Wb/nia/Yesaya/6
I. I'ila lakhömi Yehowa Yesaya[edit | edit source]
1 Ba ndröfi wa'amate Usia andrö, razo, ba u'ila Zo'aya, sidadao ba dadaoma sebua, si no alaŵa: anönö gosali ahe mbarunia.[1] 2 Serafi fönania, önö gafi zamösa. Dua mbalu-balu mbawa ba dua mbalu-balu gahe ba dua ba wehombo. 3 Ba faoma lamane-mane we'ao khö nawöra: Ni'amoni'ö, ni'amoni'ö, ni'amoni'ö Yehowa ngahönö andrö; no anönö lakhöminia guli danö ma'asagörö![2] 4 Ba mudögö latalata zilötö ba wa'ebua lira, ba we'ao andrö, ba afönu nomo simbo.[3] 5 Ba umane: Alai ndra'o! tekiko ndra'o; me no niha si ra'i-ra'iö bewe ndra'odo ba me ba niha si ra'i-ra'iö bewe sodo; noa sa i'ila hörögu razo andrö, Yehowa ngahönö![4] 6 Ba humombo zamösa Zerafi andrö, i'ondrasido, so ba dangania nono gara, ni'oyoni ba galitö, niforönia ba naha wame'e sumange.[5] 7 Ba ifatöfa ba mbawagu ba imane; Me no fatöfa ba bawau da'e, ba no aheta golalöŵamö ba no mubu'a horöu.[6]
II. Famataro Yesaya, ba we'amöi sama'ele'ö[edit | edit source]
8 Ba urongo li Zo'aya, imane: Ha niha nifatengegu, ha niha zi möi khöda? Ba umane: Ya'e ndra'o, fatenge ndra'o. 9 Ba imane khögu: Ae'e, ba ömane ba niha andrö: Mifondrondrongo tögi dalingami, ba böi ya aboto ha dödömi ba mitöngöni hörömi ba böi ya misöndra geluaha![7] 10 Abe'e'ö dödö niha andrö ba awe'e-we'e'ö dögi wisora ba fobalunö höröra, ena'ö tebai la'ila höröra, ba ena'ö tebai larongo tögi dalingara, fa böi aboto ba dödöra, fa böi lafalalini gera'arara ba fa böi lasöndra wangorifi.[8] 11 Ba umane: Ha wa'ara, So'aya? Ba imane khögu: Irege no adudu mbanua andrö, fa lö niha sa'ae, fa lö ösi nomo, ba irege no muhundrahundra nowi, irege no modu'u. 12 Irege no ifa'ohe'ö ba zaröu niha andrö Yehowa ba irege no abölö wa lö niha ba danö. 13 Ba na toröi na ba danö zambua ni'ofulu, ba nihori zui da'ö; si mane awöni ba si mane manawa, si tosai tuhe, na la'obö — tanömö ni'amoni'ö duhe andrö.[9]
Famotokhi ba gahe[edit | edit source]
Fabaliŵa lala[edit source]
Olayama Yesaya: 1 • 2 • 3 • 4 • 5 • 6 • 7 • 8 • 9 • 10 • 11 • 12 • 13 • 14 • 15 • 16 • 17 • 18 • 19 • 20 • 21 • 22 • 23 • 24 • 25 • 26 • 27 • 28 • 29 • 30 • 31 • 32 • 33 • 34 • 35 • 36 • 37 • 38 • 39 • 40 • 41 • 42 • 43 • 44 • 45 • 46 • 47 • 48 • 49 • 50 • 51 • 52 • 53 • 54 • 55 • 56 • 57 • 58 • 59 • 60 • 61 • 62 • 63 • 64 • 65 • 66
Amabu'ulali Siföföna: Moze I • Moze II • Moze III • Moze IV • Moze V • Yosua • Sanguhuku • Ruti • Samueli I • Samueli II • Razo I • Razo II • Nga'ötö I • Nga'ötö II • Esera • Nehemia • Esitera • Yobi • Sinunö • Amaedola Zelomo • Sangombakha • Sinunö Sebua • Yesaya • Yeremia • Ngenu-Ngenu Yeremia • Hezekieli • Danieli • Hosea • Yoeli • Amosi • Obadia • Yona • Mikha • Nakhumi • Habakuki • Sefania • Hagai • Sakharia • Maleakhi
Bale zato: Olayama • Angombakhata • Bawagöli zato • Monganga afo • Nahia wamakori • Nga'örö spesial • Ngawalö wanolo • Safuria tebulö • Sanandrösa • Sangai halöŵö