Wb/nia/Yesaya/9

I. Fama'ele'ö salaŵa andrö, solohe fa'ohahau dödö

1 Tenga sa si lö tebulö zogömi-gömi, ba zi no göna famakao. Me föna, ba no ifatörö wangaila ba dano Zebuloni ba ba danö Nafetali, ba dania, ba i'ebua'ö döi, lala ba na i andrö, singa Yoridano, tanö niha solohe adu andrö. 2 Banua sanörö sogömi-gömi, ba la'ila haga sabölö dania. Ba zi so ba danö, si no tehawu si bongi, ba mohaga dania. Omuso sibai dödö öbe'e. 3 Ba zi lö ni'ebua'ömö fa'omuso dödö, ba somuso tödö dania fönau, timba wa'omuso dödö ba wamasi ba timba wa'omuso dödö na lafaosa gahulua ba wanuwö. 4 Kalo mbagi andrö, norora, ba ue andrö si tohare ba hulura, bözi-bözi andrö ba danga mandru, ba öfatö sa'ae, si mane me leoo Midiano andrö. 5 Fefu wangaro zangaro andrö ba wanuwö ba baru andrö, si no göna do, ba nitunu sa'ae, ö galitö. 6 Tumbu dania khöda nono, tebe'e khöda nono matua; tebe'e ba galisinia wamatörö ba tebe'e töinia Zahöli-höli dödö ba Samolala tödö ba Lowalangi sabölö, ba Ama zi lö aetu ba Salaŵa wa'atulö. 7 Fa'asalaŵania ba wamatörö ba fa'atulö andrö, ba si lö aetu, ba dadaoma Dawido andrö ba ba gamatöröŵania, wangaro ya'ia ba fangabe'e ya'ia fanguhuku satulö, i'otarai da'e, ba irugi zi lö aetu. Fa'aukhu dödö Yehowa ngahönö zolau si manö.

II. Famangelama banua Ndraono Gizeraeli me no la'ositengagö wotu

8 No ifa'ohe'ö daroma li ba ma'uwu Yakobo Yehowa, ba ba mbanua Ndraono Gizeraeli göna. 9 Ba böi zi lö la'ila banuara fefu, mado Geferayi andrö ba banua Zamaria — ba hokhara ba ba wayaŵasa dödö andrö; me lamane: 10 "Kara tembo, ba no adudu, ba tafuli ta'otomosi kara hili nitoto: töla ara, ba no mu'obö, ba ta'ali eresi." 11 Ba no i'abe'e'ö Resino andrö Yehowa, ba no ifarourou nemalira. 12 Aramo moroi ba gatumbukha ba Dawa Wilisiti moroi ba gaekhula, ba no la'a Ndraono Gizeraeli, no la'ebua'ö mbawara. Ba ba da'ö fefu, ba lö tebulö wönunia; fadoro na, i'oro'ö dangania.

III. Famangelama banua Ndraono Gizeraeli me no dozi balunö höröra

13 Lö'ö sa i'otahögö soi andre zamözi ya'ia; lö la'alui Yehowa ngahönö andrö. 14 Andrö dania ifalo'o Yehowa högö, awö gi'o, ba hogu nohi, awö zinasa ba Ndraono Gizeraeli, ha ma'öma'ökhö wa'ara. 15 Högö zalaŵa ba si so töi, ba i'o zama'ele'ö andrö, sofaya. 16 Ba samatörö soi andre, ba no tobali samaelungu, ba nifatörö andrö ba no ni'ohe ba wa'atekiko. 17 Andrö wa lö alimagö khö Zo'aya nono matua khöra, ba lö ihakhösi tödö zi lö ama ba si lö ina ba si no mate ira matua, ba khöra. Dozi ira sa'ae, ba no sanao horö ba samazökhi si lö sökhi, ba dozi bewe, ba no solau faya-faya. Ba ba da'ö fefu, ba lö tebulö wönu Zo'aya; fadoro na, i'oro'ö dangania.

IV. Famangelama banua Ndraono Gizeraeli me no ebua horöra

18 Humola sa walösökhi andrö, hulö galitö, i'a za'a-sa'a mao ba sasai'ö, ba ira'i gatua si fadoro, no aitö zimbo silalö miyaŵa. 19 Fönu Yehowa ngahönö andrö wogozi danö, ba timba gö galitö niha; lö alimagö nawönia ba zamösana. 20 Lataba öra gambölö, ba lö tebulö wa'olofo, ba manga ba gabera, ba lö abuso; i'a nagole da'ionia zamösana. 21 I'a Ndraono Manase Iraono Geferayi ba i'a Ndraono Geferayi Iraono Manase, ba darua ira, ba si manga Iraono Yuda. Ba ba da'ö fefu, ba lö tebulö wönu Zo'aya; fadoro na, i'oro'ö dangania.

Famotokhi ba gahe

Fabaliŵa lala

Olayama Yesaya: 1 • 2 • 3 • 4 • 5 • 6 • 7 • 8 • 9 • 10 • 11 • 12 • 13 • 14 • 15 • 16 • 17 • 18 • 19 • 20 • 21 • 22 • 23 • 24 • 25 • 26 • 27 • 28 • 29 • 30 • 31 • 32 • 33 • 34 • 35 • 36 • 37 • 38 • 39 • 40 • 41 • 42 • 43 • 44 • 45 • 46 • 47 • 48 • 49 • 50 • 51 • 52 • 53 • 54 • 55 • 56 • 57 • 58 • 59 • 60 • 61 • 62 • 63 • 64 • 65 • 66

Amabu'ulali Siföföna: Moze I • Moze II • Moze III • Moze IV • Moze V • Yosua • Sanguhuku • Ruti • Samueli I • Samueli II • Razo I • Razo II • Nga'ötö I • Nga'ötö II • Esera • Nehemia • Esitera • Yobi • Sinunö • Amaedola Zelomo • Sangombakha • Sinunö Sebua • Yesaya • Yeremia • Ngenu-Ngenu Yeremia • Hezekieli • Danieli • Hosea • Yoeli • Amosi • Obadia • Yona • Mikha • Nakhumi • Habakuki • Sefania • Hagai • Sakharia • Maleakhi

Bale zato: Olayama • Angombakhata • Bawagöli zato • Monganga afo • Nahia wamakori • Nga'örö spesial • Ngawalö wanolo • Safuria tebulö • Sanandrösa • Sangai halöŵö