Wb/nia/Yesaya/39
I. I'oroma'ö ba zinenge razo Mbabeli andrö girö-girönia Hisikia[edit | edit source]
1 Me luo da'ö ifa'ohe'ö zura, awö mbuala Merodakhi-Balada, ono Mbalada, razo Mbabeli, khö Hisikia; noa sa irongo, wa no mofökhö Hisikia, awö wa no ifuli abe'e.[1] 2 Ba omuso dödö Hisikia ba khöra andrö, ba i'oroma'ö khöra nomo girö-girö andrö khönia, awö wirö, awö gana'a, awö dalu-dalu, awö wanikha andrö, sebua böli; fefu nahia wangöna, awö fefu hadia ia zi so ba nahia girö-girö andrö. Sambalö lö'ö, si lö i'oroma'ö khöra Hisikia, si so ba gödonia ba ba zi so barö mbawania fefu.[2]
II. I'ombakha'ö khönia Yesaya, wa nirabu mbanua Mbabeli dania da'ö[edit | edit source]
3 Ba möi khö Hisikia Yesaya, sama'ele'ö andrö, imane khönia: Hadia niŵa'ö niha andrö, ba ha banua ira, wa möi ira khöu? Imane Hisikia: La'otarai danö saröu, we'amöi khögu, Mbabeli andrö. 4 Ba imane: Hadia ni'ilara baomou? Imane Hisikia: No ahori la'ila zi so ba gödo andre khögu; lö hadia ia ba nahia girö-girö khögu, si tenga ni'oroma'ögu khöra. 5 Ba imane Yesaya khö Hisikia: Fondrondrongo niŵa'ö Yehowa ngahönö: 6 Irugi baŵa dania, ba te'oloi'ö ba Mbabeli fefu hadia ia zi so ba gödo andre khöu, fabaya fefu nihöna ndra tuau, amau, irugi ma'ökhö andre; lö hadia ia nisaigö, iŵa'ö Yehowa. 7 Ba lahalö dania ösa nonou, nga'ötöu, si tumbu-tumbu khöu dania, ena'ö ngoni-ngoni ira ba gödo razo Mbabeli andrö, enoni yomo. 8 Ba imane Hisikia khö Yesaya: Li Yehowa andrö, nifa'emau, ba no si sökhi. Imane sa dödönia: Fa'ohahau dödö ba fa'ahono-hono sa atö ba götögu andre.
Famotokhi ba gahe[edit | edit source]
Fabaliŵa lala[edit source]
Olayama Yesaya: 1 • 2 • 3 • 4 • 5 • 6 • 7 • 8 • 9 • 10 • 11 • 12 • 13 • 14 • 15 • 16 • 17 • 18 • 19 • 20 • 21 • 22 • 23 • 24 • 25 • 26 • 27 • 28 • 29 • 30 • 31 • 32 • 33 • 34 • 35 • 36 • 37 • 38 • 39 • 40 • 41 • 42 • 43 • 44 • 45 • 46 • 47 • 48 • 49 • 50 • 51 • 52 • 53 • 54 • 55 • 56 • 57 • 58 • 59 • 60 • 61 • 62 • 63 • 64 • 65 • 66
Amabu'ulali Siföföna: Moze I • Moze II • Moze III • Moze IV • Moze V • Yosua • Sanguhuku • Ruti • Samueli I • Samueli II • Razo I • Razo II • Nga'ötö I • Nga'ötö II • Esera • Nehemia • Esitera • Yobi • Sinunö • Amaedola Zelomo • Sangombakha • Sinunö Sebua • Yesaya • Yeremia • Ngenu-Ngenu Yeremia • Hezekieli • Danieli • Hosea • Yoeli • Amosi • Obadia • Yona • Mikha • Nakhumi • Habakuki • Sefania • Hagai • Sakharia • Maleakhi
Bale zato: Olayama • Angombakhata • Bawagöli zato • Monganga afo • Nahia wamakori • Nga'örö spesial • Ngawalö wanolo • Safuria tebulö • Sanandrösa • Sangai halöŵö