Wb/nia/Yesaya/50
I. Börö horöra andrö, wa no tetibo Ndraono Gizeraeli andrö[edit | edit source]
1 Da'ö niŵa'ö Yehowa: Heza so zura wangefa andrö khö ninami fanibogu ya'ia? Ba ba niha zosugilo khögu, ni'amawagu ya'ami! Hiza, si lö atulö andrö khömi mbörö, wa te'amawa ami, ba no olalöŵami andrö mbörö, wa tetibo ninami.[1] 2 Hana wa samösa lö niha, me sodo; hana wa lö sanema li, me mu'ao ndra'odo? Hadia, ambö sa'ae dangagu, ba wangorifi? ba hadia, lö fa'abölö khögu, ba wangefa'ö? Hiza, u'ogo'öisi sa'ae nasi, na uhede-hede'ö, ubali'ö tanö si mate mboto nidanö: obou bakha gi'a, ba wa lö idanö, mate ba wa'owökhi dödö.[2] 3 Ufonukha mbanua si yaŵa salu, ube'e balu-balunia gonigoni.[3]
II. Itolo Yehowa genoninia andrö solo'ö linia ba si lö faröi[edit | edit source]
4 No ibe'e khögu lela nifahaö So'aya, Yehowa, ena'ö u'ila u'okafui dödö zerege tödö huhuogu andrö; ero mahemolu isusugi ndra'odo, ititi dögi dalingagu, ena'ö urongo hadia ia, nifamondrongo nifahaö.[4] 5 So'aya, Yehowa zamokai tögi dalingagu, ba ya'odo, ba lö si fatandrodo, lö nibödagu ya'odo. 6 No ululu hulugu ba zamözi ya'o, ba bo'ögu ba zanöbi bu dangidangigu; lö nibini'ögu bawagu, ba wango'aya ba ba wondrilo.[5] 7 Ba no itolodo So'aya, Yehowa: ba lö u'ila wa'aila. Ba andrö u'abe'e'ö mbawagu, fa'abe'e gowe; u'ila sa atö, wa tenga si falukha fa'aila ndra'o.[6] 8 No ahatö zolohe ba lala huhuogu andrö! Ha niha zi fasoso khögu? Da mafaoma mafa'aso ndra'aga! Ha niha nudugu! Yamuhatö'ö ia khögu![7] 9 Hiza, si fa'awö khögu Zo'aya, Yehowa! — ha niha atö zangetu'ö hukugu? Hiza, ahori adudu ira, hulö mbaru [satua], i'a ira hama! 10 Ha niha ba khömi zangata'ufi Yehowa, ba yamufondrondrongo huhuo genoninia andrö: sanörö lala ba zogömi-gömi, si lö haga, ba ya manötöna ba döi Yehowa andrö, ba yamuhalö fangabe'enia Lowalanginia. 11 Ba ya'ami fefu, sangebua alitö, sanunu sulu fanunu nomo — ba mi'ae bakha ba hola-hola galitö andrö ba mifatöfa ami ba zulu andrö, nitunumi! Tangagu andre zamatörö khömi si manö; ba zafökhö khömi mileagö tou ami![8]
Famotokhi ba gahe[edit | edit source]
Fabaliŵa lala[edit source]
Olayama Yesaya: 1 • 2 • 3 • 4 • 5 • 6 • 7 • 8 • 9 • 10 • 11 • 12 • 13 • 14 • 15 • 16 • 17 • 18 • 19 • 20 • 21 • 22 • 23 • 24 • 25 • 26 • 27 • 28 • 29 • 30 • 31 • 32 • 33 • 34 • 35 • 36 • 37 • 38 • 39 • 40 • 41 • 42 • 43 • 44 • 45 • 46 • 47 • 48 • 49 • 50 • 51 • 52 • 53 • 54 • 55 • 56 • 57 • 58 • 59 • 60 • 61 • 62 • 63 • 64 • 65 • 66
Amabu'ulali Siföföna: Moze I • Moze II • Moze III • Moze IV • Moze V • Yosua • Sanguhuku • Ruti • Samueli I • Samueli II • Razo I • Razo II • Nga'ötö I • Nga'ötö II • Esera • Nehemia • Esitera • Yobi • Sinunö • Amaedola Zelomo • Sangombakha • Sinunö Sebua • Yesaya • Yeremia • Ngenu-Ngenu Yeremia • Hezekieli • Danieli • Hosea • Yoeli • Amosi • Obadia • Yona • Mikha • Nakhumi • Habakuki • Sefania • Hagai • Sakharia • Maleakhi
Bale zato: Olayama • Angombakhata • Bawagöli zato • Monganga afo • Nahia wamakori • Nga'örö spesial • Ngawalö wanolo • Safuria tebulö • Sanandrösa • Sangai halöŵö