين برامج الواقع

• بيتم إعادة توجيه أعضاء الفرق الموسيقية المعروفة لمقالة الفرقة، مو منحون مقالات فردية، إذا ما أثبتو ملحوظية فردية.
• ممكن إعادة توجيه المغنين و الموسيقيين المعروفين بس بمشاركتهم بسلسلة تلفزيون الواقع لمقالة عن السلسلة، حتى يثبتو إنون مستقلين و ملحوظين.

معايير مؤلفين الأغاني و مؤلفين الموسيقى

ممكن يكون مؤلفين الأغاني أو مؤلفين الموسيقى أو كتاب النصوص الغنائية أو الشعرا الغنائيين، ملحوظين إذا حققو واحد على الأقل من المعايير هي:

1. إنعطى الفضل بكتابة أو المشاركة بكتابة كلمات الأغاني أو الموسيقى لتأليف موسيقي معروف.
2. كتب مسرح موسيقي من نوع (متل المسرحيات الموسيقية و الأوبرا) إنعرض بمسرح معروف و كان إلو عرض معقول، كمان بيتم الحكم على هاي الأمور بوضعها و سياقها و وقتها الخاص.
3. تم استخدام عمل كتبه كأساس لتأليف لاحق من قبل كاتب أغاني أو ملحن أو شاعر غنائي يلبي المعايير المذكورة أعلاه.
4. كتب تأليف موسيقي فاز (أو ببعض الحالات حصل على المركز التاني أو غيره) بمسابقة موسيقية كبرى مو مخصصة للمبتدئين.
5. تم إدراجه كمؤثر رئيسي أو معلم لملحن أو كاتب أغاني أو شاعر غنائي بيلبي المعايير المذكورة فوق.
6. بيظهر بطول معقول بكتب مرجعية قياسية عن نوع الموسيقى الخاص فيه.

وين ما أمكن، لازم دمج مؤلفين الأغاني أو مؤلفين الموسيقى اللي ما بتتوفر عندون مواد قابلة للتحقق الكافية لتبرير مقالة مفصلة لحد معقول بمقالة عن شغلون. لما يكون مؤلف الأغاني أو ملحن معروف بأعمال متعددة، ممكن ما يكون هاد الدمج ممكن.

غيرون

ممكن يكون مؤلفين الأغاني و الفنانين اللي برى تقاليد الإعلام الجماهيري مشهورين إذا حققو واحد على الأقل من المعايير هي:

1. بيظهر كتير بمنشورات مخصصة لفئة موسيقية معروفة.
2. ألف عدد من الألحان أو النغمات أو المعايير المعروفة المستعملة بنوع موسيقي معروف.
3. بينذكر بمصادر موثوقة على إنه مؤثر بالأسلوب أو التقنية أو التراث أو التدريس لنوع موسيقي معين.
4. بينذكر من مصادر موثوقة إنه أسس تقليد أو مدرسة بنوع موسيقي معين.
5. تم إدراجه كمؤثر موسيقي مهم على موسيقيين أو مؤلفين موسيقيين بيحققو المعايير المذكورة فوق.

التسجيلات

لازم كل المقالات عن الألبومات أو التسجيلات التانية تحقق المعايير الأساسية بإرشادات الملحوظية، مع تغطية كبيرة بمصادر موثوقة مستقلة عن الموضوع.

بالنسبة للتسجيلات تحديداً، ممكن يكون تسجيل معروف إذا حقق واحد على الأقل من هالمعايير:

