Wb/nia/Yesaya/64
I. Tohu-tohu wangandrö ba fangombakha horö[edit | edit source]
1 Ena'ö na öfabali mbanua si yaŵa, ba we'amöi mitou, ena'ö humisi hili, 2 fönau — si mane ba galitö, na ira'i duturu geu ba si mane na mo'otu nidanö ibe'e — ena'ö larongo döimö fa'udu khöu ba ena'ö manizi khöu niha baero andrö. 3 Na ölau zata'u niha, si lö mudöna-döna! No möi'ö mitou, ba no humisi hili fönau.[1] 4 I'otarai föna sa'ae, ba lö murongo, lö si möi ba dögi dalinga, lö irai i'ila hörö niha Lowalangi baerou, solau-lau hadia ia khö zanötöna khönia![2] 5 Öfaondragö zomasi molau satulö: ba lala andrö khöu itörö tödöra ndra'ugö. Hiza, no mofönu ndra'ugö ba ya'aga zolu'i — me no faröi ndra'aga, ba te'etu'ö hukuma. 6 Ba tobali amaedola zi ta'unö ndra'aga fefu, ba fefu mbua-buama si sökhi andrö, ba no hulö lembe si no göna do. Dozi ndra'aga, ba saleu, hulö mbulu zinanö; ba i'oloi'ö ndra'aga lalöma andrö, timba ni'oloi'ö nangi.[3] 7 Samösa lö'ö sa'ae si angaröfi li töimö, si maoso, ba wangolembai ya'ugö; noa sa öbini'ö khöma mbawau, ba ölulu ndra'aga ba wa'abölö horöma andrö.
II. Ena'ö na ihakhösi tödö mbanuania Yehowa[edit | edit source]
8 Ba iada'e, ya'ugö Yehowa, ba amama sa atö ndra'ugö: la'uri ndra'aga, ba ya'ugö zamöbözi; omböila dangau ndra'aga fefu![4] 9 Böi abölögö wofönu, ya'ugö Yehowa, ba böi aragö ba dödöu lalö [ma] andrö! Faigi: Banuau ndra'aga fefu![5] 10 Naha ni'amoni'ö andrö khöu, ba no adudu: No tobali tanö si mate Ziona, ba no si lö nihaniha Yeruzalema. 11 Osali andrö khöda, ni'amoni'ö ba solakhömi, ba nisuno ndra tuama ya'ugö, ba no i'a alitö, ba fefu zomasi sibai ndra'aga, ba no adudula. 12 Hadia, ö'ila zui ötaha dödöu ba da'ö, ya'ugö Yehowa; hadia, lö hede-hedeu ba öfalua öhöndrögö ndra'aga?
Famotokhi ba gahe[edit | edit source]
Fabaliŵa lala[edit source]
Olayama Yesaya: 1 • 2 • 3 • 4 • 5 • 6 • 7 • 8 • 9 • 10 • 11 • 12 • 13 • 14 • 15 • 16 • 17 • 18 • 19 • 20 • 21 • 22 • 23 • 24 • 25 • 26 • 27 • 28 • 29 • 30 • 31 • 32 • 33 • 34 • 35 • 36 • 37 • 38 • 39 • 40 • 41 • 42 • 43 • 44 • 45 • 46 • 47 • 48 • 49 • 50 • 51 • 52 • 53 • 54 • 55 • 56 • 57 • 58 • 59 • 60 • 61 • 62 • 63 • 64 • 65 • 66
Amabu'ulali Siföföna: Moze I • Moze II • Moze III • Moze IV • Moze V • Yosua • Sanguhuku • Ruti • Samueli I • Samueli II • Razo I • Razo II • Nga'ötö I • Nga'ötö II • Esera • Nehemia • Esitera • Yobi • Sinunö • Amaedola Zelomo • Sangombakha • Sinunö Sebua • Yesaya • Yeremia • Ngenu-Ngenu Yeremia • Hezekieli • Danieli • Hosea • Yoeli • Amosi • Obadia • Yona • Mikha • Nakhumi • Habakuki • Sefania • Hagai • Sakharia • Maleakhi
Bale zato: Olayama • Angombakhata • Bawagöli zato • Monganga afo • Nahia wamakori • Nga'örö spesial • Ngawalö wanolo • Safuria tebulö • Sanandrösa • Sangai halöŵö