1. كان التسجيل موضوع أعمال منشورة متعددة و مو تافهة، ظهرت بمصادر موثوقة، مو منشورة ذاتياً، و مستقلة عن الموسيقي أو الفرقة اللي أنتجته.
   • هاد المعيار بيشمل الأعمال المنشورة بكل أشكالها، متل مقالات الجرائد، الكتب، مقالات المجلات، النسخ الإلكترونية من وسائل الإعلام المطبوعة، والأفلام الوثائقية التلفزيونية، باستثناء التالي:
     • أي إعادة طبع للبيانات الصحفية، أو منشورات تانية بيكتب فيها الموسيقي أو الفرقة عن التسجيل، و كل الإعلانات اللي بتذكر التسجيل، بما فيها إعلانات الشركات المصنعة.
     • مقالات بصحيفة مدرسية أو جامعية (أو مشابهة)، بمعظم الحالات.
2. ظهر التسجيل بأي تصنيف موسيقي وطني لدولة.
3. حصل التسجيل على شهادة دهبية أو أعلى بدولة واحدة على الأقل.
4. فاز التسجيل أو تم ترشيحه لجايزة موسيقية كبرى، متل جرامي، جونو، ميركوري، تشويس أو جراميس.
5. تم أداء التسجيل بوسيط معروف، متل موضوع لبرنامج تلفزيوني شبكي، أو أداء ببرنامج تلفزيوني أو فيلم معروف، أو إدراج بألبوم تجميعي معروف، إلخ. (لكن إذا كان هاد هو الادعاء الوحيد، فمن المحتمل أنه من الأنسب وجود ذكر بالمقالة الرئيسية و إعادة توجيه إلى هي المقالة).
6. إنذاع التسجيل بشكل تناوبي وطني من شبكة إذاعية أو تلفزيونية موسيقية كبرى.
7. كان التسجيل موضوع مميز لجزء بث كبير عبر شبكة إذاعية أو تلفزيونية وطنية.

بغض النظر عن الملحوظية، مقالة مستقلة مناسبة بس لما فيه مادة كافية لتبرير مقالة مفصلة لحد معقول؛ و المقالات اللي مستبعد إنو تكبر عن مقالات قصيرة لازم تندمج بمقالة الفنان أو بقائمة أعماله.

الألبومات

الألبوم بيحتاج لملحوظية خاصة فيه، و هاي الملحوظية مو موروثة و بتطلب دليل مستقل. إنو الألبوم تسجيل رسمي لفنان أو فرقة معروفة مو سبب بذاته لمقالة مستقلة. بالعكس، الألبوم ما بيحتاج يكون لفنان أو فرقة معروفة ليستحق مقالة مستقلة إذا كان بيحقق إرشادات الملحوظية العامة. ممكن تندمج مقالات الألبومات اللي فيها شوية معلومات زيادة عن قائمة الأغاني بشكل أفضل بمقالة الفنان الرئيسية أو مقالة قائمة أعماله، إذا كان في مجال.

الأغاني المنفردة

الأغنية المنفردة بتحتاج لملحوظية خاصة فيها، و هاي الملحوظية مو موروثة و بتطلب دليل مستقل. إنو الأغنية المنفردة تسجيل رسمي لفنان أو فرقة معروفة مو سبب بذاته لمقالة مستقلة. حتى لو كانت معروفة بطريقة تانية، ممكن تندمج المعلومات عن الأغنية المنفردة بشكل أفضل بمقالة الفنان الرئيسية أو مقالة قائمة أعماله، إذا كان في مجال.

المادة المو منشورة

المادة المو منشرة (بما فيها الديموز و الميكستيبات و التسجيلات المو رسمية و التسجيلات الترويجية بس و الأشيا المتصلة) معروفة بس إذا كان إلها تغطية مستقلة كبيرة بمصادر موثوقة. ألبوم مو منشور حالياً مع تاريخ إصدار مستقبلي مو مؤكد ممكن يتأهل لمقالة إذا كان فيه معلومات كافية قابلة للتحقق و مرجع إلها بشكل صحيح عنه. مثلًا، ألبوم Guns N' Roses لعام 2008 Chinese Democracy كان عنده مقالة بسنة 2004 لأنه كان عم بيستقبل حجم كبير كتير من التغطية الموثوقة عن تطويره. هاد المقال السابق احتاج بس تعديلات بسيطة لما انشر الألبوم أخيرًا.

ألبوم ملغي متل Street King Immortal لـ 50 Cent ممكن يتأهل لمقالة بسبب التغطية الإعلامية الموثوقة لتطويره بالإضافة لإلغائه من شركة التسجيلات. حالات تانية اللي فيها فنان بس بدا بالشغل على ألبوم جديد تم إلغاؤه أو تركه مو مكتمل أو تحوله لمشروع مختلف – قبل ما يكون عنده تاريخ إصدار مؤكد و عنوان و قائمة أغاني مؤكدة من مصادر موثوقة – ما بتتأهل لمقالة ألبوم و ممكن تنوصف بسيرة الفنان.

المادة المستقبلية

مقالة عن ألبوم قريب لكن ما انشر لسا بتتأهل للإدراج إذا تم تغطيته بأعمال منشورة متعددة و مو تافهة، ظهرت بمصادر موثوقة، مو منشورة ذاتيا، و مستقلة عن الموسيقي أو الفرقة اللي أنتجته.

بالنسبة للفنانين البارزين، ممكن تكون الأعمال القادمة معروفة قبل أشهر، و التاريخ اللي بتصير فيه مقالة لهاد الألبوم قابلة للحياة ما بيكون مرتبط مباشرة بتاريخ إصداره النهائي.

ألبوم مستقبلي بتتكون مقالته بس من تكهنات مدونات أو منتديات المعجبين حولين عناوين محتملة، أو أغاني ممكن تكون على الألبوم، هو انتهاك لسياسة الكرة البلورية لويكيبيديا. حقيقة إنو فيه ألبوم جديد قيد التطوير ممكن تنوصف بمقالة الفنان.

الأغاني

الأغاني و الأغاني المنفردة ممكن تكون معروفة إذا كانت موضوع أعمال منشورة متعددة و مو تافهة مصادرها مستقلة عن الفنان و الشركة المنتجة. بيشمل هاد العمل المنشور بكل أشكاله، متل مقالات الجرائد، الكتب، الأفلام الوثائقية التلفزيونية أو المراجعات. بيستثني هاد إعادة طبع وسائل الإعلام للبيانات الصحفية، أو منشورات تانية بيكتب فيها الفنان أو شركة التسجيلات أو الوكيل أو أطراف تانية إلها مصلحة تعلن أو تحكي عن العمل.

تغطية أغنية بسياق مراجعة ألبوم ما بتثبت الملحوظية. إذا كانت التغطية الوحيدة لأغنية بتحصل بسياق مراجعات الألبوم اللي بتظهر فيه، لازم تكون هاي المادة موجودة بمقالة الألبوم و ما لازم نعمل مقالة مستقلة عن الأغنية.

بغض النظر عن الملحوظية، مقالة مستقلة مناسبة بس لما فيه مادة كافية لتبرير مقالة مفصلة لحد معقول؛ و المقالات اللي مستبعد إنو تكبر عن مقالات قصيرة لازم تندمج لمقالات عن فنان أو ألبوم.

لازم تحقق مقالة مستقلة عن أغنية المعايير المذكورة فوق. أي من العوامل الجاي بتشير لإنو أغنية أو أغنية منفردة ممكن تكون معروفة بما فيه الكفاية بحيث يكون التدوير عن التغطية بمصادر مستقلة موثوقة ناجح.

1. تم تصنيفها بقوائم موسيقية أو مبيعات وطنية أو مهمة. (لاحظ مرة تانية إنو هاد بيشير بس لإنو أغنية ممكن تكون معروفة، مو إنها معروفة.)
2. فازت بجايزة أو تكريم واحد أو أكتر مهمة، متل جرامي، لاتين جرامي، جونو، ميركوري، تشويس أو جراميس.
3. تم إصدارها بشكل مستقل كتسجيل من عدة فنانين أو فرق أو مجموعات معروفة.

الأغاني المتغناي بشكل مختلف (كفرات) المعروفة مؤهلة لمقالات مستقلة، بشرط إنو تكون المقالة عن الغلاف المتغنى بشكل مختلف مفصلة بشكل معقول بناءً على حقائق مستقلة عن الأصل.

• ملاحظة 1: الأغاني اللي ما بتوصل لملحوظية لمقالة مستقلة لازم ينعاد توجيهها لمقالة تانية إلها صلة، متل كاتب الأغاني أو ألبوم بارز أو للفنان اللي أدى الأغنية بشكل بارز.
• ملاحظة 2: لازم نضيف دايماً مصادر لأي قصة شعبية أو تاريخ أو محتوى ثانوي تم تمريره. ويكيبيديا للجامعات و ويكي بُوكس إلون سياسات مختلفة و ممكن يكونو مكان أكتر ملاءمة لهيك نوع من المحتوى.

جولات الحفلات الموسيقية

جولات الحفلات الموسيقية ممكن تكون معروفة إذا كانت إتلقّت تغطية كبيرة بمصادر موثوقة مستقلة متعددة. هيك تغطية ممكن تبين الملحوظية من ناحية الأسلوب الفني أو النجاح المادي أو العلاقة مع الجمهور أو شروط تانية متل هيك. المصادر اللي بس بتثبت إنو الجولة صارت ما بتكفي لتثبت الملحوظية. الجولات اللي ما منقدر نرجع إلها بمصادر ثانوية كافية لازم نغطيها بقسم على صفحة الفنان بدل ما نعمل مقالة خاصة فيها. جولة بتحقق معايير الملحوظية ما بتخلي كل الجولات المرتبطة بهالفنان معروفة. جولة مايكل جاكسون 1988 Bad مثال لجولة حفلة موسيقية معروفة.

مصادر

مصدر أونلاين منيح للتسجيلات هو محرك البحث AllMusic. لنلاقي معلومات الملكية عن نصوص الأغاني المحمية بحقوق الطبع و النشر بالولايات المتحدة، أدوات البحث ASCAP ACE Title Search و BMI Repertoire Search قيمة كتير. لما ندور بشكل عميق، بحث على Google books أو Internet Archive items ممكن يطلع بشي. للمادة اللي جذبت انتباه الأكاديميين، بحث على Google scholar أو Internet Archive scholar ممكن ينجح.

محرر متمرس بيقدم كمان دليل على ضمان إنو المقالات بتحقق المعايير.

إذا كان الموضوع مو معروف

ما لازم يكون بويكيبيديا مقالة منفصلة عن شخص أو فرقة أو عمل موسيقي ما بيحقق معايير لا هاد الإرشاد و لا إرشاد الملحوظية العام، أو أي موضوع، رغم تحقيق قواعد الإبهام الموصوفة فوق، اللي ما بيقدر المحررين بالنهاية يلاقو مصادر مستقلة بتقدم معلومات متعمقة عن الموضوع. أهداف ويكيبيديا ما بتشمل لا المقالات الصغيرة اللي ما بتقدر تتوسع أبداً، ولا المقالات المبنية بشكل أساسي على شو بيقول الموضوع عن حاله.

ممكن نضمّن المعلومات عن هيك مواضيع بطرق تانية بويكيبيديا، بشرط تحقيق شروط معينة. ممكن نحافظ على المادة عن موسيقي أو مجموعة أو عمل ما بيتأهل لمقالة منفصلة مستقلة من خلال إضافته لمقالات إلها صلة إذا:

• كان عنده مستوى التفاصيل و الأهمية المناسب لهالمقالة؛
• بيجنب الترويج الذاتي؛
• بيضمّن معلومات ممكن نتحقق منها من خلال مصادر مستقلة.

مثلًا، المادة عن أعضاء فرديين بمجموعة موسيقية عادة بتندمج بمقالات أكبر عن المجموعة. ممكن نوصف الأغاني بقائمة أغاني أو واحدة من قوائم الأغاني الكتيرة.

ممكن نعمل عمليات إعادة توجيه مناسبة من اسم الموضوع و مدخلات بصفحات التوضيح لنساعد القراء يلاقو هيك معلومات.